logo

иқтисод

ВАҲДАТ. ШАҲРЕ ДАР МАСИРИ РУШД

Раҳмоналӣ Амирзода, раиси шаҳри Ваҳдат, зимни суҳбат иброз дошт, ки  заҳматкашони ин минтақаи хушбоду ҳавои заминаш зархез дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи фаъолияти хеш қарор дода, барои истиқболи сазовори Ҷашни 30 - солагии Истиқлолияти давлатии Ҷумҳурии Тоҷикистон корҳои созандагию ободониро вусъати тоза бахшидаанд.

ИСТИҚБОЛИ ГАРМ АЗ ҶАШНИ МИЛЛӢ
Бо ин мақсад дар ҳудуди шаҳр аз ҳисоби ҳамаи сарчашмаҳои молиявӣ бунёду навсозии 570 иншоот ба нақша гирифта шудааст. Қисми зиёди онҳо иншооти иҷтимоӣ, назири муассисаҳои таълимӣ, боғчаҳои кӯдакон, марказҳои касбомӯзӣ ва ҳунарҳои мардумӣ, беморхона, бунгоҳҳои тиббӣ, марказҳои саломатӣ ва майдонҳои варзиш мебошанд.
Ҳоло сохтмони 40 бинои истиқоматӣ (аксаран, баландошёна), 3 маркази ташхисию табобатӣ, 3 маркази савдо, бозори болопӯшидаи замонавӣ, 2 бинои таълимӣ барои 480 ҷойи нишаст, бинои маъмурии маркази адлия, бунёди иншооти пойгоҳ ва сутуни Нишони давлатӣ бо маром ҷараён дорад.

САРМОЯГУЗОРӢ ВА СОҲИБКОРӢ ОМИЛИ АСОСИИ РУШДИ ШАҲР
Ҳоло дар шаҳр ба маблағи қариб 16 миллион доллари ИМА 5 лоиҳаи давлатии сармоягузорӣ - Маркази татбиқи идоракунии захираҳои оби водии Фарғона (6 миллион), парвариши занбӯри асал ва истеҳсоли маҳcулоти занбӯри асал (395,8 ҳазор), сохтмони системаи обтаъминкунии деҳаи Симиганҷи Ҷамоати деҳоти Симиганҷ (80 ҳазор), идоракунии партовҳои сахти маишӣ (8,5 миллион) ва сохтмони бунгоҳи тиббӣ дар Ҷамоати деҳоти Чӯянгарон (350 ҳазор) амалӣ шуда истодааст.
Дар семоҳаи авввали соли ҷорӣ дар шаҳр 12475 субъекти соҳибкории фаъолияткунанда сабт шудааст, ки ин нишондод нисбат ба соли гузашта 704 адад зиёд мебошад. Аз ҷониби бонкҳои тиҷоратӣ ва муассисаҳои хурди қарзӣ ба соҳибкорон ба маблағи  42 миллион сомонӣ қарз дода шудааст, ки дар қиёс ба ҳамин давраи соли гузашта 4,2 миллион сомонӣ зиёд аст. Ҳамчунин, шуъбаи агентии меҳнат ва шуғли аҳолии шаҳр ба 18 нафар  барои фаъолияти соҳибкорӣ ба маблағи 54 ҳазор сомонӣ қарзҳои имтиёзнок додааст.
 
ИСТИФОДАИ ОҚИЛОНАИ ЗАМИН 
Кишоварзӣ яке аз самтҳои афзали иқтисоди шаҳр ба ҳисоб рафта, алҳол 7972 хоҷагии деҳқонӣ фаъолият менамояд. Дар асоси дастуру ҳидоятҳои Пешвои миллат давоми семоҳаи аввали соли ҷорӣ дар майдони 9 гектар боғи нав бунёд гардид.
Барои беҳтар кардани ҳолати мелиоративии заминҳои корами обӣ соли гузашта аз ҳисоби маблағи хизматрасонии об 48 ҳазор метри мукааб шабакаҳои обёрӣ ва 9,7 ҳазор метри мукааб заҳкашу заҳбурҳо тоза карда, пойгоҳҳои обкашии “Эскигузар - 1, “Эскигузар - 2” ва “50 – солагии Тоҷикистон” аз таъмир бароварда шудаанд.
Ҳаҷми истеҳсоли маҳсулоти кишоварзӣ (ҳамаи намудҳои хоҷагидорӣ) ба 73 миллиону 222 ҳазор сомонӣ расид, ки назар ба ҳамин давраи соли гузашта 4 миллиону 667 ҳазор сомонӣ зиёд буда, суръати афзоиш 6,8 дарсадро ташкил медиҳад. Дар семоҳаи аввали соли 2019 назар ба ҳамин давраи соли гузашта 22 тонна сабзавот, 125 тонна гӯшт, 2,3 тонна гӯшти моҳӣ, 48,3 тонна шир ва 5 миллиону 208 ҳазор дона тухм истеҳсол шудааст.
 

ФОИДА АЗ ҲИСОБИ САЙЁҲОН  34 МИЛЛИОН СОМОНӢ
Иқлими шаҳр барои равнақи ҳамаи намудҳои сайёҳӣ хеле мувофиқ буда, ҷиҳати муҳайё сохтани шароити мусоид барои сайёҳони дохилию хориҷӣ соли 2018 дар минтақаи истироҳатию сайёҳии Ромит истироҳатгоҳҳои оммавӣ, меҳмонхонаҳои замонавӣ, ошхонаҳо, мағозаҳои фурӯши молҳои ҳунарҳои мардумӣ ва армуғонҳои сайёҳӣ, маҷмааҳои варзишӣ, ташнобҳои сарироҳӣ ва иншооти дигари зарурӣ ба истифода дода шуданд. Аз ҷониби соҳибкорони маҳаллӣ ширкати сайёҳии “Карон - тур” таъсис ёфт. Инчунин, баҳри дар сатҳи баланд истиқбол намудани сайёҳон то Ҷашни 30 - солагии Истиқлолияти давлатӣ бунёди 5 меҳмонхона, 2 истироҳатгоҳ ва маҷмааи сайёҳӣ дар назар аст.
Давоми се моҳи соли 2019 ба шаҳр беш аз 8 ҳазор сайёҳу меҳмон ташриф овард ва аз ҳисоби онҳо беш аз 34 миллион сомонӣ фоида ба даст омад.
Дарвоқеъ, бо итминон метавон гуфт, ки дар пайи талошу заҳмати сокинон ҷиҳати иҷрои дастуру ҳидоятҳои Пешвои муаззами миллат шаҳри Ваҳдат дар ҳоли рушду шукуфоӣ қарор дорад ва зиндагии мардум рӯз ба рӯз беҳтару хубтар мешавад.
Маҳмуд БАҲРОМ, “Ҷумҳурият”


Баёни ақида (0)    Санаи нашр: 07.06.2019    №: 107    Мутолиа карданд: 289
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед