logo

иҷтимоиёт

ИФРОТГАРОӢ. АЗ ШИНОХТИ РИСОЛАТ ТО ЭҲСОСИ МАСЪУЛИЯТ

Ҷангҳое, ки дар асри навин рух додаанду медиҳанд, ба яқин, аз ҳамаи ҷангҳои асрҳои пешин даҳшатноктару ваҳшатзотар буданду хоҳанд шуд. Ба иловаи ин, вақте терроризму экстремизм густариш меёбад, ҳар сокини сайёра дар гӯшаи бас амни кишвараш низ эҳсоси хавфу хатар хоҳад намуд. Дар ин ҳолу вазъи мураккаби ҷаҳон дигар умед ба зиндагии осоишта намемонад.

Башар имрӯз хуб дарёфтааст, ки роҳандозии сиёсатҳои нодуруст, ҳирсу тамаъҷӯӣ, қудратхоҳиву намоиши тавоноӣ, зулму ситад ба ҳалокати инсонҳои рӯи дунё ва маҳви кураи Замин оварда мерасонад.
Тамоми васоити ахбори омма дар ҷаҳон аз ин хусус менависанду мегӯянду намоиш медиҳанд, то садду монеи густаришашон бишаванд, аммо натиҷаҳои назаррас камтар ба даст меоянд. Дар тамоми қитъаҳои олам, махсусан дар Осиёву Африқо ва Аврупову Амрико, одамони бегуноҳ қариб ба ҳар рӯз қурбони ҷиноятҳои террористӣ мегарданд. Дигар возеҳу ошкор мебошад ва наметавон пинҳон кард, ки дар пушти ин амалҳову ҷиноятҳо киҳо ҷой доранду чӣ мехоҳанд. Ҳеҷ ҳаракату гурӯҳҳои ҷангҷӯву террористӣ бе пуштибониву дастгирии хоҷагони худ кореро ба анҷом намерасонанд. Муаммоҳои зиёди сарбастаи нокушуда дар арсаи байналмилалӣ вуҷуд доранд, ки таърифи ягонаи «терроризм»-у «террорист»-ро душвор мегардонад. Ба таъкиди Сарвари давлат Эмомалӣ Раҳмон «ин ҳолат ба истифодаи меъёрҳои дугона ва духӯрагиву гуногунфаҳмиҳо мусоидат карда истодааст».
Мавриди зикри махсус мебошад, ки Тоҷикистон ба эътирофи маъруфтарин коршиносони сатҳи байналмилалӣ бо сарварии Эмомалӣ Раҳмон дар мубориза бо терроризму экстремизм фаъолу пешоҳанг аст. Президенти кишвар, барҳақ, чанд сол пештар ҷомеаи ҷаҳониро аз густаришу оқибатҳои фоҷиабори ин зуҳуроти номатлуб огоҳ карда буданд. Абарқудратон бо неруву тавоноии сиёсиву иқтисодиву ҳарбиву фарҳангие, ки доштанд, он замон хавфу хатари терроризму экстремизмро камтар эҳсос менамуданд. Баъдҳо дарёфтанд, ки зарари кишварҳои бузург аз ин зуҳуроти даҳшатзо бузургтару бештар хоҳад буд.
То ба ҳанӯз рӯйпӯш кардан мехоҳанд, ки ин гурӯҳҳову ҳаракатҳоро киҳо тавлид ва дастгирӣ намудаанд. Ва ҳам аз ҷониби кадом хоҷагон тарҳҳои муборизаҳои шадид кашида мешаванд. Барои мубориза бо терроризму экстремизм ва амалҳои ҷиноятии гурӯҳҳову ҳаракатҳои террористиву экстремистӣ, аз ҷумла бояд пеши роҳи гардиши ғайриқонунии маводи мухаддир ва суистифодаи низомҳои молиявӣ гирифта шаванд. Инчунин, ҳамаи давлатҳо бояд уҳдадориҳои худро дар ин росто ва ҳалли мушкилоти мавҷуда дар чаҳорчӯби ҳуқуқи байналмилалӣ иҷро намоянд. Ин нукта дар Конфронси сатҳи баланд таҳти унвони «Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи  мухаддир ва ҷиноятҳои муташаккил», ки дар шаҳри Душанбе - пойтахти Ҷумҳурии Тоҷикистон баргузор гардид, таъкид шуд. Албатта, вақт собит хоҳад сохт, ки, махсусан, абарқудратон ва гурӯҳҳои манфиатхоҳ дар сатҳи баланд то кадом андоза ин нуктаҳои муҳимро ба инобат мегиранд ва дар амалисозии онҳо ба хотири пешгирии густариши терроризму экстремизм мусоидат менамоянд.
Имрӯз терроризму экстремизм дар шаклҳо ва либосҳои гуногун зуҳур мекунад, ки нахуст барои мубориза бо онҳо шинохташон бисёр зарур мебошад. Танҳо дар ин сурат роҳу шеваҳои мубориза бо он самараи дилхоҳ медиҳад. Сарвари давлат ба раҳнамоии шаҳрвандони кишвар ва ҷомеаи ҷаҳонӣ дар ин маврид барҳақ иброз доштанд: «Мо бояд ҳамеша дар назар дошта бошем, ки терроризм ва террористро ба худӣ ва бегона, ашаддӣ ва ислоҳгаро ё хубу бад ҷудо кардан мумкин нест. Баръакс, тавре ки ман борҳо таъкид намуда будам, террорист ватан, дин, мазҳаб ва миллат надорад. Зуҳуроти терроризм ба суботу амнияти кураи Замин хавфу хатари бениҳоят зиёд дорад».
Ба пиндори ин ҷониб ҳимояи сарҳади афкору андешаҳо аз ҳимояи ин сарҳад бо ҳама дарозиву паҳноияш мураккабтар мебошад. Чунонки пештар зикр шуд, ин вабои аср имкони убури ҳар гуна сарҳадро пайдо карда ва роҳҳову шеваҳои муборизаро дигар намудааст.
Ба иловаи ин, бо таъкиди Президенти кишвар «баъзе созмонҳои байналмилалӣ аз ҷониби як қатор доираҳо ва давлатҳову фондҳо ошкоро маблағгузорӣ гардидани созмонҳои террористиву ифротгаро, поймолшавии ҳуқуқи инсон, аҳволи тоқатфарсо ва дар роҳи муҳоҷират дар баҳрҳо ғарқ шудани ҳазорон нафар гурезаҳо, аз ҷумла занону кӯдаконро нодида мегиранд».
Муайян гардидааст, ки мубориза бо ин зуҳуроти номатлубу даҳшатзо фароҳамоварии фазои эътимоду бовар, эҳтироми манфиатҳои ҳамдигар ва иттиҳоди ҳамаи кишварҳои ҷаҳонро хостор мебошад. Ҳамзамон, мардум, хоса насли наврас ва ҷавонон бояд дуруст тарбия биёбанд ва зираку ҳушёр ба воя бирасанд.
Мо даврони муборизаи шадид бо ин зуҳуроти даҳшатноку нафратоварро ҳанӯз  солҳои аввали 90-уми асри гузашта, аз сар гузарондем. Даҳҳо ҳазор талафоти ҷонӣ ва дигар  амалҳои тахрибкорона дар ин ҷанги шаҳрвандӣ ва солҳои баъдӣ барои ҳар кадоми мо сабақест. Андак ғафлат, ноогоҳӣ, ношукрӣ аз фазои ороми кишвар, соҳибистиқлолӣ ва манфиатҷӯӣ дар ин мубориза бо шикаст рӯбарӯямон месозад. Мубориза бо ин зуҳурот вазифаву рисолати ҳар шаҳрванд маҳсуб меёбад, зеро аз ин хавфу хатар ҳеҷ кас дар амон буда наметавонад. Пештар ҳар нафар аз худ мепурсид, ки имрӯз чӣ хидмате ба мардум кардааст. Ҳолиё ба иловаи он бояд аз худ бипурсем, ки барои ҳифзу ҳимояи амният, ваҳдати миллӣ, сулҳу субот, волоияти қонун ва оромиву осудагии кишвари маҳбубамон ва мубориза бо зуҳуроти даҳшатзо, садду монеи ин вабои аср чӣ кардем?
Дар баробари пурсиш посухамон бо шинохти вазифа ва рисолати инсониву шаҳрвандӣ бояд мусбат бошад.
Абдулқодири РАҲИМ,
«Ҷумҳурият»


Баёни ақида (0)    Санаи нашр: 14.06.2019    №: 112    Мутолиа карданд: 223

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед