logo

иқтисод

КОНИБОДОМ. ИМКОНИЯТИ ЭҲЁИ ИҚТИДОРҲОИ САНОАТӢ ЗИЁДАНД

Конибодом солҳои 80 -уми асри гузашта дар  ҷумҳурӣ аз  шаҳрҳои пешрафтаи саноатӣ маҳсуб меёфт ва  дар ташаккули маҷмӯи  маҳсулоти саноатии ҷумҳурӣ аз 30 то 40 дарсад саҳм дошт. Дар корхонаҳои соҳа  зиёда аз 9 ҳазор  сокини шаҳр  бо ҷои кори доимӣ ва музди хуб таъмин буд. Маҳсулоти корхонаҳои дӯзандагии «Ҳусноро», равғанбарории «Ассор», риштаҳои босифати «Ресмон», консерв ва маҳсулоти боз  чанд корхонаи дигари  шаҳр ба  минтақаҳои гуногуни Иттиҳоди Шӯравӣ ва  кишварҳои Осиёву Аврупо содирот мешуд. Аммо имрӯз бахши саноати шаҳр аз рӯи талаботи низоми бозорӣ ва дигаргуниҳои технологии замони муосир ба ислоҳоти ҷиддӣ ниёз дорад.
Корхонаҳои номбаршуда имрӯзҳо дар симои соҳибкорони ватанӣ соҳибмулкони худро ёфтанд, аммо аксари онҳо фаъолият намекунанд ва ҳолати ҳузнангез доранд. Тадбирҳои андешидаи  мақомоти иҷроияи ҳокимияти давлатии шаҳр барои эҳё ва  истифодаи самараноки корхонаҳо аз ҷониби соҳибони онҳо ба ҳадди зарурӣ  ба эътибор гирифта намешаванд.
Зафарбек Давлатзода, раиси шаҳр, дар мулоқот бо фаъолону роҳбарони корхонаю муассисаҳои шаҳр аз ҳолати  ногувори  соҳа ёдовар шуда, ба масъулону  мутахассисон  ҷиҳати эҳёву фаъол гардондани  корхонаҳои саноатии азкормонда  дар заминаи технологияи инноватсионӣ ва бунёди  коргоҳҳои нав  дастуру супоришҳои мушаххас дод. 
Рустамҷон Қодиров, собиқадори меҳнат, бовар дорад, ки дар сурати мутобиқ ба талаботи низоми бозоргонӣ тарҳрезӣ кардани барномаҳои махсуси саноатикунонӣ Конибодом,  бешубҳа, дар муддати кӯтоҳ шуҳрати пештараашро соҳиб мешавад.
- Мусаллам аст, ки инфрасохтори соҳа  яке аз муҳимтарин бахшҳои истеҳсолот маҳсуб меёбад. Дар ин самт Конибодом назар ба  бисёр шаҳру навоҳии кишвар бартарӣ дорад. Соҳибмулкони корхонаҳои азими азкормондаи шаҳр имкон доранд, ки  бидуни сохтмони иншооти нав  танҳо бо воридоти хатҳои технологияи пешқадам истеҳсолоти рақобатпазирро ба роҳ монанд, - гуфт Рустамҷон Қодиров.
Соли 2016  - дар рӯзҳои тантанаи Наврӯз, Президенти кишвар муҳтарам Эмомалӣ Раҳмон дар доираи сафари корӣ ба вилояти Суғд дар шаҳри Конибодом ба фаъолияти корхонаи азими саноатии «Нафтрасон» ҳусни оғоз бахшиданд.  Ба ин васила 70 нафар бо ҷойи нави кор  таъмин шуду буҷети маҳаллӣ  сарчашмаи нави даромад (солона тақрибан 250 ҳазор сомонӣ) пайдо кард.  Соли гузашта навбати аввали  корхонаи нави истеҳсоли семент бо номи «Билол слюнин семент» бо иқтидори истеҳсолии солонаи 300 ҳазор тонна ва 75 ҷойи нави корӣ мавриди баҳрабардорӣ қарор гирифт, ки ба беҳтаршавии вазъи иқтисодии шаҳр мусоидат намуд. Тибқи нақша, моҳи июни соли равон  навбати дуюми корхонаи мазкур бо  ҳамин иқтидор  ва фароҳамории 75 ҷойи нави кор ба фаъолият оғоз менамояд.
- Ба ҳамагон рӯшан аст, ки  рушди босуръати саноат дар ҳаёти ҳар  кишвар  аз лиҳози иқтисодӣ ва молиявӣ аҳамияти бузург дорад. Ҳамин аст, ки аз тарафи Пешвои миллат рушди соҳаи мазкур ҳадафи чоруми миллӣ эълон шудааст. Ҷиҳати ҳарчи зудтар амалӣ намудани дастуру ҳидоятҳои Сарвари давлат  дар мақомоти иҷроияи ҳокимияти давлатии шаҳр бо иштироки масъулону мутахассисони соҳа ҳар ҳафта ҷаласаи  васеи машваратӣ доир шуда, барномаҳои раҳоӣ аз мушкилоти соҳа баррасӣ мешаванд. Конибодом имкон дорад, ки  бо  истифодаи захираҳои мавҷудаи моддию маънавӣ давоми се соли оянда боз  дар қатори шаҳру навоҳии саноатии рӯ ба рушд шомил шавад, - иброз дошт зимни суҳбат Илҳом Ҳамидӣ, муовини раиси шаҳр.
Айни ҳол мақомоти иҷроияи ҳокимияти давлатии шаҳр дар ҳамкорӣ  бо соҳибмулкон  ҷиҳати барқарорсозии корхонаҳои аз фаъолият бозмонда барномаҳои махсус таҳия менамоянд, роҳу воситаҳо, сарчашмаҳои сармоягузорӣ ва ҷалби сармояи дохилию хориҷиро  меҷӯянд. Ин тадбирҳо, албатта, ба эҳё, афзудани теъдоди корхонаҳои саноатӣ ва фароҳамоии ҷойҳои нави кор дар шаҳр мусоидат мекунанд.
Ҷовиди АШТӢ,
«Ҷумҳурият»


Баёни ақида (0)    Санаи нашр: 10.04.2019    №: 68    Мутолиа карданд: 249
25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР

«АМОНАТБОНК». РАИСӢ ДАР ИТТИҲОДИ БАЙНИБОНКИИ СҲШ

ДДЗТ. ТАНТАНАИ РӮЗИ ПРЕЗИДЕНТ

12.11.2020


КФО

МОСКВА БАРОИ ЁРӢ БА СУРИЯ БЕШ АЗ $1 МИЛЛИАРД ҶУДО НАМУД

ҶАҲОН ДАР ЯК САТР

11.11.2020


БУНЁДИ 532 ИНШООТИ ТИББӢ


Дар сомонаҳои дигари Тоҷикистон хонед