logo

иқтисод

МАҲСУЛОТИ ПЛАСТИКӢ. АЗ ВОРИДОТ БА СОДИРОТ

Солҳои ахир соҳаи кимиёи кишвар бо суръати баланд рушд меёбад. Корхонаҳои соҳа истеҳсоли намудҳои нави маҳсулоти мавриди ниёзи бозори дохилӣ ва содиротиро ба роҳ мондаанд.

Маҳсулоти пластмассӣ дар иншооти обрасонӣ, коммуналӣ, биноҳои маъмурӣ ва истиқоматӣ, хоҷагии қишлоқ, корхонаҳои саноатӣ, сохтмон ва рӯзгор васеъ истифода мешаванд. Онҳо назар ба маҳсулоти металлӣ аз ҷиҳати вазни сабуку муҳлати истифодаи зиёд, хароҷоти кам ҳангоми васлкунӣ, тобоварӣ ба фишори баланд ва ҳарорати паст, инчунин, имконияти коркарди дуюмбора ва арзонӣ бартарӣ доранд.
Солҳои аввали соҳибистиқлолӣ қариб ҳамаи маҳсулоти пластмассӣ ба ҷумҳурӣ бо нархи гарон аз хориҷа ворид мешуд. Дар пайи тадбирҳои роҳандозинамудаи Ҳукумати кишвар оид ба таъсиси корхонаҳои хурду миёна ҳаҷми истеҳсоли маҳсулоти худии пластмассӣ дар дохили кишвар давра ба давра зиёд шудан гирифт. Айни замон «Реал», «Равзана пластик», «Садаф Пласт», «Стар - пласт» - и  шаҳри Хуҷанд, «Алфапет», «Технологияи полимер» - и ноҳияи Бобоҷон Ғафуров, «Супер пласт плюс», «Пластик Ваҳдат» - и шаҳри Ваҳдат, коргоҳҳо дар заминаи КВД «Нури Ховар» - и шаҳри Истиқлол, «Суғд - пак» - и шаҳри Бӯстон, «Барх» - и шаҳри Ҳисор, «Ромсар», «Шоҳин», «Тоҷпласт», «Нурпласт» - и шаҳри Душанбе корхонаҳои калонтарини истеҳсолкунандаи маҳсулоти пластмассианд.
Ин корхонаҳо қубурҳои пластмассии қутрашон аз 15 то 630 мм, плёнкаи полиэтиленӣ (бараш аз 0,5 то 1,5 метр), борхалтаи полипропиленӣ (бо ғунҷоиши аз 2 кило то 2 тонна), зарфҳо ва сарпӯшҳои полиэтилентрефталатӣ (бо ғунҷоиши аз 0,5 то 5 литр), полиамид (бо ғунҷоиши то 5 - 10 литр), варақаҳои пенополистиролӣ, сатилу тағораю қуттиҳои полиэтиленӣ, қуттии пластмассӣ, профилҳои пластмассӣ, қуттиҳо барои нигоҳдории воситаҳои барқӣ ва маҳсулоти зиёди дигар истеҳсол мекунанд.
Иқтидори лоиҳавии истеҳсолии солонаи ин  корхонаҳо дар маҷмӯъ, қариб 20 ҳазор тонна қубури полиэтиленӣ ва полипропиленӣ, 8,3 ҳазор тонна сатилу тағораи полиэтилению полиамидӣ, 3 ҳазор тонна профилҳои пластмассӣ, 350 тонна плёнкаи полиэтиленӣ, 10 миллион дона зарф ва сарпӯши полиэтилентрефталатӣ, 7 миллион дона борхалтаи полипропиленӣ, 2,2 миллион дона қуттии полиэтиленӣ ва 25 ҳазор метри мукааб варақаи пенополистиролиро ташкил медиҳад.
Корхонаҳои истеҳсоли профилҳои пластикӣ дар 4 моҳи соли равон ба миқдори 1710 тонна профил истеҳсол намудаанд. Дар корхонаҳои истеҳсоли қубурҳои пластикӣ бошад, дар ин муддат 894059,7 метр қубур, 14265 метри мураббаъ пенопласт, 1824,1 ҳазор дона маҳсулоти пластмассӣ ва маҳсулоти дигари пластмассии мавриди ниёзи мардум истеҳсол шудааст.
Дар корхонаҳои бузурги соҳаи химияи ҷумҳурӣ - «Корхонаи кимиёвӣ», «Колорит технолоҷӣ», «Муосир», «Тамохуш» ва «Талко Кемикал» ба маблағи 33,8 миллион сомонӣ маҳсулот истеҳсол гардид.
5 сентябри соли 2016 бахшида ба 25 - умин солгарди Истиқлолияти давлатӣ бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Ёвони вилояти Хатлон ҶДММ «Талко Кемикал» мавриди истифода қарор гирифт. Корхонаи мазкур ба истеҳсоли маҳсулоти криолит, алюминийи фтордор ва кислотаи сулфат машғул аст. Корхона бо мақсади истифодаи ашёи хоми ватанӣ барои таъмини эҳтиёҷоти КВД «Ширкати алюминийи тоҷик» пешбинӣ гардида, иқтидори лоиҳавии солонаи он 18 ҳазор тонна фториди алюминий, 12 ҳазор тонна криолит ва 100 ҳазор тонна кислотаи сулфат мебошад.
Шаҳбоз АБРОР, «Ҷумҳурият»


Баёни ақида (0)    Санаи нашр: 18.06.2019    №: 114    Мутолиа карданд: 179

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед