logo

иҷтимоиёт

 ИҚДОМИ БЕНАЗИР Ё ТАШАББУСЕ, КИ МАРДУМИ ОЛАМРО БА ВАҶД ОВАРД


Иқдоми беназири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди баргардондани кӯдакон ва ноболиғон - шаҳрвандони Ҷумҳурии Тоҷикистон, ки бо волидони гумроҳшудаи худ дар Ироқ қарор доштанд, на танҳо мавриди таваҷҷуҳ ва истиқболи ҷомеаи кишвари мо, балки мавриди таваҷҷуҳи аксари кишварҳои олам гардид. Далели ин амр бозтоби густардаи ҷараёни интиқоли кӯдакон аз Бағдод ба Душанбе дар расонаҳои бонуфузи ҷаҳон  мебошад.   
84 кӯдаку ноболиғе, ки 30 апрел бо ҳавопаймои махсус ба Ватан оварда шуданд, фарзандони аъзои гурӯҳи ба ном «Давлати исломӣ» мебошанд, ки дар ҷангҳои Ховари Миёна, бахусус, Ироқ кушта ва ё зиндонӣ шудаанд. Кӯдакону наврасон то ин дам бо модарони зиндониашон дар шароити ногувор ба сар мебурданд. Тибқи маълумот, бо ҳукмҳои додгоҳӣ ҳоло 43 зани тоҷик бо ҷурми “убури ғайриқонунии марз, ҳамзистӣ ва кумак ба террорист” ба муҳлатҳои тӯлонӣ маҳкум ба зиндон шудаанд.
Фераз Лоиқ Ҳасан, роҳбари созмони ҷамъияти “Дарвозаи адолат” дар Ироқ, ки бо панҷ нафари дигар дар интиқоли кӯдакон мусоидат намуданд, зимни суҳбат бо хабарнигори «Ҷумҳурият» гуфт, ки ин созмон махсус ба кумаки кӯдакони ҷангиёни узви “Давлати исломӣ” машғул мебошад. Ба қавли ӯ, дар зиндонҳои Ироқ кӯдакон аз дигар давлатҳо хеле зиёд аст. Вале намояндагони ин давлатҳо тавонистанд, ки танҳо 10 – 15 нафариро баргардонанду халос. Ҳол он ки теъдоди кӯдакони баъзе аз ин кишварҳо  ба садҳо нафар мерасад.
- Воқеан, Ҷумҳурии Тоҷикистон ягона кишварест, ки бо ташаббусу талошҳои пайвастаи Сарвари давлат  ва намояндагиҳои худ дар Кувайту Ироқ тавонист, ҳамаи кӯдаконро аз зиндонҳои Ироқ ба Ватан баргардонад. Бешубҳа, ин иқдоми башардӯстонаи Ҷаноби Президент муҳтарам Эмомалӣ Раҳмон дар байни сарони давлатҳое, ки шаҳрвандонашон, бахусус, кӯдакон дар чунин зиндонҳо қарор доранд, намунаи ибрат аст ва онҳоро ба ҷунбиш овард. Онҳо низ тасмим гирифтаанд, ки кӯдакони зиндониро ба кишварҳояшон баргардонанд ва талошҳои худро дар ин самт оғоз кардаанд, - афзуд Фераз Лоиқ.
Зубайдулло Зубайдзода, сафири фавқулода ва мухтори Тоҷикистон дар Кувайт ва Ироқ дар суҳабати вижае бо мо гуфт, ки барои иҷрои дастури супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва амалӣ намудани талошҳои судмандашон оид ба баргардондани кӯдакони тоҷик аз Ироқ ва Сурия аз тамоми имкониятҳо истифода шуд. Сафир мегӯяд, ки бо ҳимоят ва раҳнамоии Ҳукумати Ҷумҳурии Тоҷикистон барои гуфтушунид бо мақомоти дахлдори Ироқ 13 маротиба ба ин кишвар сафар кард. Нахуст вохӯриву гуфтугӯҳо бо масъулони ироқӣ дар бораи баргардондани шаш кӯдаки тоҷик, ки бинобар фавти волидонашон дар ятимхонаҳо сукунат доштанд, оғоз ёфт. Расмиёти бозгашти онҳо ду моҳ давом карда, барои ҳар кӯдак ба андозаи 2500 доллар ҷарима супурда шуд, ки бар асоси дастури Пешвои миллат, ин хароҷот аз ҷониби Ҳукумати Ҷумҳурии Тоҷикистон пардохт шуд.
Дар мавриди баргардондани 84 нафар кӯдаки дигар Вазорати корҳои хориҷӣ ва дафтари намояндагии Ҷумҳурии Тоҷикистон дар Кувайту Ироқ, пеш аз ҳама. муносибатро бо роҳбарияти вазоратҳои корҳои хориҷӣ, дохилӣ, Суди олӣ ва дигар муассисаву ташкилотҳои дахлдори Ироқ барқарор кард. Дар ҳамкорӣ бо масъулони зидахл маълум шуд, ки дар зиндони Расофа 43 зан ва 95 кӯдаки тоҷик маҳбусанд. Барои омода ва мураттаб кардани ҳуҷҷатҳо, анҷом додани расмиёти зарурӣ Созмони байналмилалии ЮНИСЕФ ва ташкилоти ғайридавлатии «Дарвозаҳои адолат» ба ҳамкорӣ даъват шуданд.
- Дар оғоз вакилон ва роҳбарияти Суди олии Ироқ чандон бовар надоштанд, ки мо сад дар сад тарафдори баргардондани пурраи кӯдаконем. Зеро дигар давлатҳо бо баргардондани теъдоди ками кӯдакон иктифо кардаанд, - мегӯяд  Зубайдулло Зубайдзода.
Ҳар коре, ки дар ин самт иҷро мешуд, таҳти назорати Пешвои муаззами миллат қарор дошт. Зарур буд, ки бар асоси талаботи қонунгузории Ироқ ба ҳар як кӯдак парванда тартиб дода, шахсияти волидони онҳо муайян карда шавад. Дар мавриди шиносоии падару модари кӯдакон мақомоти қудратии кишвар, бахусус раёсати мубориза бо ҷиноятҳои муташаккили Вазорати корҳои дохилӣ мусоидат намуданд. Зимни мулоқот бо занҳои маҳбуси тоҷик дар бинои Суди олии Ироқ, ки мақомоти тоҷик ба таври истисноӣ ба он даст ёфтанд, бонувони зиндонӣ аз чунин вохӯрӣ ва иқдоми башардӯстонаи Пешвои миллат ашки шодӣ мерехтанд. Дар рӯи онҳо осори ғаму андуҳ ва надомату пушаймонӣ ҳувайдо буду бо дидани фиристодагони Сарвари давлат ва чунин ғамхории беназир шарораи умед ва сипоси фаровон дар дилу дидагони онҳо барқ мезад. Аз суҳбат маълум шуд, ки аксари онҳо ва ҳамсаронашон ба доми фиреби тарғибгарони ифротӣ афтода, ҳангоми дар хориҷи кишвар қарор доштанашон ба ин давлат омадаанд. Аслан, то ба ин ҷо омадан дарк накардаанд, ки ба куҷо равонанду чӣ қисмати шуме онҳоро интизор аст. Ҳазорон бор пушаймон шуданду дигар имкон надоштанд, ки мустақилона ба Ватан баргарданд. Баъди кушта шудани ҳамсаронашон бонувон бесаробон монда, бо тасмими мақомоти  Ироқ  аввал дар урдугоҳҳои махсус ҷой  дода шуданд, сипас, бо ҳукми суд аз 15 сол то ҳабси абад зиндонӣ шудаанд.
- Барои мо - кормандони сафорат ва ташкилоти «Дарвозаи адолат» вазнинтарин ва риққатангезтарин лаҳзаҳо рӯзи ҷудоии фарзандон аз модарон буд. Гумон кардам, ки дар қатори мо замину само низ мегирист. Ростӣ, мо аз он хавотир будем, ки дар раванди интиқоли кӯдакон ягон ҳодисае ба вуқӯъ наояд. Зеро аз ин тасмими мо доираҳои муайян огаҳ буданд, аз  ҷумла ҷосусони гурӯҳи террористии ба ном «Давлати исломӣ». Ҳамон рӯз, яъне 30 апрел  мо дар иҳотаи тақрибан саду панҷоҳ нафар аскарону афсарони гурӯҳи зиддитеррористии Вазорати корҳои дохилии Ироқ бо чор нафар генерал ба фурудгоҳи Бағдод расидем ва онҳо моро то ҳавопаймо гусел карданд. Зимни хайрухуш яке аз генералҳо изтиробашро пинҳон надошта, гуфт, ки онҳо низ хавотир буданд, то дар роҳ ягон воқеае рух надиҳад,- гуфт Зубайдулло Зубайдзода.
Муддати парвози мустақим аз Бағдод ба Душанбе 3,5 соатро дар бар гирифт.  Кӯдакони  наҷотёфта саломат ба Ватан расонда шуданд.
Ҳоло дар Ироқ боз 11 кӯдаки тоҷик боқӣ мондааст, ки онҳо низ дар фурсати муносиб ба Тоҷикистон баргардонда мешаванд. Тибқи дастури Пешвои миллат, барномаи баргардондани занону кӯдакони тоҷик аз Сурия низ рӯи даст гирифта шудааст. Онҳо дар урдугоҳҳои Ҳукумати қонунии Сурия ва гурӯҳи алоҳидаи курдҳои кишвар қарор доранд. Он рӯз дур нест, ки ташаббуси Сарвари давлат дар ин самт ҳам амалӣ хоҳад шуд ва ҳамватанони роҳгумзадаи мо аз ин кишвари ҷангзада низ ба Тоҷикистон баргардонда мешаванд. Зеро баргардондани кӯдакон давоми ҳамон рисолати бузурги башардӯстонаи Сарвари давлат аст, ки ҳанӯз моҳи  ноябри соли 1992 дар Паёми нахустинашон дар Иҷлосияи тақдирсози 16 - уми Шӯрои Олии Тоҷикистон дар Қасри Арбоби шаҳри бостонии Хуҷанд садо дод: «То вақте ки як фарди миллат дур аз Ватан дар ғурбат қарор дорад, ман худро орому хотирҷамъ намеҳисобам».
 
Мунаввари САФАР, «Ҷумҳурият»


Баёни ақида (0)    Санаи нашр: 21.05.2019    №: 96    Мутолиа карданд: 265

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед