logo

иҷтимоиёт

БОНК. САФИ БОНУВОНИ ФАЪОЛ РӮ БА АФЗОИШ ДОРАД!

Ба Бонки миллӣ зарур аст, ки тартиби арзёбии фаъолияти кормандони низоми бонкиро мукаммал гардонда, онро дар ҳамаи ташкилотҳои қарзии кишвар татбиқ намояд ва, ҳамзамон бо ин, ба тартиби гузарондани санҷиши тахассусии номзадҳо ба вазифаи кормандони роҳбарикунандаи ташкилоти қарзӣ тағйироти зарурӣ ворид намояд.
Ҳамчунин, Ҳукумати мамлакат вазифадор карда мешавад, ки низоми эъломиякунонии даромадҳо ва вазъи молумулкии мансабдорон ва кормандони мақомоти молия, андоз, гумрук, бонкҳо ва дигар хизматчиёни давлатиро мукаммал гардонад. Илова бар ин, такроран хотирнишон месозам, ки дар низоми бонкии кишвар кормандон аз ҳисоби занон бояд бештар ба кор қабул карда шаванд.
Эмомалӣ РАҲМОН

Бонки миллии Тоҷикистон ҷиҳати амалӣ гардондани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ҳангоми мулоқот бо кормандони мақомоти молия, андоз, гумрук, сармоягузорӣ ва бонкҳо доданд, тадбирҳои судманд андешида, зимни баргузории  ҷаласаҳо бо иштироки роҳбарони воҳидҳои сохторӣ, шуъбаҳои минтақавии Бонки миллии Тоҷикистон ва роҳбарони ташкилотҳои қарзӣ тамоми масъалаҳои дар вохӯрӣ зикрёфтаро мавриди баррасии амиқ қарор доданд.
Бо мақсади иҷрои дастуру супоришҳои Cарвари давлат бо фармони раиси Бонки миллии Тоҷикистон аз 20 майи соли 2019, нақшаи чорабиниҳои низоми бонкӣ ва низоми суғурта, ки дар маҷмӯъ, 56 бандро дар бар мегирад, таҳия ва тасдиқ гардид.
Дар баробари масъалаҳои муҳими низоми бонкӣ, пешбурди сиёсати пулию қарзӣ, тибқи банди алоҳидаи нақшаи чорабиниҳои мазкур  роҳбарони ташкилотҳои қарзӣ ҷиҳати баланд бардоштани мавқеи зан дар ҷомеа, алалхусус дар самти зиёд намудани шумораи кормандон аз ҳисоби бонувони соҳибтахассус муваззаф гардиданд.
Баъди таваҷҷуҳи зиёди Ҳукумати кишвар ба масъалаи мазкур ва андешидани як қатор тадбирҳо аз ҷониби Бонки миллии Тоҷикистон,  таҳлили омории шумораи умумии кормандони бонкҳои ҷумҳурӣ  нишон медиҳад, ки сафи занону духтарон дар низоми бонкӣ тамоюли афзоиш дорад. Аз ҷумла, моҳи майи соли 2019 аз шумораи умумии кормандони бонкҳои ҷумҳурӣ 5625 нафарро бонувон ташкил додаанд, ки  нисбат ба ҳамин давраи соли гузашта 5,4 фоиз зиёд мебошад.
Сафи бонувон дар ҳайати умумии кормандони бонкҳо дар моҳи майи соли 2019  33,7 фоиз, бонувони роҳбарикунанда 11 фоизро ташкил намуд.
Як нуктаро бояд зикр кард, ки шумораи бонувоне, ки дар фронт - офисҳо  кор мекунанд, нисбат ба ҳамин давраи соли гузашта 9,7 дарсад афзуд, аксарияти онҳо дар вазифаҳои хазинадор (1054 нафар), эксперти қарзӣ (761 нафар), амалиётчӣ (811 нафар), нозир оид ба назорат ва коркарди қарзҳо (150 нафар) ва мутахассис оид ба фурӯши хизматрасониҳои бонкӣ (68 нафар) фаъолият доранд.
Бо вуҷуди зиёд шудани теъдоди бонувон дар низоми бонкии мамлакат, ҳанӯз ҳам ин қонеъкунанда нест ва Бонки миллии Тоҷикистон дар ҳамкорӣ бо бонкҳо ва ташкилотҳои қарзии кишвар ҷиҳати иҷрои дастуру супоришҳои Пешвои миллат дар самти зиёд намудани шумораи бонувон дар бонкҳо андешидани тадбирҳои заруриро идома медиҳад.  Бояд гуфт, ки аз ҷониби бонкҳои ҷумҳурӣ мутобиқи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри тараққиёти иқтисодиёт ва пешрафти соҳаи бонкдорӣ тадбирҳо амалӣ мегарданд, ки дар иҷрои онҳо саҳми бонувони кишвар шоиста арзёбӣ мешавад.
Ин иқдом, дар навбати худ, ба вусъат бахшидани фаъолияти бонкӣ ва беҳтар гаштани сатҳу сифати хизматрасониҳои молиявию бонкӣ беш аз пеш мусоидат менамояд.
Ҳукумат ҳамеша ҷонибдори ибтикороти занону духтарон аст ва онҳоро ҳамаҷониба дастгирӣ менамояд. Ҳоло дар кишвари мо имконият фароҳам оварда шудааст, ки занон дар ҳама соҳаҳои ҳаёти ҷомеа баробари мардон ширкати фаъол дошта бошанд.
Бонки миллии Тоҷикистон бо мақсади ҷалби бештари бонувон дар низоми бонкӣ, ба ташкилотҳои қарзӣ дар доираи салоҳияти худ пайваста тавсия медиҳад, ки зимни қабули кормандон ва эълони озмун бештар занону духтаронро ба кор қабул ва сафи бонувонро дар низом зиёд намоянд, ки баҳри татбиқи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011 - 2020 ва иҷрои Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017 - 2022 саҳм гузошта, барои беҳбудии вазъи иҷтимоиву иқтисодӣ ва маънавии бонувон заминаи воқеӣ гузошта шавад.
Муҳаммадзоиршо ШАРИФЗОДА,
“Ҷумҳурият”


Баёни ақида (0)    Санаи нашр: 05.07.2019    №: 128    Мутолиа карданд: 260
07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД


Дар сомонаҳои дигари Тоҷикистон хонед