logo

иҷтимоиёт

ТАНЗИМ. САФИ ҚАРЗДОРОН КОҲИШ МЕЁБАД

Қабули Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», ки бо ташаббуси Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон рӯи кор омад, дар фарҳанги зиндагии мардум, баргузории ҷашну маросим, маъракаороӣ ва паст кардани сатҳи камбизоатӣ дигаргуниҳои мусбат ба бор овард.
Тавре дар дебочаи ин санад омадааст: «Қонуни мазкур бо тақозои рушди ҷомеа анъана ва ҷашну маросимҳоро танзим намуда, ба ҳифзи арзишҳои асили фарҳанги миллӣ ва эҳтиром ба суннатҳои мардумӣ барои баланд бардоштани сатҳи иҷтимоию иқтисодии ҳаёти шаҳрвандони Ҷумҳурии Тоҷикистон равона гардидааст». Воқеан, бо гузашти наздик ба 12 сол аз қабули қонуни мавриди назар ин рисолати пешбинишуда амалӣ гардида, бо риояи меъёрҳои он пеш аз ҳама манфиатҳои иқтисодии мардум ҳифз шуд. Маҳз ба шарофати ин қонуни миллӣ раванди қарзгирӣ аз бонкҳо ба хотири баргузор намудани тӯю маросимҳо ба таври назаррас коҳиш ёфт ва барои нигоҳ доштани пасандозҳои сокинон дар бонкҳо муосидат кард. Агарчи то ҳол натиҷаҳо пурра қонеъкунанда нестанд, вале метавон гуфт, ки аз ҳисоби камхарҷ гузарондани ҷашну маросим шаҳрвандон имкон пайдо карданд, ки ба беҳбуди шароити зист, омӯзишу тарбияи фарзандон дасти расо дошта бошанд.
Омӯзиши ташаккул ва таҳаввули ҷашну маросим ва анъанаҳо дар масири таърих имкон медиҳад, ки махсусияти низомҳои таърихии ҳуқуқӣ, аз қабили ҳуқуқҳои одатӣ, анъанавӣ ва динӣ дуруст баҳогузорӣ гарданд. Ин омӯзиш, ҳамзамон, шароит фароҳам меорад, ки ҳолат ва хусусиятҳои инкишофи шуури ҳуқуқӣ, тасаввурот ва ақидаҳои иҷтимоӣ - сиёсӣ ва ахлоқии мардум муайян карда шаванд.
Ба ҳамагон маълум аст, ки то қабули қонун вазъи гузарондани маросими мардумӣ бисёр ташвишовар буд. Бо сабаби густариши зоҳирпарастӣ ва паст гардидани сатҳи маърифати динии шаҳрвандон бисёр ҷашну маъракаҳои миллӣ ва маросими динӣ, ки бояд дар доираи хонавода сурат мегирифт, ба маъракаҳои серхароҷот табдил ёфта, ба манфиати иқтисодию иҷтимоии мардум зарари ҷиддӣ ворид менамуд. Ҳоло ки чунин вазъият аз байн рафтаву татбиқи ин санад ба мардум сабукиҳои мусбат дод, пас метавон гуфт, ки воқеан қабули қонуни танзим тақозои замон буда, ба рушди иҷтимоиву иқтисодӣ, сарфа намудани буҷети  хонаводаҳо, ғанӣ гардондани сармояи хонавода ва солимии муҳити молиявӣ нақши бориз гузоштааст. Аз ин рӯ, бо назардошти манфиатҳои молиявию иқтисодиии қонуни мазкур, таъсири он дар рифоҳи зиндагӣ бояд ҳар узви ҷомеа бо ин санади зиндагисози миллӣ бархӯрди муносиб нишон дода, дар риояи меъёрҳои он ба камбудӣ роҳ надиҳад.  
Субҳиддин МУНАВВАРЗОДА,  иҷрочии Хадамоти иҷрои назди
Ҳукумати Ҷумҳурии Тоҷикистон  дар суди иқтисодии вилояти Суғд

 

 

 


 


Баёни ақида (0)    Санаи нашр: 16.04.2019    №: 72    Мутолиа карданд: 274
16.07.2020


ТОҶИКИСТОН. АЗ COVID - 19 БОЗ 51 КАС ШИФО ЁФТ

САФАРИ ШИРИН ИСМАТУЛЛОЗОДА БА НОҲИЯИ ФАЙЗОБОД

ВОХӮРИИ СИРОҶИДДИН МУҲРИДДИН БО АБДУЛАЗИЗ МУҲАММАД АЛ-БОДИ

ЁВОН. КОНФЕРЕНСИЯ НАҲЗАТИЁНРО МАҲКУМ КАРД

АБДУЛМАҶИД МУМИНЗОД: «БОЛО БУРДАНИ НАРХИ СӮЗИШВОРӢ АСОС НАДОРАД»

ТАҚОЗОИ ЗАМОН. БОЯД БА ТИҶОРАТИ ЭЛЕКТРОНӢ ГУЗАРЕМ

ТАҶҲИЗОТИ ПАРМАКУНӢ ҚОНЕЪКУНАНДА НЕСТ

ДМТ. ТАҚСИМОТ МОҲИ СЕНТЯБР СУРАТ МЕГИРАД

ДДОТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

ЁВОН. ПУЛИ МОШИНГАРД БА ИСТИФОДА ДОДА МЕШАВАД

ҶОМИ ТОҶИКИСТОН – 2020

ҚАЗОҚИСТОН БА ТОҶИКИСТОН ДАСТГОҲҲОИ НАФАСДИҲӢ МЕФИРИСТАД

ҶАҲОН ДАР ЯК САТР

15.07.2020


ДАР ТОҶИКИСТОН АЗ КОРОНАВИРУС 5332 БЕМОР ШИФО ЁФТ

ХОРУҒ. ВУСЪАТИ БУНЁДКОРИҲО ДАР ПЕШОРӮИ ТАШРИФИ ПЕШВОИ МИЛЛАТ

ХАДАМОТ. ШАХСОНИ МАСЪУЛ БЕШ АЗ 300 ҲАЗОР СОМОНӢ ҶАРИМА ШУДАНД

КУМИТАИ РУШДИ МАҲАЛ. 11 112 ИНШООТ БА ИСТИФОДА ДОДА ШУД

МУҲИТИ ЗИСТ. 607 ҲОЛАТИ ВАЙРОН КАРДАНИ ТАЛАБОТИ ҚОНУНГУЗОРӢ

ПРОКУРАТУРАИ ГЕНЕРАЛӢ. ТЕЪДОДИ ҶИНОЯТҲОИ ВАЗНИН ВА МАХСУСАН ВАЗНИН КОҲИШ ЁФТ

НОҲИЯИ ДЕВАШТИЧ. ҶАМЪБАСТИ НАТИҶАҲОИ НИМСОЛА

ЛИГАИ БОНУВОН. «ЗЕБО» ВА «ХАТЛОН» ДАР САДРИ ҶАДВАЛ

14.07.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 80 ДАРСАД РАСИД

ХУҶАНД. КОРХОНАИ «СОМОН ГУРӮҲ» БА ФАЪОЛИЯТ МЕПАРДОЗАД

200 000 СОМОНӢ КУМАКИ БОБОИ МУҲИБ БА ТАБИБОНИ РАШТ

ЭНЕРГЕТИКА. НИЗОМИ МУОСИРИ НАЗОРАТ ВА ҲИСОБИ НЕРУИ БАРҚ

НИГАРОНӢ! 25 ҲОЛАТИ МАЙДААВБОШӢ ДАР ЯК РӮЗ

ВАЗОРАТИ АДЛИЯ БА 3916 ШАҲРВАНД ЁРИИ ҲУҚУҚИИ РОЙГОН РАСОНД

ЗАМИНА БА ТУХМИПАРВАРИИ ИБТИДОӢ

ТАДБИРҲОИ ЗАРУРӢ БАРОИ РАФЪ СОХТАНИ МУШКИЛИҲО

“ДАСТ БА ДАСТ”. ФАРДО АЗ ИМРӮЗ БЕҲТАР ХОҲАД БУД

ЛИГАИ ЧЕМПИОНҲО «МАНЧЕСТЕР СИТИ» ДАР ОН МЕМОНАД

РОССИЯ КАРАНТИНИ ҲАТМӢ БАРОИ ВОРИДШУДАҲОРО БЕКОР КАРД

ҶАҲОН ДАР ЯК САТР

ТОҶИКИСТОН. 5228 ГИРИФТОРИ БЕМОРИИ COVID – 19 ШИФО ЁФТ

ҚОҲИР РАСУЛЗОДА ДАР НОҲИЯИ ШАМСИДДИН ШОҲИН ВА ШАҲРИ КӮЛОБ


Дар сомонаҳои дигари Тоҷикистон хонед