logo

иҷтимоиёт

ҶАҲОНРО БА БАД НАСПАРЕМ

Сол ба сол вазъи сиёсии ҷаҳон мураккаб мегардад ва ин амнияту оромии аҳли сайёраро аз миён мебарад. Хабари як амали номатлубу даҳшатзо бо имкониятҳои васеи техникаву технологияи муосири иттилоотӣ дар тамоми дунё зуд паҳн мегардад.
Ҳирсу тамаъҷӯӣ ва қудратталабиву қудратнамоӣ дигар мояи нангу бешарафӣ нест.
Куштору ғорат як амали одӣ ва воситаи изҳори зӯриву тавонмандӣ гаштааст.
Раҳму шафқат ҳатто ба ҳамтои худ кам мешаваду кам.
Муқаддасот ва арзишҳо эътибори худро аз даст медиҳанд.
Инсон рисолати худро дар рӯи Замин намешиносад ва баъд онро ба куллӣ аз ёд мебарад.
Бо эҳсосу дарку фаҳми ин хатарҳои бас ҷиддӣ, андешаҳои ба мафкураи мо бегона ва оқибатҳои даҳшатбори онҳо Сарвари давлат Эмомалӣ Раҳмон ба чандин сол пеш аз минбарҳои баланду бонуфуз ҷомеаи ҷаҳониро аз густаришу мавқеи устувор пайдо намудани терроризму экстремизм огоҳ сохтанд. Ҳамзамон, чеҳраи зишти онҳоро, ки зери ниқобҳои гуногун буданд, во намуданд. Бо ҷасорати  том изҳор доштанд, ки террористу ифротгаро миллату дину мазҳаб надорад. Яъне, аз онҳое, ки миллату дину мазҳаб надоранд, ҳама гуна амалҳои номатлубро интизор шудан мумкин аст. Замон ин ҳақиқатро равшану возеҳ собит сохт.
Дар давроне низ, ки аксари гурӯҳҳои ифротӣ амалҳои баду зишти худро зери ниқоби ислом содир мекарданд, ба пуштибонии ин дини мубин баромаданд. Борҳову борҳо изҳор доштанд, ки ислом ба куштору ғорат ва ифротгароиву  хушунат зид мебошад. Ин дин рисолати инсонро ба дурустӣ нишон дода, одамонро ба дӯстдориву иҷрои амалҳои нек ҳидоят менамояд. Инчунин, раҳму шафқати инсонҳоро ба ҳамдигар хостор аст.
Дар сурате, ки ин вабои аср, яъне терроризм, дар тамоми дунё паҳн мешаваду густариш меёбад, роҳи пешгирии онро низ баён доштанд: «Бинобар ин моро зарур аст, ки ҳадафи асосии равияҳои ифротиро ба мардум, хусусан ба наврасону ҷавонон фаҳмонем ва нагузорем, ки дар ҷомеа андешаҳои ба мафкураи мо бегона нуфуз пайдо кунанд».
Ин ҳақиқатро ҷомеаи кишвари мо, фикр мекунам, замоне бештару беҳтар дарёфт, ки чандин амалҳои террористӣ дар ҷумҳурӣ содир гардиданд. Инчунин, 84 кӯдаки ҷангиёни тоҷикро аз Ироқ ба Ватани азизамон баргардонданд.
Ҷомеаи ҷаҳонӣ ин иқдоми бузургу башардӯстонаро бисёр хуш пазируфт ва нек арзёбӣ намуд. Ҳатто нафароне, ки аз дур ба ин кишвар ҳамеша санги маломат мезаданд, ин бор ҳақиқатро ноилоҷ пазируфтанду дар пардаҳои ғаразҳои бадашон пинҳон насохтанд.
Ҳаштоду чор кӯдак аз зулму тааддӣ, даҳшату ранҷу азоб раҳоӣ ёфт.
Ҳаштоду чор кӯдак бо эҳсоси раҳму шафқат ва таълиму тарбияи дуруст дар кишвари соҳибистиқлол дӯстдори муқаддасот, арзишҳо ва Ватани азиз – бо номи Тоҷикистон хоҳад шуд.
Ҳаштоду чор кӯдак имкон пайдо кард, ки ба мафкураашон андешаҳои ба мову онҳо бегона роҳ наёбад.
Амалҳои нангину даҳшатзо дар моҳи мубораки Рамазон дар зиндон рух доданд. Ҳатто тасаввураш осон нест, ки агар ин гурӯҳи ифротӣ дар озодӣ мебуданд, ба иҷрои чӣ амалҳои даҳшатзотар аз ин қодир мебуданд.
«Рамазон дар ҳаёти мусалмонон айёми озмоиши ирода, сабру таҳаммул ва ба камол расондани дигар хислатҳои неки инсонӣ ба ҳисоб меравад», - таъкид доштанд Сарвари давлат. Ин ҳақиқат ва эҳтироми моҳи Рамазон барои ифротгароён бегона будааст.
Амалҳои номатлубу даҳшатзои ин гурӯҳ дар оғози моҳи муборак дар кишвари рӯбарӯи мо, ки исломист, моро бори дигар ҳушдор дод ва бовар намуд, ки дар ҳеҷ сурату ҳолат фирефтаи ин гурӯҳ нагардем. Бо таъкиди Пешвои миллат шукронаи давлати озоду Ватани ободамонро бинамоем, ки дар фазои осуда аз баракати сулҳу оромӣ, ваҳдати миллӣ ҳаёт ба сар мебарем.
Воқеан, вазъи сиёсии ҷаҳон  дар ду – се соли баъд боз мураккабтар хоҳад шуд. Шинохти он бо ҳама паҳлуҳояш бисёр муҳим аст.
Дари фитнаҳоро боз васеътар боз мекунанд ва гирифториву раҳоӣ аз он дар ин сурат басо мушкил мегардад.
Гурӯҳҳои ифротгаро ба василаҳои гуногун ба хонаҳо роҳ меёбанд ва ба ташвиқи ғояҳои худ андешаҳои бегонаро ба мафкураҳо ҷой карданӣ мешаванд.
Бо номи иҷрои амалҳои неку мондагор, ҳадафҳои бузургу олӣ ва пешниҳоди маблағҳои калони пулӣ гурӯҳеро аз роҳи рост мезананду дуру гумроҳ месозанд.
Ба шаклҳои гуногун, зери ҳазорон ниқоб гурӯҳҳои ифротӣ зуҳур мекунанд ва усулҳои даъватро ба нафъи худу хоҷагонашон дигар менамоянд.
Афтодан ба домашон бисёр осон мешавад, агар онҳоро бо мақсадҳои нопоке, ки доранд, нашиносем.
Инак, айёми озмоиши ирода, яъне моҳи Рамазон, ба поён мерасад ва пас аз он мо – мусулмонон дар фазои орому осудаи кишвар бо амнияту хотири   ҷамъ ид мекунем. Вале иҷрои вазифаву  рисолатамон ба поён намерасад. Ва бояд чунин ҳам бошад. Оре, агар мехоҳем кишварамон, Ватани маҳбубамон барои ҳамеша озоду обод  ва амну осоиштагӣ, сулҳу ваҳдати миллӣ дар он пойдор бимонад.
Ҳамин тавр, бояд ҳадафи асосии равияҳои ифротиро, ки вазъи сиёсии ҷаҳонро мураккаб мегардонанд, ба мардум бифаҳмонем ва дар тарбияи дурусти насли наврас саҳми назаррас бигирем. Воқеан, биёед, то ҷаҳонро ба бад наспарем.
Абдулқодири РАҲИМ,
«Ҷумҳурият»


Баёни ақида (0)    Санаи нашр: 30.05.2019    №: 103    Мутолиа карданд: 148

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД


Дар сомонаҳои дигари Тоҷикистон хонед