logo

фарҳанг

"САДОИ ДУШАНБЕ". САДОЕ, КИ 20 СОЛ БОЗ ТАНИНАНДОЗ АСТ

«Садои Душанбе»  дар асоси тадқиқоти гузарондаи ташкилоти «Зеркало» соли 2018 миёни радиоҳои давлатӣ ҷойи аввалро касб карда, «маҳбуби дилҳо» унвон гирифт.
Имсол ба фаъолияти он бист сол пур мешавад. «Садои Душанбе»  бори нахуст 18 январи соли 1999 бо ташаббуси Кумитаи телевизион ва радиои назди Ҳукумати Ҷумҳурии Тоҷикистон, бавижа раиси вақти он Сайф Раҳимзод, танинандоз гашта буд.
- Дар оғози фаъолияти шабакаи радиоии ёдшуда Сайф Раҳимзод гуфта буд: «Ман ин дунёро ҳатман ба дунёи зебо монанд месозам». Имрӯзҳо кормандону масъулони шабака дар пайи ҳамин орзуву ормонҳои нависандаи равоншоданд, - изҳор дошт сармуҳаррири радиои «Садои Душанбе» Махфират Юсуфӣ.
Воқеан ҳам, пас аз даргириҳои солҳои 90 - и асри гузашта даст ба чунин иқдоми наҷиб задан, кори шоиставу сутуданӣ буд. Дар муддати на чандон тӯлонӣ барномаҳои радио на танҳо ба дили мардум раҳ ёфтанд, балки «Садои Душанбе» минбари эҷодкорони сухандону маънифаҳм ва мактаби мутахассисони ҷавону боистеъдод гардид.
Радиои мазкур Сафаргул Олимӣ, Ҷонибеки Асрориён, Шоҳона Одинаева, Шарифи Мисайзод, Зиёвуддини Нурзод, Гулнора Насриддинова барин эҷодкорони муваффақро дар мактаби адабии худ ҷамъ овард. Чанде аз онҳо ҳоло ҳам дар «Садои Душанбе», радиоҳои дигар ва бахшҳои гуногун дар кору пайкоранд.
- Дар замони  рушди  босуръати технологияҳои иттилоотию коммуникатсионӣ ва ривоҷи шабакаҳои иҷтимоӣ дар Интернет, парафкании хабару иттилоот тавассути таҷҳизоти мухталиф, таҳлилу баррасии фазои иттилоотии кишвар дар бахши радиожурналистика кори мушкилест. Таваҷҷуҳи шунавандаи имрӯзаро ба радио ҷалб кардан боз ҳам мушкилтар аст. Аммо мо дар ҳамин фазо талош меварзем, то иттилооти дурусту саҳеҳро ба шунавандаи худ расонем ва дар ташаккули тафаккури солим дар ҷомеа хизмат намоем, - баён медорад М. Юсуфӣ.
Аҳли ҳунар ва зиёиёни миллат дар доираи барномаҳои «Хирмани роз», «Сари суфраи шом», «Минбари миллат» ба таври мустақим ба суолу пурсишу дархости шунавандагон посух мегӯянд.
«Садои Душанбе» дар фазои ягонаи иттилоотӣ зеҳнияту ҳувияти миллиро ҳифз мекунад. Ба ҳалли қазияҳо ва баррасии мушкилоти мардум дар пойтахти кишвар ва деҳаҳои диёр рӯ меоварад.
Бино ба гуфтаи М. Юсуфӣ, феҳристи барномаҳои тозаю нав дар соли равон зиёданд, аммо «Минбари миллат» ормону орзуи деринтизори аҳли эҷоди радиои «Садои Душанбе» мебошад, ки муддате лоиҳаи он дар ҷараёни баррасию омӯзиш қарор дошт ва, инак, пас аз чанд рӯзи башумор розу ниёзи тоҷикони дур аз Ватан, таманниёту муроди дили зодагону дилбохтагони Тоҷикистони маҳбуб аз гӯшаҳои гуногуни олам ҷамъ, сабту таҳия ва танзим гардида, пешниҳоди шунавандагон мешавад.
Ҳамчунин, эҳёи «Пайки назм» - и шодравон Сайф Раҳимзод дар нақшаи кории радиои «Садои Душанбе», дар ҳамон шакле, ки муаллифи он орзу дошт, тарҳрезӣ гардида, барномаи аввалинаш рӯзҳои наздик ба фазои кишвар танинандоз хоҳад шуд.
Бузургмеҳр БАҲОДУР, «Ҷумҳурият»


Баёни ақида (0)    Санаи нашр: 11.04.2019    №: 69-70    Мутолиа карданд: 181

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед