logo

туризм

САЙЁҲӢ. ҲУДУДҲОИ ТАБИИИ МАХСУС МУҲОФИЗАТШАВАНДА ОМИЛИ АСОСИИ РУШД

Таҷрибаи ҷаҳонӣ нишон медиҳад, ки ҳудудҳои табиии махсус муҳофизатшаванда (мамнӯъгоҳҳо, паркҳои табиӣ ва парваришгоҳҳо) на танҳо чун мавзеъҳои ҳифзу нигоҳубини олами набототу ҳайвоноти нодир, балки беҳтарин макони сайру саёҳат ба ҳисоб мераванд.
Боиси зикр аст, ки тайи солҳои ахир миёни сайёҳон туризми экологӣ, ки дар он  ҳудудҳои табиии махсус муҳофизатшаванда яке аз нақшҳои асосиро мебозанд, маъруфияти бештар касб менамояд. Инро низ таҳқиқоти анҷомдодаи сомонаи амрикоии “TripAdvisor”, ки аз рӯи натиҷаҳои соли 2018 гузаронда шуда буд,  собит месозад. Мувофиқи он, соли гузашта 30 дарсади бозори ҷаҳонии туризмро сайёҳии  экологӣ ташкил дод. Дар баробари ин, 70 дарсади пурсидашудагон  иброз доштанд, ки дар оянда маҳз ин намуди туризмро интихоб хоҳанд кард.
Бо такя ба ин далелҳо метавон гуфт, ки кишвари мо дар ин ҷода метавонад суди фаровон ба даст оварад. Зеро чуноне зимни суҳбат  муовини директори Муассисаи давлатии ҳудудҳои табиии махсус муҳофизатшаванда Убайдулло Акрамов зикр кард, масоҳати ҳудудҳои табиии махсус муҳофизатшавандаи мамлакат 3,1 миллион гектар буда, дар онҳо 4 мамнӯъгоҳи табиии давлатӣ, парки табиӣ, парки табиӣ-таърихӣ, Парки миллии Тоҷикистон, 2 филиали Парки миллӣ, 13 парваришгоҳ, 37 ёдгории табиӣ ва дигар объектҳо доман густурдаанд. Ӯ афзуд, ки айни замон дар мамнӯъгоҳҳо, паркҳои табиӣ ва парваришгоҳҳои кишвар 85 намуди ҳайвони нодир, ба монанди  озодапаланг, гурги сурх, оҳуи бухороӣ, ғизол, гӯсфанди кӯҳии бухороӣ, архар, бузи пармашох, ҷайрон, силовсини туркистонӣ, ки сайёҳон махсусан ба дидани онҳо мароқи зиёд доранд, ҳифзу нигаҳбонӣ мешаванд.
Қобили зикр аст, ки миёни ин объектҳо Парки миллии Тоҷикистон бо ҳашамату зебоӣ, ёдгориҳои таърихӣ ва набототу ҳайвоноти нодир дар Осиёи Марказӣ беназир мебошад. Ин макони афсонавӣ дар қисмати марказии Помиру Олой ҷойгир буда, масоҳаташ 2, 6 миллион гектарро ташкил медиҳад ва соли 2013 ҳамчун мавзеи нодири табиӣ ба Феҳристи ҷаҳонии ЮНЕСКО шомил гаштааст. Ва бояд гуфт, чунин мавзеъҳои зебову диданӣ дар Ватани маҳбубамон кам нестанд, ки мамнӯъгоҳҳои “Даштиҷум”, “Ромит”, “Бешаи палангон” бо табиати нотакрорашон аз ин қабиланд.
Вале, бино ба гуфтаи мудири кафедраи туризми Донишкадаи соҳибкорӣ ва хизмат Фазлиддин Қодиров, бо ин иқтидорҳои бузурге, ки дар кишвар мавҷуданд, ба ҳудудҳои махсус муҳофизатшаванда ҳамчун объекти сайёҳӣ таваҷҷуҳи зарурӣ  дода намешавад. Манзур, тармиму таҷдиди роҳҳо, ташкили пайроҳаҳои махсус, фароҳамоварии шароити мусоиди будубош ва бунёди осоишгоҳҳои табобатӣ бо истифода аз иқлим ва гиёҳҳои шифобахш мебошад. Аз ин рӯ, баҳри ҷалби бештари сайёҳон ин норасоиҳо бояд бартараф гарданд. Инчунин, дар  шароити кӯҳистон сохтмони роҳҳои танобӣ аз болои дарёҳо, кӯлҳо ва мавзеъҳои табиӣ, ки дар онҳо ҳайвоноти нодир ба сар мебаранд, манфиатбахш хоҳад буд.
Ғайр аз ин, коршиносон барои беҳтар намудани вазъи феълӣ, ҳамкории зичи  Кумитаи рушди сайёҳӣ ва Муассисаи давлатии ҳудудҳои табиии махсус муҳофизатшавандаи Ҷумҳурии Тоҷикистонро зарур медонанд. Дар баробари ин, баҳри бунёди инфрасохтори ҷавобгӯ ба талаботи муосир ҷалби сармояи дохиливу хориҷӣ муҳим арзёбӣ мегардад. Ҳамзамон, бозомӯзии кормандон ва тайёр кардани мутахассисони соҳа бояд дар мадди аввал гузошта шуда, корҳои тарғиботиву ташвиқотӣ тақвият бахшида шаванд. Танҳо бо амалӣ намудани ин тадбирҳо метавон вазъи ҳудудҳои табиии махсус муҳофизатшавандаро, ки омили асосии рушди сайёҳии экологӣ ба ҳисоб мераванд, беҳтар намуд.
Комрон ЗИКРУЛЛО, “Ҷумҳурият”


Баёни ақида (0)    Санаи нашр: 18.06.2019    №: 114    Мутолиа карданд: 305

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед