logo

иҷтимоиёт

ТАЪТИЛИ ТОБИСТОНА. АКСАРИ ЛАГЕРҲО БА ҚАБУЛИ МАКТАБИЁН ОМОДА НЕСТАНД!

Истироҳати тобистонаи мактаббачагон имсол 15 июн оғоз меёбад. Дар ин мавсим лагерҳои “Шоҳин”, “Барқчиён”, “Шарора”, “Файзи истиқлол” ва “Ширкент” бо беҳтарин шароит дари худро ба рӯйи хонандагон боз хоҳанд кард. Аммо дар дигар лагерҳо корҳои таъмиру навсозӣ ҳанӯз анҷом наёфтаву кушода шудани дари баъзеяшон, бинобар камбудиҳои ҷиддӣ, зери суол аст.
- Баъд аз ба тасвиб расидани Қарори Ҳукумати Ҷумҳурии Тоҷикистон аз 1 марти соли 2019 «Дар бораи ташкили истироҳати тобистонаи кӯдакону наврасон дар соли 2019» Федератсияи иттифоқҳои касабаи мустақили Тоҷикистон барои дар сатҳи зарурӣ гузарондани истироҳати хурдсолон тадбирҳои зарурӣ андешида истодааст, - иброз дошт  Нигора Назарзода, муовини аввали раиси федератсия. - Нимаи дуюми моҳи май аз ҳисоби аъзои ситоди «Тобистон – 2019» ду гурӯҳи корӣ таъсис ёфт, ки онҳо истироҳатгоҳҳои мавзею дараҳои Ширкент, Алмосӣ, Ромит, Қаратоғ, Варзоб ва шаҳру ноҳияҳои вилояти Хатлонро  мавриди санҷиш қарор доданд. Санҷишҳо нишон доданд, ки сарфи назар аз хуб ҷараён доштани корҳои навсозиву бунёдкорӣ дар баъзе аз иншоот, ҳолати аксари истироҳатгоҳҳо ташвишовар боқӣ мемонад.
Нагирифтани хулосаи мақомоти назорати давлатии санитарию эпидемиологӣ ва бехатарӣ аз сӯхтор, тоза накардани гирду атрофи истироҳатгоҳҳо аз партов, зиёд гаштани алафҳои худрӯй, нагузарондани таъмири ҷорӣ, бартараф накардани оқибатҳои офати табиӣ дар қисме аз иншоот, панҷарабандӣ нашудани лагерҳое, ки дар соҳили рӯдҳо ҷойгиранд, аз мушкилоте мебошанд, ки қариб дар ҳамаи фароғатгоҳҳо ба назар мерасанд.
Барои мисол, лагери «Ҷавонӣ» - и назди пансионати Қаратоғи ноҳияи Шаҳринав ба қабули мактабиён тамоман тайёр нест. Бинои истироҳатгоҳи «Чангоб» - и ноҳияи Ҳисор, ки имсол 1000  истироҳаткунандаро ба оғӯш мегирад, бо вуҷуди таъмири ҳарсола фарсуда гашта, қисман дар ҳолати садамавӣ қарор дорад.
Ғайр аз ин, лагерҳое, ки дар соҳили рӯдҳо воқеанд, панҷарабандӣ нашудаанд, ки бо чунин вазъ амнияти кӯдакон аз хатари дарё зери суол меравад. Ҳамчунин, ҳавзҳои шиноварӣ қобили истифода нестанду ҳуҷраҳои либосивазкунӣ надоранд. Ин қабил норасоиҳо дар лагерҳои “Чангоб” - и шаҳри Ҳисор ва «Ҳамсафар» - и шаҳри Ваҳдат ба мушоҳида мерасанд.
Дар истироҳатгоҳи «Орбита» - и ноҳияи Варзоб, ки бар асари боришоти тӯлонӣ ва фуромадани сел зарар дидааст, корҳои барқарорсозӣ то ҳол шурӯъ нагардидаанд. Инчунин, дар ноҳия ҳоли табоҳи лагерҳои як замон машҳури «Зимчурӯд» ва «Обшорон» касро нигарон месозад. Ин мавзеъҳо аз раванди навсозӣ дур монда, ҳатто ягон шахси мутасаддиро дар онҳо пайдо кардан мушкил аст. Гузашта аз ин, лагери «Орзу» - и ноҳияи Ховалинг ба рӯйхати Федератсияи иттифоқҳои касабаи мустақили Тоҷикистон ворид шуда бошад ҳам, дар асл вуҷуд надорад. Истироҳатгоҳи «Офтобак» - и шаҳри Норак аз ҳисоби мақомоти маҳаллӣ маблағгузорӣ шавад ҳам, дар он шароити зарурӣ фароҳам наомадааст. Кор ба дараҷае расида, ки катҳои хоби кӯдаконро масъулони “ғамхор” дар саҳни истироҳатгоҳ гузоштаанд!
Ҳамин тавр, то оғози таътили тобистонаи мактаббачаҳо рӯзҳои башумор монда бошанд ҳам, то ҳол дар аксари лагерҳо шароити будубоши кӯдакон пурра муҳайё нагардидааст. Ин дар ҳолест, ки тибқи Қарори Ҳукумати Ҷумҳурии Тоҷикистон «Дар бораи ташкили истироҳати тобистонаи кӯдакону наврасон дар соли 2019» мебоист истироҳатгоҳҳои беруназшаҳрӣ, варзишӣ ва солимгардонӣ то 20 майи соли ҷорӣ ба қабули хонандагон пурра омода мешуданд. Суоли матраҳ ин аст: чаро мутасаддиён дар иҷрои рисолати аслии худ нисбат ба насли наврас бемасъулиятӣ зоҳир мекунанду роҳбарони Вазорати маориф ва илм, мақомоти иҷроияи маҳаллии ҳокимияти давлатӣ ва сохторҳои дигари масъул ба ин вазъ аз пушти панҷа менигаранд?
Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 04.06.2019    №: 106    Мутолиа карданд: 235

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед