logo

иҷтимоиёт

АЗ ФАРЗ ТО ҚАРЗ. ШИНОХТИ АРЗИШҲО МАЪРИФАТИ БАЛАНДРО МЕХОҲАД

Шинохт ва қадри арзишҳои башарӣ ва ҷузъан арзишҳои милливу  динӣ ҳам аз қавму миллатҳо ва ҳам аз шахсиятҳои алоҳида ақлу фаросат ва мутобиқан дониши кофиро тақозо менамояд. Ба моҳият ва қимати гавҳар сарфаҳм нарафта, арзиш ва ҷойгоҳи онро дарк кардан ғайриимкон хоҳад буд. Рисолати муқаддаси тарбияти маърифати волои миллат, хоссатан таъмини камолоти маънавии ҷавонон, ба зиммаи мо - аҳли заҳмати муассисаҳои таҳсилоти олии касбӣ ҳам вогузор карда шудааст. Яъне, бидуни шубҳа, ба вазъияти имрӯзаи рӯҳонию ҷисмонӣ ва ақлонии зумраи назарраси ҷавонони кишвар, мавқеи сиёсии онон, муносибаташон ба равишу ҷараёнҳои мавҷуда ва дар ниҳояти кор, пешравӣ ва шукуфоии Ватани азизамон ба мавқеи пазируфтаи мо - раҳнамоён ва муршидон иртиботи ногусастанӣ дорад. То даме ки маҳз мураббиён, яъне оила, кӯдакистон, мактаб, аҳли кӯчаю маҳаллаҳо, мактабҳои олӣ, тамоми мақомоти идорию қудратӣ, назоратӣ ва созмонҳои сершумори ҷамъиятӣ  зарурати иҷрои вазифаи аввалиндараҷаи хештан - баланд бардоштани маърифати мардумро ба пуррагӣ дарк насозанд, ин муамморо ҳал кардан ва хурду калони ҷомеаро ба роҳи дуруст ҳидоят намудан ғайриимкон хоҳад буд.
Барои он ки ҷавонони мо ба моҳияти ҳувияти миллӣ бирасанд, дар рӯҳияи баланди меҳанпарастӣ ба камол расанд, онҳоро дар тамоми зинаҳои таълиму тарбия ба таври шоиста ва дар асоси барномаҳои мушаххас сабақ бахшиданамон фарз мегардад.
Фазои тарбият ва тадрисро дар ягон ҷой лаҳзае холӣ мондан дуруст нахоҳад буд. Яқинан, ҳар ҷавоне, ки аз мадди назари мураббиёну раҳнамоёни хайрандеш барканор бимонад, ногузир ба доми душманони миллату давлат гирифтор мешавад. Дар ҳар муассисаи таълимию тарбиявӣ тамоми тадбирҳоро ҷустану амалӣ сохтан зарур аст, ки ҳар фард бо эътибору таваҷҷуҳи доимӣ фаро гирифта шавад. Паҳнкунандагони ғояҳои террористию ифротгароӣ, дар навбати аввал, назари тамаъҷӯёнаи худро маҳз ба ин қишри нисбатан сироятпазири ҷомеа равона мекунанд.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олии Ҷумҳурии Тоҷикистон бо дурбинии барояшон хос изҳор доштанд, ки авзои сиёсии сайёра басе ноорому бесубот ва боиси ташвишу нигаронии ҷиддии ҷомеаи ҷаҳон гардидааст. “Таъкид менамоям, ки вазъи сайёра дар ду - се соли оянда боз ҳам мураккаб мешавад”.
Бешубҳа, терроризм ва ифротгароӣ ватану миллат надорад. Ба пайдоишу ташаккул ва ҳарчи бештар паҳн шудани ин вабои пурдаҳшати аср заифии ҳувияти миллӣ, дар пояи шоиста қарор надоштани эҳсоси ватанпарастӣ, бетарафии ашхосу созмонҳои масъул сабаб мегарданд. Ин зуҳуроти номатлуб дар ҳар куҷое ба мисоли заҳрпечак неш зада, фавран реша меронанд.
Ин даъворо рӯйдодҳои мудҳиши даврони ахир дар Зеландияи Нав ва Ҳолланд бахубӣ собит намуданд. Дасисаангезони ғарбӣ ҷомеаи ҷаҳониро бовар кунонданӣ мешуданд, ки терроризм ва ифротгароӣ хоси дини ислом ва мардуми мусалмон мебошад. Воқеаи хунини яке аз ибодатгоҳҳои оромтарини шаҳрҳои  Зеландияи Нав далолат ба он намуд, ки даҳшатафкании пайравони дини насронӣ ба маротиб аз кушторҳои ба ном “мусалмонон” пурқувваттар ва бераҳмонатар аст. Яъне, агар тибқи  нуқтаи назари рақибон ва душманони идеологиамон андешаронӣ намоем, гӯё динҳои насронию яҳудӣ пуштибон, парастор ва раҳнамои ифротиён ва террористон будаанд. Аммо, ҳақиқати ҳол комилан дигаргуна мебошад. Мутаассифона, дар ҷанги идеологӣ аз дину оин ва аз мавқеи ҷойгиршавии минтақаҳо не, балки аз мавқеъ, аниқтар гӯем, аз бемавқеӣ ва бетарафии одамон, ки аксарашонро ҷавонон ташкил медиҳанд, устокорона ва аксаран бо неруи пул истифода мебаранд. Рӯзгорони мо мисолҳоеро ҳам медонанд, ки теъдоди дақиқи террористон аз номи ҳам дини ислом ва ҳам динҳои дигар амалҳои хунин ба ҷо овардаанду меоранд.
Ҳамин тавр, агар мо андешаи  миллиро пойдор ва муқаддасоти онро устувор нигаҳ дорем, саодати миллати азизамон бардавом, кишвари ҷоноҷонамон бештар обод ва мардуми тамаддунофарамон сарбаланд хоҳад шуд.   
Шарифзода Муъмин Машокир,
ректори Донишгоҳи давлатии ҳуқуқ,
бизнес ва сиёсати Тоҷикистон,
 доктори илмҳои иқтисодӣ, профессор


Баёни ақида (0)    Санаи нашр: 10.04.2019    №: 68    Мутолиа карданд: 272

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед