logo

сиёсат

ТОҶИКИСТОН ДАР ШИНОХТИ ИТТИҲОДИ АВРУПО

Тавре аз матолиби васоити ахбори омма бармеояд, боздид ва суҳбати хосаи Доналд Туск бо Президенти Ҷумҳурии Тоҷикистон муҳтарам Эмомалӣ Раҳмон натиҷабахшу самимӣ буд. Тоҷикистон ҳамчун кишвари ташаббускор дар Осиёи Марказӣ таваҷҷуҳи Иттиҳоди Аврупоро ҷалб намудааст. Сиёсати оқилона, башардӯстонаву сулҳҷӯёнаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз забони ин шахсияти шинохтаи сатҳи байналмилалӣ такрор ба такрор зикр гардид.  Ӯ самарабахшу мусбат будани сиёсати хориҷӣ ва нақши байналмилалии Тоҷикистонро дар нишасти матбуотӣ чунин баён кард: «Сафари ман пас аз қабул шудани стратегияи нави Иттиҳоди Аврупо барои кишварҳои Осиёи Марказӣ баргузор гашта истодааст. Президенти аввалини Шӯрои Аврупо мебошам, ки ба Ҷумҳурии Тоҷикистон ташриф меорам ва ин нишондиҳандаи ҷонибдории ҳамкориҳои қавӣ дар минтақаи Осиёи Марказӣ, аз ҷумла бо Тоҷикистон мебошад».
Ҷониби Тоҷикистон низ ин равандро эътироф менамояд. Пешвои миллат муҳтарам Эмомалӣ Раҳмон дар нишасти матбуотӣ зикр карданд, ки дар асоси эътимод ва муносиботи судманди тарафайн  «Имрӯз Иттиҳоди Аврупо аз ҷумлаи шарикони муҳими Тоҷикистон дар арсаи байналмилалӣ ба ҳисоб меравад». Ин равандро метавон натиҷаи сиёсати муваффақонаи хориҷии Тоҷикистон дар як муддати кӯтоҳ арзёбӣ кард.

ТАҚВИЯТИ ҲАМКОРИҲОИ ИҚТИСОДӢ
Дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон ва, ҳамзамон, дар нишасти матбуотӣ Д. Туск иброз дошт: «Иттиҳоди Аврупо имрӯз омодааст, ки барои дастрасии Тоҷикистон ба бозорҳои Аврупо кумак намуда, шароити зарурӣ фароҳам орад». Заминаи ин ҳамкориро Пешвои миллат муҳтарам Эмомалӣ Раҳмон низ мусбату натиҷабахш баҳогузорӣ карда, то имрӯз кумаку маблағгузориҳои Иттиҳоди Аврупоро дар ҳаҷми қариб 800 миллион евро зикр намуданд. Дар нишасти матбуотӣ президенти Шӯрои Аврупо дуруст таъкид кард, ки мавқеи ҷуғрофии Тоҷикистон аҳамияти муҳими стратегӣ дошта, «Тоҷикистон байни Аврупо ва Осиё барои шарикии замонавӣ роҳҳои навро боз мекунад». Чунин ба назар мерасад, ки дар натиҷаи ин музокирот самтҳои нави ҳамкориҳои иқтисодӣ барои Тоҷикистон фароҳам меояд. Дар мулоқот бахши иқтисодии ҳамкориҳои Иттиҳоди Аврупо ва Тоҷикистон  мавриди таваҷҷуҳи хос қарор гирифта, таъкид шуд, ки раванди воридшавии Тоҷикистон ба Барномаи имтиёзҳои иқтисодии Иттиҳоди Аврупо - (GSP+) баррасӣ шуд. Ин барнома молу маҳсулоти содиротӣ аз Тоҷикистон ба қаламрави иттиҳодро аз имтиёзҳои гумрукӣ бархӯрдор месозад.
Тоҷикистон чун ҳамеша бо мавқеи сулҳпарваронаву башардӯстонааш устувор боқӣ монда, муқобилияти худро алайҳи зуҳуроти номатлуби ҷомеа идома медиҳад. Пешвои миллат дар ин бора сареҳан баён доштанд: «Мо нигаронии амиқи худро аз хатари густариши терроризму зуҳуроти экстремизм, ҷинояткории муташаккили фаромарзӣ, аз ҷумла гардиши ғайриқонунии маводи мухаддиру қочоқи силоҳ, иброз медорем». Зимни мулоқоти музокироти сатҳи олӣ, ҷонибҳо дурнамои ҳамкориҳои минбаъдаи Тоҷикистон ва Иттиҳоди Аврупоро дар муборизаи муштарак бо терроризм, оқибатҳои талху марговари он дар минтақа ва ҷаҳон, гардиши ғайриқонунии маводи мухаддир ва қочоқи силоҳ мавриди муҳокима қарор доданд.

ЭКОЛОГИЯ ҲАМЧУН МАСЪАЛАИ ГЛОБАЛӢ
Тоҷикистон ҳамчун кишвари ташаббускор нисбат ба масъалаҳои экологии сайёра шинохтаву эътироф шудааст. Ҷониби Тоҷикистон, ки дар саргаҳи манбаъҳои обии минтақавӣ қарор дорад, бори дигар изҳор намуд, ки манфиатдори истифодаи оқилонаву сарфакоронаи захираҳои обии минтақа, ҳамчунин, ҳифзи муҳити зисти он мебошад. Зимни боздид аз кӯли Сарез Д. Туск иброз дошт, ки ин кӯл ҳайратовару зебост. Наворҳо ва гузоришҳо бозгӯи он буданд, ки ӯ аз зебоиҳои табиати кишвари мо ба ваҷд омадааст. Ҳамзамон, аз он нигаронӣ кард, ки тағйирёбии иқлим таъсири манфии худро ба табиати зебои мо гузоштааст. Манзури Д. Туск обшавии пиряхҳо дар натиҷаи тағйирёбии иқлим мебошад. Аз ҷумла, дар атрофи ин кӯл об шудани панҷ пирях таассуфи амиқи ӯ буд. Худи ҳамон рӯз Д. Туск дар саҳифаи фейсбукиаш навишт, ки тағйирёбии иқлим масъалаи доғи рӯз аст, ки бояд ҷомеаи ҷаҳонӣ барои раҳоӣ ёфтан аз ин мушкилӣ саъю кӯшиш намояд.
Дар маҷмӯъ, аз ташрифи президенти Шӯрои Иттиҳоди Аврупо ба Тоҷикистон чунин хулосаҳо ҳосил мешаванд:
1. Тоҷикистон ҳамчун кишвари демократӣ бо сиёсати дарҳои боз дар маркази таваҷҷуҳи бузургтарин созмонҳои байналмилалӣ қарор дорад;
2. Сиёсати оқилона ва сулҳпарваронаи Пешвои миллатро ниҳодҳо ва созмонҳои бонуфузи байналмилалӣ омили аслии пешрафти Тоҷикистон медонанд;
3. Барои Тоҷикистон имкони равобити иқтисодӣ дар заминаи ин музокирот бештар мегардад;
4. Мавқеъ ва ташаббусҳои байналмилалии Тоҷикистонро ҷомеаи ҷаҳонӣ  амиқан эътироф намудааст;
5. Табиати зебои мо барои бузургтарин шахсиятҳои арсаи ҷаҳонӣ ҳамчун макони диданиву хотирмон боқӣ мемонад.
Бахтиёри ҚУТБИДДИН,
дотсенти ДМТ


Баёни ақида (0)    Санаи нашр: 04.06.2019    №: 106    Мутолиа карданд: 291

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед