logo

иқтисод

КАШФИЁТИ ГЕОЛОГӢ ЗАМИНАИ УСТУВОРИ РУШДИ САНОАТ

Бо дастгирии пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  олимону мутахассисони соҳаи геология конҳои зиёди  канданиҳои фоиданокро кашф намудаанд. Ин конҳои маъдан заминаи мустаҳками рушди саноат маҳсуб ёфта,  барои амалисозии ҳадафи чоруми миллӣ - саноатикунонии босуръати мамлакат аҳамияти калонро доранд. 
Кормандони корхонаи воҳиди «Экспедитсияи иктишофи геологии Моғиён»-и Саридораи геологияи назди Ҳукумати Ҷумҳурии Тоҷикистон дар натиҷаи кумаку дастгириҳои давлату Ҳукумат дар  кушодани нуқтаҳои маъдандори нав натиҷаҳои чашмрас ба даст оварданд.
Корҳои иктишофию геологӣ дар доираи «Барномаи давлатии рушди соҳаи геологияи Тоҷикистон барои солҳои 2012 – 2020» мутобиқ ба нақша дар семоҳаи аввали соли ҷорӣ анҷом ёфта, аз моҳи апрел корҳои саҳроӣ - сохтмони пайроҳаҳо, тоза намудани роҳҳо, гузоштани хатсайрҳои геологӣ, кандану пур кардани хандақҳо ва гирифтани маҳакҳои ҷӯякӣ оғоз гардиданд. Маҳакҳои ҷӯякии гирифташуда дар озмоишгоҳи  корхона коркард ва дар асоси он оид ба ҳаҷми маъдани мавҷуда хулоса бароварда мешавад. Аз ҷумла, тибқи барномаи «Корҳои ҷустуҷӯию арзёбӣ дар зуҳуроти сурмаи Ривути Боло» дар ноҳияи Кӯҳистони Мастчоҳ корҳои ҷустуҷӯӣ - геологӣ хуб ҷараён доранд. Мавзеи номбурда дар баландии зиёда аз 3000 метр аз сатҳи баҳр воқеъ буда, релйефаш мураккаб аст. Дар он канданиҳои фоиданоки  сурмаю тилло муайян карда шуданд. Кормандони корхона  мехоҳанд, ки бо ин роҳ боз конҳои нави маъданро  кафш намуда,  барои пешрафт ва ғанӣ гардондани захираҳои  маъдандори тилло, сурма, нуқра ва мис дар мамлакат саҳм гузоранд.
Соли 2015 корҳо аз рӯи лоиҳаи «Омӯзиши иловагии ояндадори кони тилло,  зуҳуроти симобу сурмаи майдони маъдандори Шинг-Моғиён» дар  шаҳри Панҷакент оғоз гардида буданд. Дар натиҷаи гузарондани корҳои омӯзишӣ, дар мавзеъҳои Валанги Дароз, Оби Хундӣ ва Қароқамари шарқӣ бо дарозии 600 метр минтақаи маъдандор муайян гардид. Дар ин омӯзиши натиҷабахш саҳми олимони геолог С. Шомуродов, (сардори  гурӯҳ), Б. Абдуллоев, Ш. Қурбонов ва С.  Ҳамроқулов  назаррас аст.
Ғайр аз ин, кормандони корхона  ба иҷрои   корҳои шартномавӣ машғуланд. Мувофиқи шартнома бо ширкатҳои «Зарафшон», «ГИИНТИЗ», «Талко Голд», «Минералс» корҳо оид ба пармакунии чоҳҳо ва гузарондани корҳои таҳлилӣ ба роҳ монда шудаанд. Ин тарзи кор барои аз ҳисоби маблағҳои иловагӣ беҳтар намудани шароити зиндагии кормандон ёрӣ мерасонад. Мутахассисон, ки бо пармаҳои замонавӣ ва дастгоҳҳои муосири корӣ таъминанд, барои бо оби нӯшоӣ ва полизӣ таъмин намудани  аҳолии шаҳру деҳоти Панҷакент корҳои зиёдеро ба анҷом расонданд. Маҳз натиҷаи заҳмат ва малакаю дониши мутахассисони  КВ «ЭИГМ» буд, ки имрӯз корхонаҳои бузурги саноатии кишвар, ба монанди «Зарафшон», конҳои ангишти Шашқад, Ғезан, Канте, ҶДММ корхонаи маъдани  «Анзоб», КФД «Фон – Яғноб», ширкатҳои «Талко Голд» ва «ТВЕА» фаъолияти пурсамар намуда, барои бо ҷойи кори доимӣ таъмин намудани аҳолӣ ва ғанӣ гардондани буҷети кишвар саҳми назаррас доранд.
Сарзамини мо дорои маъданҳои зиёдест, ки барои рушди босуръати саноат имконият фароҳам меоранд. Аз ин рӯ, бо ҷалби  сармоягузорони ватаниву хориҷӣ аз ин ҳисоб бунёди  корхонаҳои нави соҳа бо  фарогирии ҷойҳои зиёди кор имконпазир аст. Ба ин хотир,  мутахассисони корхонаи  «ЭИГМ» барои кашфи конҳои нав кӯшиш мекунанд ва, албатта, заҳмати онҳо барои пешрафти кишвар самар меорад.
Ғолибҷон ШЕРАЛИЕВ, сардори КВ «ЭИГМ»


Баёни ақида (0)    Санаи нашр: 20.06.2019    №: 116    Мутолиа карданд: 220

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД

ДАР ЧИН МОҲИ АПРЕЛ БАР КОРОНОВИРУС ҒОЛИБ ОМАДАНИАНД

ТӮЛИ ЯК МОҲ ДАР АФҒОНИСТОН 200 ТОННА МАВОДИ НАШЪАДОР МУСОДИРА ШУД

ҶАҲОН ДАР ЯК САТР

12.02.2020


ҶОМИ КФО. РАҚИБИ "ХУҶАНД" КАДОМ ДАСТА АСТ?

ИСТЕҲСОЛИ МАҲСУЛОТИ САНОАТӢ 13, 6 ДАРСАД АФЗУД

АКАДЕМИЯИ ИЛМҲО. ОЛИМОН 28 ПАТЕНТ ВА 5 ШАҲОДАТНОМА БА ДАСТ ОВАРДАНД

ҲАҶМИ ИСТЕҲСОЛИ МАҲСУЛОТИ САНОАТӢ БА 1 МИЛЛИАРДУ 640 МИЛЛИОН СОМОНӢ РАСИД

ВАРЗОБ. СОҲАҲОИ ХОҶАГИИ ХАЛҚ РУШД МЕКУНАНД

ТАТБИҚИ ЛОИҲАҲОИ ОБТАЪМИНКУНӢ. ДЕҲОТ БО ОБИ НӮШОӢ ТАЪМИН МЕШАВАД


Дар сомонаҳои дигари Тоҷикистон хонед