logo

иҷтимоиёт

РӮЗГОРЕ БАРОИ ИБРАТ

- Аз падар ба ман мероси бузурге расидааст, - мегӯяд Мирзо Эшов. - Дар ҳавлии мо падарам як хонаи алоҳида сохта буд, ки дар давродаври чор девори он рафҳои китоб то сақф мерасиданд. Дар мобайни хона як миз ва як курсӣ гузошта шуда буд.
Падари бузургворам тамоми умр муаллими мактаби деҳаи Бештемир буда, вақтҳои холии худро дар ҳамон хона бо мутолиаи китоб мегузаронд. Хусусан, рӯзҳои истироҳат ва таътили тобистона падарам аз он берун намебаромад.
Вақте ки ман синфи чорумро бо муваффақият хатм намуда, ба синфи панҷум гузаштам, рӯзе маро ба наздаш даъват кард ва калиди китобхонаи худро ба дастам дод. То ин вақт ӯ «Мактаби куҳна», «Ятим», «Субҳи ҷавонии мо» ва дигар китобҳоро барои хондан ба ман медоду мазмуни онҳоро мепурсид. 
- Писарам, сарвати аз ҳама гаронбаҳои ман ҳамин китобҳоянд, - ба тарафи китобхона ишора кард. - Китобхонаро ба ту ҳамчун ҳадяи пурқимат месупорам.
Мирзо ин панду насиҳати падарро ба ҷисму ҷони худ пазируфта, онро ба қутбнамои роҳи ҳаёташ табдил дод. Ӯ ба ҳамин минвол мактаби миёнаро бо номаи камоли аъло хатм кард. Факултаи филологияи Донишгоҳи давлатии Хуҷанд ба номи Бобоҷон Ғафуровро низ бо дипломи аъло ба анҷом расонд. Мирзоро ба аспирантура даъват намуданд. Вале ӯ мисли падар муаллими мактаби деҳа буданро афзалтар донист. Ният дошт, ки чароғи китобхонаи падар ҳамеша фурӯзон бошад.
Мирзо Эшов дар мактаби миёнаи ба номи А.С.Пушкин, ки падараш дар он таълимгоҳ хондаву кор карда буд, ҳамчун омӯзгор ба фаъолият пардохт. Муддате чанд дар вазифаи муовини мудир оид ба тарбия кор карда, сипас директори ҳамин дабистон  таъйин шуд.
Тӯли 22 соли директории Мирзо Эшов муассисаи мазкур дар  саросари водии Вахш ҳамчун яке аз таълимгоҳҳои муваффақ ном баровард. Бисёр шогирдони ин мактаб дар олимпиадаҳои ҷумҳуриявӣ ширкат варзида, сазовори ҷойҳои аввал  гардидаанд.
Аз моҳи январи соли 2013 Мирзо Эшов ба ҳайси мудири шуъбаи маорифи ноҳияи Қубодиён ифои вазифа менамояд.
- Ба ин вазифа таъйин шудан, бароям масъулияти бузурге гузошт, - мегӯяд Мирзо Тӯраевич. - Аз лаҳзаҳои аввал кӯшиш кардам, ки сазовори ин боварӣ бошам.
Вазифаи аввалин ва муҳимтарин ҷобаҷогузории саҳеҳи кадрҳои омӯзгорӣ ҳисоб меёфт. Чун ба иҷрои вазифа шурӯъ намудам, дар макотиби ноҳияи Қубодиён 660 омӯзгори маълумоти олидор фаъолият доштанд, ҳоло теъдоди онҳо ба 1581 нафар расидааст. Ба роҳбарони мактабҳои олии омӯзгории кишвар номаҳо ирсол намуда, дар вақти тақсимоти омӯзгорони ҷавон дар ин донишгоҳҳо ширкат варзидему ба 217 нафари онҳо даъватномаҳо супурдем, ки иқдоми ояндасоз аст.
Имрӯз дар 32 мактаби ноҳия марказҳои инкишофи кӯдакон ташкил гардидааст, ки дар  онҳо 940 нафар ба таълиму тарбия фаро гирифта шудаанд.
Агар дар соли таҳсили 2017 – 2018 хонандагони синфи якуми ноҳия 2383 нафар бошанд, дар соли 2018 – 2019 теъдоди онҳо ба 5000 нафар расид. Бинобар ин, ҳар сол зарур меояд, ки дар мактабҳои ноҳия 70-80 синфхонаи нав бунёд намоем.
Пас аз чанде шуъбаи маорифи ноҳия ба бинои нави замонавӣ кӯч хоҳад баст. Инчунин, сохтмони бинои мактаб – парваришгоҳ ва бинои сеошёнаи  муассисаи таҳсилоти миёнаи умумии № 44-и минтақаи Полвонтуғай дар арафаи анҷомёбист.
Бахтиёр МУРТАЗО, адиб ва публитсист


Баёни ақида (0)    Санаи нашр: 11.04.2019    №: 69-70    Мутолиа карданд: 257

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед