logo

иҷтимоиёт

РАШТ. ЯК ҲАМОИШИ МУҲИМ

Бо ташаббуси Кумитаи рушди сайёҳии назди Ҳукумати Ҷумҳурии Тоҷикистон дар ноҳияи Рашт дар партави дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба таҳкими сулҳу ваҳдати миллӣ, ки омили зиёд шудани таваҷҷуҳи ҷомеаи ҷаҳонӣ ба захираҳои сайёҳии мамлакат гардидаанд, конфронси минтақавии сайёҳӣ дар мавзӯи «Ваҳдату субот - заминаи устувори рушди сайёҳӣ» баргузор гардид.
Ҳамоиш ба пешвози  Рӯзи Ваҳдати миллӣ бахшида шуда, бо мақсади татбиқи босамари Барномаи рушди сайёҳӣ дар Ҷумҳурии Тоҷикистон барои солҳои 2018 - 2020 дар чорчӯбаи Солҳои рушди деҳот, сайёҳӣ ва ҳунарҳои мардумӣ роҳандозӣ гашт.
Дар конфронс роҳбарони Кумитаи рушди сайёҳӣ, мақомоти иҷроияи маҳаллии ҳокимияти давлатии ноҳия, идораҳои дахлдор, роҳбарони ширкатҳои сайёҳӣ, соҳибкорон ва сокинони фаъол иштирок намуданд.
Раиси ноҳияи Рашт Муқимҷон Набизода меҳмононро хайрамақдам гуфта, чорабиниро ҳусни оғоз бахшид.  Зикр намуд, ки ноҳияи Рашт дорои имкониятҳои зиёди рушди сайёҳӣ ва ҳунарҳои мардумӣ буда, мақомоти иҷроияи маҳаллии ҳокимияти давлатӣ дар ҳамкорӣ бо мақоми ваколатдор ва сохторҳои марбута пайваста дар талоши он аст, ки аз захираву имкониятҳои мавҷуда самаранок истифода намоянд.
Муовини якуми раиси Кумитаи рушди сайёҳии назди Ҳукумати Ҷумҳурии Тоҷикистон Ҳабибулло Амирбекзода дар мавзӯи «Ваҳдату субот - заминаи устувори рушди сайёҳӣ» сухан ронда, тазаккур дод, ки ба шарофати соҳибистиқлолӣ ва ваҳдати комил дар кишвар таваҷҷуҳи ҷомеаи ҷаҳонӣ ба захираҳои сайёҳии мамлакат зиёд гардида, симои кишвар ҳамчун мамлакати осоишта ва дорои захираҳои бойи сайёҳӣ боз ҳам устувор гардида, мувофиқи иттилои созмонҳои бонуфузи байналмилалӣ, шабакаҳои хабарии ҷаҳонӣ дар соҳаи сайёҳӣ мавқеи намоёнро касб намуда истодааст.
Ваҳдати миллӣ ҳамчун омили муттаҳидсозанда имкон фароҳам овард, ки бо истифодаи арзишҳои аз ҷониби ҷомеаи ҷаҳон пазируфташуда дар кишварамон таҳкурсии ташаккули ҷомеаи шаҳрвандӣ гузошта шуда, барои беҳтар гардидани сатҳу сифати зиндагии мардум, ободии Ватан ва ояндаи давлати соҳибистиқлоламон заминаи мусоид муҳайё гардад.
Ноҳияи Рашт дорои захираҳои бойи рушди сайёҳӣ, хусусан сайёҳии экологӣ  буда, аз ҷумла мавзеъҳои нодир дар он хело зиёданд. Хусусан, дараҳои Камароб, Тагоба, Ясман, Ҳоит бо манзараҳои дилфиребу шаршараҳои табииаш табъи ҳар бинандаро болида мегардонанд.
Қобили тазаккур аст, ки ҳудуди мамнӯъгоҳи дараи Камароб 10 ҳазору 500 гектарро ташкил дода, дар он гулмоҳӣ, хирси малла ва бузҳои кӯҳӣ парвариш меёбанд. Парваришгоҳ дорои 23 намуди паранда ва 350 анвои гиёҳҳои шифобахш мебошад.
Рушди сайёҳиро бе рушди ҳунарҳои мардумӣ тасаввур кардан ғайриимкон мебошад. Дар доираи эълон гаштани Солҳои рушди деҳот, сайёҳӣ ва ҳунарҳои мардумӣ устоҳои чирадаст ва бонувони ҳунарманди минтақа пайваста дар талоши эҳё ва равнақ додани касби худ мебошанд. Кадбонуҳо дар санъати нонпазӣ ҳам хеле машҳуранд.
Ба истифода додани шоҳроҳи байналмилалии Душанбе - сарҳади Қирғизистон ба рушди сайёҳӣ такони ҷиддӣ бахшид. Имрӯзҳо дар шафати роҳ соҳибкорон чойхонаю тарабхона, марказҳои савдо, нуқтаҳои фурӯши сӯзишворӣ, таъмири воситаҳои нақлиёт ва дигар иншооти зарурӣ сохтаанд.
Айни ҳол дар Рашт  3 меҳмонхонаи замонавии «Соҳили Сурхоб», «Шоми Рашт» ва меҳмонхонаи ҷамъияти матлубот мавриди баҳрабардорӣ қарор дорад, ки ба тамоми талаботи замон ҷавобгӯ буда, дар як вақт ба 150 нафар меҳмон хизмат мерасонад.
Дилшод АМИРОВ,  «Ҷумҳурият»


Баёни ақида (0)    Санаи нашр: 14.06.2019    №: 112    Мутолиа карданд: 202

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед