logo

ҳуқуқ

ИФРОТГАРОӢ. ДАРДЕ, КИ МОТАМ ДОРАД

Дар поёни асри 20 ва ибтидои асри 21 ҷомеаи ҷаҳонӣ шоҳиди зуҳури ҳизбу ҳаракат ва гурӯҳу ҷараёнҳоест, ки талош доранд, асосан бо истифода аз эътиқодоти диниву мазҳабӣ афкори мардумро ба сӯи худ ҷалб созанд. Ин гурӯҳҳои радикалӣ бо низоми дунявият, ки кишварҳои пешрафтаи ҷаҳон мутеи онанд, ҳамеша дар ҳоли ихтилоф қарор дошта, кӯшиш ба харҷ медиҳанд, ки арзишҳои дунявиро дар зеҳну шуури мардум камранг созанд.
Ба мардуми огоҳи тоҷик намунаи чунин ҳизбу гурӯҳҳои иртиҷоӣ дар мисоли ташкилоти террористӣ - экстремистии Ҳизби наҳзати исломӣ маълум аст, ки замоне дар Тоҷикистон рӯзгори мардумро тираву тор намуда буд. Ба иллати тахрибкориҳои ин ташкилоти террористии зархарид кишвари тозаистиқлоли мо барои солҳои тӯлонӣ аз рушд бозмонд ва иқтисоди мамлакат зарбаи сахт дид.
Ҳоло  бо сад далелу арқоми тасдиқ-шуда, маълум гардид, ки саркардагони наҳзат чи дар гузашта ва чи имрӯз таълимоти ифротгароёнаи худро дар назди институт ва урдугоҳҳои гурӯҳҳои даҳшатноки террористии ҷаҳон гирифтаанд. Натиҷаи таълимоти террористии онҳо ба ҳама маълум шуд. Замоне андӯхтаҳои ифротгароёнаи худро дар хоки Тоҷикистон ба ҳукми амал бароварда, мардуми сарбаланду тамаддунсози тоҷикро, ба монанди мардумони имрӯзаи Сурияву Ироқ ва дигар кишварҳои ҷангзада сияҳрӯзгору тирабахт карда буданд. Онҳо бо истифода аз ноогоҳии мардум дар либоси арзишҳои динӣ баромад намуда, аҳолиро ба гумроҳӣ мебурданд.
Натиҷаи амалҳои тахрибкоронаи ташкилоти террористӣ - экстремистии ҲНИ, ки, асосан, аз берун тарҳрезиву идора мешуд, беш аз 150 ҳазор қурбонии ҷангро боқӣ гузошт, ки ҳанӯз ин ҷароҳати сангини таърих фаромӯш нашудааст. Пӯшида нест, ки тарғиботи наҳзатиҳо ҳамон солҳо то ҷое таъсиругзор буд ва қисмате аз мардуми ноогоҳ кӯр – кӯрона ба сафи онҳо пайвастанд. Аммо, вақте мафкураи миллӣ дар роҳи шинохти арзишҳои воқеии дунявият боло гирифт, мардуми фирефташуда худ ба худ аъмоли норӯшани худ ва маънои сенарияҳои наҳзатиро дарк карданд. Гузашта аз ин, раванди воқеот худ парда аз чеҳраи асливу моҷароҷӯёнаи наҳзат бардошт ва тамоми талошҳои бадхоҳонаи ташкилоти террористӣ ба нокомӣ анҷом ёфт.
Ба ҳама маълум аст, ки наҳзат ва хоҷагону сарпарастони хориҷии он дар сар ҳавои ташкили ҳокимияти теократӣ дар Тоҷикистонро доштанд. Ин ҳам дар ҳолест, ки бино ба таҳқиқотҳои анҷомшуда низоми теократӣ дар таърихи мавҷудияти башар ба манфиати ҳеҷ қавму миллат хизмат накардааст. Дар чунин вазъ талоши саркардагони ТТЭ ҲНИ бо роҳи густариши таассубу хурофот дар ҷомеа даст ёфтан ба манофеи шахсиву гурӯҳӣ аст, на бештар аз ин.
Мо дар таҷрибаи судии парвандаҳои вобаста ба терроризму экстремизм дарёфтем, ки аксари шаҳрвандон, бахусус ҷавонон, бинобар ноогоҳӣ, дур будан аз арзишҳои дунявию донишҳои ҷаҳоншиносӣ ба доми гурӯҳҳои террористие чун ҲНИ гирифтор мешаванд. Табиатан чунин афрод дорои ҳассосияти баланди динӣ – мазҳабианд, ки мубаллиғони гурӯҳҳои ифротгаро маҳз ба ҳамин ҷиҳати масъала таваҷҷуҳ намуда, онҳоро ба осонӣ пойбанди худ месозанд.
Тавре дар конфронси сатҳи баланд таҳти унвони «Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷиноятҳои муташаккил» 16 - 17 майи соли ҷорӣ дар шаҳри Душанбе таъкид шуд, бо вуҷуди шикасти бархе гурӯҳҳои террористӣ ҳанӯз ҳам таҳдидҳо аз байн нарафта, терроризму экстремизм метавонад ҳар лаҳза ба ҷони инсонҳову суботи ҷомеа хатар эҷод намояд.
Пас, рисолати ватандориву қарзи инсонист, ки дар чунин вазъият ҳар фарди худогоҳ, бахусус ҷавонон, ки ояндасози миллатанд, дар ҳифзу пойдории сулҳу ваҳдати миллӣ, арзишҳои Истиқлолияти давлатӣ ва ҷомеаи солим саҳмгузор бошанд.
Назрулло ШУКУРЗОД, муовини раиси суди ноҳияи Фирдавсӣ


Баёни ақида (0)    Санаи нашр: 03.06.2019    №: 105    Мутолиа карданд: 373
05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД


Дар сомонаҳои дигари Тоҷикистон хонед