logo

маориф

ФАЙЗОБОД. ЧАНД МУШКИЛИ ЯК МУАССИСАИ ТАЪЛИМӢ

Дар даврони соҳибистиқлолии кишвар рушди соҳаи маориф ба самти афзалиятноки сиёсати Ҳукумати ҷумҳурӣ табдил ёфта, он ҳамеша дар маркази таваҷҷуҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Дастовардҳои солҳои Истиқлолияти давлатӣ дар соҳаи мазкур камназир буда, рӯз ба рӯз имконоту шароит ва дар ин замина, сифати таълиму тарбия беҳтар мешавад.
Вале, мутаассифона, таълимгирандагони муассисаи таҳсилоти миёнаи умумии № 41, деҳаи Қалъаи Дашти ноҳияи Файзобод аз раванди навсозиву мувофиқ намудани соҳа ба шароити замони муосир дар  канор мондаанд. Ҳоло дар муассиса, ки аз даҳ синфхона иборат мебошад, 154 хонанда дар ду баст ба таълиму тарбия фаро гирифта шудааст.
Тавре Сангалӣ Раҷабов, директори муассиса, мегӯяд, бинои мактаби мазкур соли 1985 бунёд гардида, баъдтар, бо сабаби зиёд шудани сафи хонандагон  ва нарасидани  ҷойҳои нишаст, дар паҳлуяш бинои иловагӣ бунёд ёфт. Ҳоло бо сабаби зиёд гаштани шумораи хонандагон боз ҳамон мушкилӣ - норасоии ҷойи нишаст ба миён омадааст.
Ҳангоми боздид маълум шуд, ки бинои асосии мактаб кайҳо харобу таъмирталаб гашта, омӯзгорон дарсҳоро бо мушкилӣ мегузаранд. “Дар фасли зимистону оғози баҳор, аз сабаби боришоти зиёд, дарсгузарӣ дар синфхонаҳо хатарнок мегардад. Омӯзгорон бо сабаби норасоии синфхонаҳо ва мизу курсиҳои шикаста наметавонанд ба пуррагӣ хонандагонро ба таълиму тарбия фаро гиранд. Ҳамасола бо дастгирии волидон ва омӯзгорон бинои муассисаро то андозае таъмир мекунем, вале он ҳам ба талабот ҷавобгӯ нест”, - изҳор дошт  Сангалӣ  Раҷабов.
Дохили муассиса манзараи ниҳоят ногувор дошта, синфхонаҳои тангу торик ва фаршҳои шикаста солҳо боз рӯи таъмирро надидаанд.
- Бо сабаби мавҷуд набудани шароити мусоид мо наметавонем, ки дарсҳоро бо истифода аз таҷҳизоти муосир гузарем, - мегӯянд омӯзгорони мактаб. Ҳамчунин, муассисаи мазкур то ҳол синфхонаҳои омӯзиши забонҳои хориҷӣ, тайёрии ҳарбӣ, технологияи компютерӣ, озмоишгоҳҳои физика, кимиё, биология ва толори варзиш надорад. Истифода аз компютерҳои мавҷуда низ, бо сабаби  набудани синфхонаи алоҳида, он қадар хуб нест. Китобхонаи мактаб низ то имрӯз бинои алоҳида надорад ва китобҳо дар вагон нигоҳ дошта мешаванд. Нарасидани омӯзгорон, бахусус муаллимони забонҳои хориҷӣ, аз мушкилоти дигари муассиса маҳсуб мешавад.
Аз вазъи муассисаи таҳсилоти миёнаи умумии № 41, деҳаи Қалъаи Дашт ва дигар мушкилоти хонандагони он роҳбарияти шуъбаи маорифи ноҳияи Файзобод огаҳ аст. Файзулло Наҷмиддинов, мудири шуъбаи маорифи ноҳия, зимни суҳбат иброз дошт: “Дар доираи омодагиҳо ба Ҷашни 30 - солагии Истиқлолияти давлатии Ҷумҳурии Тоҷикистон сохтмони синфхонаҳои иловагӣ дар  мактаби № 41 ба нақша гирифта шудааст. Рӯзҳои наздик сохтмони синфхонаҳои иловагӣ, толори варзиш, синфхонаи компютерӣ ва китобхона шурӯъ хоҳад шуд. Мо кӯшиш мекунем, ки ин мушкилиро  бартараф намоем”.
Вале, аз оғози давраи омодагиҳо ба ин ҷашни миллӣ ду сол сипарӣ мешаваду то ҳол ягон натиҷа нест.
Бо назардошти шароите, ки имрӯз дорем, бунёд ва ё таъмир кардани як муассисаи хурди таълимӣ кори чандон миёншикане нест. Таҷриба собит намудааст, ки имрӯзҳо дар шаҳру ноҳияҳои кишвар аз тарафи соҳибкоронии маҳаллӣ ва шахсони саховатпеша таъмиру навсозии муассисаҳои таълимӣ ба ҳукми анъана даромадааст.  Аммо, то ҳол аз тарафи соҳибкорони маҳаллӣ иқдоме барои таъмири муассисаи № 41 гирифта нашудааст. Аз ин рӯ, роҳбарияти худи муассисаро зарур аст, ки ҷиҳати ҳарчи зудтар бартараф намудани мушкилоти ҷойдошта чораҳои зарурӣ андешад.
Ё масъулон андешаи дигар доранд?!
Зикрулло РАҶАБ, “Ҷумҳурият”


Баёни ақида (0)    Санаи нашр: 07.06.2019    №: 107    Мутолиа карданд: 1479
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед