logo

сиёсат

"ДАВЛАТИ ИСЛОМӢ" - ПАРВАРДАИ БЕРАҲМИ ДОМОНИ НАҲЗАТ

Таҷриба собит намудааст, ки низомҳои мавҷудаи исломи сиёсӣ, ки дар шакли ҳизбу ҳаракатҳои сиёсии исломӣ амал мекунад, аксаран, ҳадаф ва барномаҳои муайянро думболагирӣ мекунанд ва амалкардҳояшон ба ҳам монанд аст. Ҳадафи ҳамаи онҳо бунёди давлати шариатмеҳвар аст, ки идоракунии он бояд тибқи қонунҳои шариатӣ сурат гирад ва ин давлат бештар на хусусияти миллӣ, балки хусусияти фаромиллию динӣ дошта бошад.
Аксари ин гуна ҳизбу ҳаракатҳои сиёсию динӣ хоҳони бунёди як давлати мутамаркази исломӣ бо номи хилофатанд. Ин ҳизбу ҳаракатҳо аз роҳи таблиғи густурдаи идеологияи ҷиҳоду шаҳодат амал намуда, бо роҳи зӯрӣ ва тариқи аслиҳа мехоҳанд низомҳои сиёсии хусусияти ғайридинӣ (миллӣ ё дунявӣ доштаро) барҳам зада, ба ҷои он низомҳои сиёсии динӣ ба вуҷуд оваранд. Масалан, агар аз рӯи ҳадаф ва стратегия «Давлати исломӣ» ва ташкилоти террористии дар Тоҷикистон мамнӯи наҳзатиро муқоиса намоем, амалкардҳои ҳар ду  хеле монанданд.  «Давлати исломӣ» ҳам ҳадафи асосиаш бо зӯри аслиҳа аз байн бурдани давлатҳои миллии Ховари Миёна ва ба ҷои онҳо бунёди як давлати шариатмеҳвари фаромиллӣ буд. Ба хотири расидан ба ин ҳадаф аз усулҳои муборизаи силоҳӣ истифода намуда, дигарандешон ва нафароне, ки ба ин навъи сохтор дар мухолифат буда, онро қабул надоштанд, бо бераҳмтарин шеваҳо қатл карда, аз байн бурда шуданд. Айнан ҳамин тавр ва ҳамин шеваро ташкилоти террористии наҳзатӣ солҳои 90 - уми қарни гузашта дар Тоҷикистон анҷом дода, ҳазорон ҳазор дигарандешонро ба қатл расонда, даҳшатафканиву ҳараҷу мараҷро дар қаламрави Тоҷикистон ба миён овард.
Амалкардҳои солҳои 90 - уми наҳзатиён он буд, ки онҳо ҳатто рӯҳонияти анъанавӣ ва бовармандонеро, ки ба тарзи инфиродӣ арзишҳои диниро пайгирӣ мекарданд, кофиру муртад гуфта, ба қатл мерасонданд. Ҳар касеро, ки ба онҳо намепайваст ба он барчаспҳои гуногун зада, мавриди азобу шиканҷа қарор медоданд. Ҳамин гуна амалкардҳо аз ҷониби «Давлати исломӣ» дар минтақаҳои Сурияву Ироқ сурат гирифта, ҳатто мардумони бумии ин сарзамин, ки таърихан боварманд буданд ва аксари онҳо пайравӣ аз ислом менамуданд, ба хотири аъзои ҷомеаи шаҳрвандӣ ва ба сохти миллии сиёсӣ содиқ будан мавриди куштору бераҳмӣ қарор гирифтанд. Чунин ба назар мерасад, ки баъзе аз шеваҳои аъмоли «Давлати исломӣ» аз ташкилоти террористии мамнӯи наҳзатӣ сарчашма гирифта бошад.
Набояд аз ёд баровард, ки дар ҳаводиси даҳшатбори ибтидои солҳои навадум нақши ташкилоти террористии мамнӯи наҳзатӣ ва сардамдорони он «калидӣ» аст. Маҳз он гурӯҳи ҷаҳолатписанд ҷомеаи тоҷикро ба бозии маргбор кашид ва бо суиистифода аз дин ва эҳсосоти мазҳабии мардум балои ҷонгудозеро сари ҷомеа овард. Бо мақсади «маорифпарварӣ» ва суиистифода аз зеҳниёти содаи ҷомеаи суннатӣ ходимони наҳзатӣ рӯйи мардум таъсир гузоштанд. Саранҷом «маорифпарварӣ» - и наҳзатӣ дар охири асри бист ҷомеаи тоҷикро ба вартаи даргирӣ тела дод ва боиси сардаргумӣ ва бесуботӣ дар кишвар гардида, барои сад соли дигар мамлакати моро ба қафо бурд.
Аз тарафи дигар таблиғи пайвастаи таассубу хурофот, ки сабаби ба тарзи дастаҷамъӣ гаравидани ҷавонон ба гурӯҳҳои террористӣ ва «Давлати исломӣ» шуд, саҳми бевоситаи ин ташкилоти террористии дар Тоҷикистон мамнӯи наҳзатӣ дар он ниҳоят зиёд аст. Ин таблиғоти густурда сабаби он шуд, ки иддае аз ҷавонон мадюни мадрасаву донишкадаҳои исломии хориҷӣ гардида, ҷиҳати таҳсил роҳи ин ё он кишварҳоро пеш гирифтанд ва ба шаклу навъҳои нави исломи сиёсӣ аз ҷумла «Давлати исломӣ» ва созмонҳои дигари террористӣ пайвастанд. Натиҷаи таблиғот, ки ба вуҷудорандаи таассуб ва хурофот дар ҷомеа буд, амалан ҷомеаро хурофазада намуда, сабаби ба вуҷуд омадани навъҳои дигари исломи сиёсӣ гардид, ки ба якдигар таҳаммулнопазиранд. Ташкилоти террористии дар Тоҷикистон мамнӯи наҳзатӣ тайи мавҷудияти худ, махсусан, дар марҳилаи сарварии М. Кабирӣ ба лонаи махфии терроризми динӣ - мазҳабӣ табдил ёфт. Агар дурусттар ба масъала таваҷҷуҳ кунем, дармеёбем, ки тавассути барномарезиҳои ҳадафноки наҳзатӣ тайи солҳои 2008 - 2015 наслҳои синну соли гуногун ба сӯи хурофоту таассуби динӣ - мазҳабӣ кашида шуданд ва дар доираҳои баҳсии мо танҳо сухан аз рӯҳонияти исломӣ ва элитаи исломи сиёсӣ мерафт ва, албатта, дар раъси ин ҳангомаҳо исми роҳбари фирории ин ташкилоти террористии наҳзатӣ ва аъзои шӯрои сиёсии он қарор дошт. Ташкилоти террористии дар Тоҷикистон мамнӯи наҳзатӣ дар домони худ ҷавонони зиёдеро парварда, роҳи мубориза ва муқовиматро бо дунявиён омӯзонд. Омӯзиши наҳзатӣ аз тариқи мавъизоти ифротгароёнаи ихлосмандони наҳзатӣ дар симои рӯҳониёни минбарӣ фазои солими маърифатӣ ва фарҳангии тоҷикро вайрон карда, роҳи мабоҳиси дунявиро як муддати тӯлонӣ баст. Дар ин кор ҳам «саҳм» - и идеологияи пӯсидаи наҳзатӣ аён ва корсоз буд.
 Ҳаводиси ахире, ки дар зиндони Ваҳдат рух дод, ин аз амалкардҳои наҳзатист, ки тайи солиёни дароз ҷомеаро таассубзадаву хурофотӣ намуд ва сабабгори тарвиҷи ҷараёнҳои исломи тундрав дар Тоҷикистон гардид. Ин ҳодиса дарак аз он медиҳад, ки парвардаҳои дасти наҳзатӣ то ҳадде бераҳму ҷаллоданд, ки ҳатто ба пирону бовармандони худи ин ҳизб, ки солиёни дароз онҳоро мубаллиғӣ намуда буданд, низ раҳм надорад. Зеро ҳар ҳизб ва ҷараёни сиёсӣ, ки исломро ҳадафи идеологии хеш қарор медиҳад, худро «Исломи ноб» эълон дошта дигаронро муртаду кофар медонад.  Инҳо ҳамон фарзандони парвардаи наҳзатанд, ки ҳатто дар дохили зиндон бо камтарин фурсатеро, ки ба даст оваранд, ба ҷаллодиву аз байн бурдани дигар мардум шурӯъ мекунанд. Ҳарчанд саркардагони ташакуллаи террористии наҳзати исломӣ бе ҳеҷ ваҷҳ худро муқассири ин ҳаводис намеҳисобанд ва бо фазилатфурӯшиву чарбзабонӣ ҳазорон ҳарфҳои дуғулу муғулро пеш меоваранд, ки онҳо ташакуллаи таҳаммулгарову оромишписанданд, вале бояд як бор сарро рӯи каф гузоранду андеша кунанд, ки ин ҳама сол бо таблиғи густурдаи таассубу хурофот ва ҷалби мардум, махсусан ҷавонон ба сафи равияҳои гуногуни исломи сиёсӣ ҷомеаро ба чи ҳол оварданд, яъне аз назари сабабият ин ҳодиса натиҷаи таблиғоти густурдаи таассубу хурофот аз ҷониби наҳзатиён аст. 
Эҳсони ИЛҲОМ, таҳлилгар


Баёни ақида (0)    Санаи нашр: 12.06.2019    №: 110    Мутолиа карданд: 276

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед