logo

сиёсат

АСРИ XXI. ҚАҲРАМОНҲОЕ, КИ НОМАШОН ҶОВИДОН МЕМОНАД

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 16 апрели соли 2019 дар шаҳри Москва зимни суханронӣ дар мулоқот бо роҳбарону намояндагони ҷамъиятҳои тоҷикон, соҳибкорон, зиёиён ва донишҷӯёни тоҷик дар Федератсияи Россия зикр намуданд, ки ба шарофати хоҳишу талошҳои дуҷониба миёни ду халқи бародар ва ду кишвари дӯст 16 гузаргоҳи сарҳадӣ кушода шуд, ки дар таърихи беш аз ду даҳсолаи охир дастоварди бесобиқа аст.
Воқеан, ин дастоварди бузургест дар муносибатҳои сиёсию иқтисодӣ, иҷтимоию фарҳангии ду миллати бо ҳам дӯсти тоҷику ӯзбек. Мо – сокинони ҷумҳуриҳои соҳибистиқлоли Тоҷикистону Ӯзбекистон чандин солҳо чунин муносибати ҳасанаро интизор будем. Вақте ки 9 марти соли 2018 дар байни ин ҷумҳуриҳои бародар 27 созишнома ба манфиати халқҳои тоҷику ӯзбек ба имзо расиду симхорҳои байни кишварҳо аз хати сарҳадҳо бардошта шуданд, хурсандии мардум андоза надошт. Дар гузаргоҳҳои сарҳадӣ тоҷикону ӯзбекон ашки шодӣ мерехтанд, ҳамдигарро ба оғӯш мекашиданд, суруд мехонданду мерақсиданд. 
Имрӯз мо беҳад аз сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев хурсандем, ки тафриқаандозиро дар байни миллатҳои тамаддунофарини тоҷику ӯзбек аз миён бардоштанд. Айни замон, дар Ӯзбекистон мактабҳои тоҷикӣ аз нав фаъол мешаванд, забони тоҷикӣ мавқеи пешинаашро касб менамояд, тоҷикон ба корҳои давлатӣ пешбарӣ ва таъйин мегарданд, вакил интихоб мешаванд. 
Дар Ӯзбекистон ҳар як тоҷик медонад, ки баъди ҷанги таҳмилии шаҳрвандӣ дар Тоҷикистон барқарор намудани сулҳ, ваҳдати миллӣ, баргардондани гурезаҳои иҷборӣ чӣ мушкилиҳое доштанд, вале иродаи мустаҳками Пешвои тоҷикони ҷаҳон муҳтарам Эмомалӣ Раҳмон имкон фароҳам овард, ки сулҳи сартосарӣ ғалаба намояд. 
Имрӯз мо дар шаҳрҳои Душанбе, Бохтар, Турсунзода, Ваҳдат, ноҳияҳои Рашту Кӯшониён, Вахшу Қубодиён, Панҷу Шаҳритуз, Ҷайҳуну Дӯстӣ дигаргуниҳои бузурги иҷтимоиро дида, аз пешрафту ободӣ, сохтмонҳои муҳташам, бунёди қасрҳои фарҳанг, иншооти варзишӣ, корхонаҳои саноатӣ, роҳҳои васею мумфарши сатҳи байналмилалӣ, боғҳову хиёбонҳои ғарқи гулҳои ҳарранга, дарахтони аз гӯшаҳои гуногуни ҷаҳон оварда, фаввораҳо ангушти ҳайрат мегазем. Танҳо тамошои майдонҳои Исмоили Сомонӣ, Нишон ва Парчами давлатии Ҷумҳурии Тоҷикистон касро ба олами ифтихор мебарад. Ҳар сокини Ӯзбекистон, ки меҳмони пойтахти тоҷикон мешавад, ҳатман ба Боғи фарҳангию фароғатии ба номи Алишери Навоӣ меояд ва дар назди ҳайкалҳои ду дӯст - устоду шогирд Мавлоно Абдураҳмони Ҷомӣ ва Мир Алишери Навоӣ як лаҳза таваққуф намуда, таърихи гузаштаву имрӯзаро ба ёд меорад ва ба сарварони халқпарвари ду кишвар муҳтарам Эмомалӣ Раҳмон ва муҳтарам Шавкат Мирзиёев арҷ мегузорад, ки чунин муҳити озод фароҳам сохтаанд. 
Мардуми одии Ӯзбекистон аз Худованди бузург шукргузоранд, ки ба сарварии Тоҷикистону Ӯзбекистон мардони халқпарвар муҳтарам Эмомалӣ Раҳмон ва муҳтарам Шавкат Мирзиёевро ато намудааст. Онҳо тавонистанд ду миллати ҳамсояро боз ба ҳам оранд, решаи нифоқро баркананд, ниҳоли дӯстӣ биншонанд. 
Мо - сокинони деҳаи Чодаки ноҳияи Попи вилояти Намангони Ҷумҳурии Ӯзбекистон тавассути радио шунидем, ки Ҷамъияти ӯзбекони Ҷумҳурии Тоҷикистон дар соли 2018 дар шаҳрҳои Бохтар, Ваҳдат ва ноҳияҳои Лахш, Рӯдакӣ, Вахш, Панҷ ҷаласаҳо доир намуда, самари талошҳои ин ду абармардро тарғибу ташвиқ мекунанд. Аз шунидани ин хабари хуш 35 ҳазор нафар тоҷики деҳа ашки шодӣ рехт. 
Бигзор оламиён бифаҳманд, ки барои мардуми Тоҷикистону Ӯзбекистон муҳтарам Эмомалӣ Раҳмон ва муҳтарам Шавкат Мирзиёев воқеан қаҳрамонони асри ХХI мебошанд.   
 
Исомиддин АСЛОНОВ, 
узви ҷамъияти «Сипари Ватан»,
Ҷумҳурии Тоҷикистон

Равшанбӣ ҒОИБНАЗАРОВА,
сокини деҳаи Чодак, ноҳияи Поп, 
вилояти Намангон, Ҷумҳурии Ӯзбекистон


Баёни ақида (0)    Санаи нашр: 25.04.2019    №: 79    Мутолиа карданд: 612
24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ

ҶАҲОН

ҶАҲОН ДАР ЯК САТР

РАШТ. ҲАДАФИ ЧОРУМИ МИЛЛӢ ЗИНДАГИРО РАНГИ ДИГАР МЕБАХШАД

ОЗМУНИ ҶУМҲУРИЯВИИ «ҲУНАРҲОИ ОРОИШӢ АЗ САНГ» ҶАМЪБАСТ ГАРДИД

ХАТЛОН. СОДИРОТИ БЕШ АЗ 108 000 ТОННА МАҲСУЛОТИ КИШОВАРЗӢ

ЭКОЛОГИЯ. НАҚШАИ НИҲОЛШИНОНӢ 30 ДАРСАД ЗИЁД ИҶРО ГАШТ

НОРАК. АВЛАВИЯТ БА КИШТИ ТАКРОРӢ

16.02.2021


АЗ НИШАСТҲОИ МАТБУОТӢ

ҶАҲОН

Навидҳои фарҳанг

15.02.2021


АЗ НИШАСТҲОИ МАТБУОТӢ

ТОҶИКОБОД ОЗМУНИ «ДАСТАРХОНОРОӢ»

РӮЙДОДҲОИ ИЛМӢ

ХАТЛОН. ИСТЕҲСОЛИ МАҲСУЛОТИ САНОАТӢ МЕАФЗОЯД

12.02.2021


АЗ НИШАСТҲОИ МАТБУОТӢ

МУВАФФАҚИЯТҲОИ РОССИЯ АЗ ИСТЕҲСОЛИ ВАКСИНАИ «СПУТНИК – V»

ҶАҲОН ДАР ЯК САТР

11.02.2021


АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед