logo

сиёсат

ДОНАЛД ТУСК: "ТОҶИКИСТОН ДАР ҲИФЗИ АМНИЯТИ МИНТАҚА ВА ҲАЛЛИ МАСОИЛИ ГЛОБАЛӢ НАҚШИ КАЛИДӢ ДОРАД"

Доналд Туск, президенти Шӯрои Аврупо, ки 29 - 30 май дар раъси як ҳайати баландпоя бо сафари расмӣ дар Ҷумҳурии Тоҷикистон қарор дошт, баъд аз анҷоми мулоқоту музокироти сатҳи олӣ натиҷаҳои сафараш ба кишвари моро мусбат арзёбӣ кард.

Ин меҳмони олимақом баъд аз мулоқот бо Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон дар ҳузури доираи васеи хабарнигорон бо қаноатмандии зиёд аз раванди тавсеаи равобити судманди Тоҷикистону Иттиҳоди Аврупо ситоиш кард. Ӯ гуфт: «Сафари ман ба кишвари шумо дар ҳоле иттифоқ афтод, ки чанде қабл Стратегияи нави Иттиҳоди Аврупо оид ба кишварҳои Осиёи Марказӣ қабул гардид. Бо ин сафар, боздиди нахустини президенти Шӯрои Аврупо ба Тоҷикистон анҷом шуд. Яъне, ман аввалин шахсе ҳастам, ки дар ин мақом ба кишвари шумо омадам. Ин баёнгари он аст, ки мо  сидқан ҷонибдори таҳкиму густариши ҳамкориҳо бо Тоҷикистон ва кишварҳои минтақаи Осиёи Марказӣ ҳастем. Дар Иттиҳоди Аврупо ба нақш ва мавқеи стратегии Тоҷикистон дар ҳалли масоили минтақавӣ эҳтиром мегузоранд».
Президенти Шӯрои Аврупо изҳор дошт, ки Тоҷикистон дар ҳифзи амнияту суботи минтақа нақши калидӣ дорад. Ӯ зимни боздиди худ аз марзи Тоҷикистону Афғонистон, ба корҳои анҷомшудаи марзбонӣ ва шароити хизматӣ дар дидбонгоҳҳои сарҳадӣ баҳои баланд дод. «Ман аз он ба ваҷд омадам, ки шумо барои ҳимоят аз марз чи корҳои судмандеро анҷом додаед. Дар ин замина, бояд ба нақши Тоҷикистон дар маъмурияти марзҳои Осиёи Марказӣ низ эҳтироми зиёд қоил шуд. Иттиҳоди Аврупо дар таҳкими сарҳадот, мубориза бо терроризм, қочоқи маводи мухаддир ва экстремизми хушунатбор бо ҳамаи кишварҳои Осиёи Марказӣ, бахусус Тоҷикистон, ҳамкорӣ намуда, дар ин самт ба дастгириҳои молиявӣ авлавият хоҳад дод».
- Ман имрӯз аз пиряхҳои Помир низ дидан кардам ва шоҳиди он будам, ки тағйири иқлим ба пиряхҳо чи таъсире гузоштааст. Обшавии пиряхҳо бар асари тағйири иқлими сайёра, на танҳо мояи нигаронии кишвари шумо, балки минтақа ва саросари олам аст. Иттиҳоди Аврупо барои пешгирии тағйироти иқлим барномаҳои зиёдеро рӯи даст дорад. Умедворам, ки Тоҷикистон дар ин масъала коршарики асосии мо хоҳад буд. Зеро Тоҷикистон дар ҳалли масоили глобалии ҷаҳон яке аз кишварҳои пешсаф аст. Ҷомеаи ҷаҳон борҳо шоҳиди ташаббусҳои неку башардӯстонаи Президенти Тоҷикистон буданд, бахусус дар самти мудирияти истифодаи оқилонаи захираҳои обӣ.
Боздид аз Сарез маро ба ваҷд овард. Дар миёни кӯҳсор ганҷинае нуҳуфтааст, ки наҷотбахши аҳли башар буда метавонад. Ҳоло дар ҷаҳон нарасидани оби тоза мушкили асосӣ ба шумор меравад ва саҳми Тоҷикистон дар ҳалли ин масъалаи доғ бузург аст. То ҳол чор пешниҳоди Тоҷикистон дар масъалаи оби тоза аз ҷониби ҷомеаи ҷаҳонӣ пазируфта шуда, Президенти Ҷумҳурии Тоҷикистон муҳтарам Эмомалӣ Раҳмон ҳамчун сиёсатмадори башардӯст ва ташаббускори сатҳи байналмилалӣ эътироф гардидаанд. Зеро Тоҷикистон бо чунин сарватҳои бузурги табиӣ таҳти сарварии Ҷаноби Олӣ худро дар ҳалли мушкилоти норасоии оби тоза канор нагирифта, баръакс дар ин самт пешоҳанг аст. Воқеан, мардуми тоҷикро шахсияте роҳбарӣ мекунад, ки мардуми бисёре аз кишварҳои сайёра доштани чунин Сарварро орзу мекунанд, - изҳор дошт Доналд Туск.
Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 03.06.2019    №: 105    Мутолиа карданд: 660
12.08.2022


ИҚДОМИ НАВБАТИИ РУСТАМИ ЭМОМАЛӢ

11.08.2022


СОҲИБКОРОНИ КРАСНОЯРСК: "МЕВАҲОИ ТОҶИКИСТОН ЛАЗИЗТАРАНД!"

Вазирони мудофиаи Тоҷикистон ва Ӯзбекистон қарордод имзо карданд

ШАҲРИНАВ. ТАТБИҚИ ДАСТУРҲОИ САРВАРИ ДАВЛАТ РУШДИ НОҲИЯРО ТАҚВИЯТ МЕБАХШАД

10.08.2022


Ҷаласаи Комиссияи байниҳукуматии Тоҷикистону Гурҷистон доир мегардад

09.08.2022


ИФТИТОҲИ КОНСУЛГАРИИ ФАХРИИ ТОҶИКИСТОН ДАР БАТУМИ

ВАРЗИШ

08.08.2022


“Пешвои миллат ва рушди Тоҷикистони соҳибистиқлол”

НИШАСТИ МАТБУОТӢ

ВАРЗИШ

05.08.2022


Тоҷикистон ҷонибдори тамомияти арзии Чин мебошад

НИШАСТИ МАТБУОТӢ

ТОШКЕНТ. ЯК АНҶУМАНИ МУҲИМ

04.08.2022


Ба зарурати таҳкими ҳамкориҳо таъкид шуд

НИШАСТИ МАТБУОТӢ

СОЗМОНИ ҲАМКОРИИ ШАНХАЙ. БЕШ АЗ 10 ДАВЛАТИ ҶАҲОН ХОСТОРИ УЗВИЯТАНД

ВАРЗИШ

КӮЛОБ. ИФТИТОҲИ НАМОИШИ “ТОҶИКИСТОН – КИШВАРИ ДАРЁҲОИ ТИЛЛОӢ”

03.08.2022


Таҳкими ҳамкорӣ бо кишварҳои арабии Халиҷ

НИШАСТИ МАТБУОТӢ

ТОҶИКИСТОН - САРЗАМИНИ ОБҲОИ ШИФОБАХШ

02.08.2022


НИШАСТИ МАТБУОТӢ

ММТ. ИМКОНИЯТИ ДУБОРА БА ДОВТАЛАБОН

01.08.2022


Пули 760-метра сохта мешавад

НИШАСТИ МАТБУОТӢ

«РОҒУН». ЧАРО БУЗУРГТАРИН СОХТМОНИ АСР ДАР ОСОРИ АҲЛИ ҚАЛАМ КАМ ИНЪИКОС МЕШАВАД?

МУЛОҚОТИ ҲОКИМ ХОЛИҚЗОДА БО САФИРИ ҶОПОН ДАР ТОҶИКИСТОН

ВАРЗИШ

29.07.2022


НИШАСТИ МАТБУОТӢ

27.07.2022


Ҷаласаи вазирони кишоварзии СҲШ

Мулоқотҳои сатҳи ИДМ дар Нур-Султон дар шакли ҳузурӣ баргузор мегарданд

ҶАҲОН ДАР ЯК САТР

ҲОЛАТҲОИ ФАВҚУЛОДА. ТАҲКИМИ ЗАРФИЯТҲО ДАР ПЕШГИРӢ ВА РАФЪИ ПАЙОМАДҲОИ ЭҲТИМОЛӢ

ОЛИМПИАДАИ ҶАҲОНӢ

НИШАСТИ МАТБУОТӢ


Дар сомонаҳои дигари Тоҷикистон хонед