logo

маориф

МТМУ № 55. МАСЪУЛОН БА ВАЪДА ВАФО НАКАРДАНД

Бо сабаби зиёд шудани шумораи хонандагон ва нарасидани синфхона дар муассисаи таҳсилоти миёнаи умумии  № 55 - и деҳаи Нишони Ленини деҳоти Сарикиштии ноҳияи Рӯдакӣ, таҳсил дар чор баст ба роҳ монда шудааст. Бастҳо аз соати 7:00 то соати 19:30 давом меёбанд, ки ин вазъ волидайнро ба ташвиш овардааст.  Муассиса як солу ду сол не, балки солҳои зиёд дар чунин ҳол қарор дорад.

Сироҷ Тӯраев, собиқ директори муассиса, дар ин бора гуфт, ки бинои мактаб соли 1955 барои 260 хонанда тариқи ҳашар аз чӯбу тахта сохта шуда буд. Баъдтар, соли 1960 дар паҳлуяш бинои иловагӣ бунёд гашт. Бо мурури замон шумораи хонандагон ва эҳтиёҷот ба ҷойи нишаст зиёд гардид. Айни ҳол бинои муассиса дар ҳолати садамавӣ қарор дорад.
Тавре дар акс мебинед, намои беруни бинои мактаб таъмирдида бошад ҳам, вале дохили он манзараи ҳузнангез дошта, синфхонаҳо торику танганд ва фаршҳо шикаставу деворҳо рехта. Ашёи хониш – тахтаҳои синфӣ ва мизу курсиҳо, ки муддати тӯлонӣ ба мактабу хонандагон хидмат кардаанд, куҳнаанд ва омӯзгорон дарсро бо мушкилӣ мегузаронанд.
Муҳаррама Исматова, ки 30 сол боз дар муассисаи мазкур омӯзгор аст, норасоии ҷойи нишастро масъалаи муҳими таъсиррасон ба таҳсил ва тарбия арзёбӣ кард. Дар мактаб бо сабаби аз меъёр зиёд будани хонандагон ба ҷойи 20 – 25 нафар дар як синфхона аз 30 то 37 хонанда дарс мехонад. Агар дар як синф на зиёда аз 25 хонанда ҷой карда шавад, таълиму тарбия ва донишандӯзии толибилмон низ беҳтар мегардад. Дарсгузаронӣ бештар дар фасли зимистон ва аввали баҳор, ки боришот зиёд  мешавад, мушкил мегардад. Муассиса ҳамасола бо дастгирии волидон ва омӯзгорон то андозае таъмир карда мешавад, вале  он ҳанӯз ба талабот ҷавобгӯ нест, - гуфт М. Исматова.
Муассиса то ҳол маҷлисгоҳ, қироатхона, толори варзиш ва барои гузарондани корҳои амалӣ ва озмоишӣ аз фанҳои физика, химия, биология ва омодагии дифои ҳарбӣ асбобу анҷоми таълимӣ надорад. Китобхонаи муассиса низ то имрӯз бинои алоҳида надошта, қисме аз китобҳо дар вагон ва қисми дигар аз тангии ҷо рӯи фарш партофта шудаанд. Ғайр аз ин, ҷорӣ кардани басти чоруми таҳсил дар мактаб боиси ташвиши волидайн гаштааст. Парвина Бобоева, сокини ҳамин ҷамоат зимни суҳбат гуфт, ки ба хона дер расидани фарзандон боиси изтироби сахти волидон мешавад, махсусан дар фасли зимистон.
Абдуҷаббор Абдураҳимзода, сардори раёсати маориф, иброз дошт, ки дар ноҳия бо сабаби зиёд шудани шумораи толибилмон, дар ҳолати садамавӣ қарор доштани қисми биноҳои таълимгоҳҳо ва пайдо шудани маҳаллаҳои навбунёд кайҳо мушкили норасоии ҷойи нишаст ба миён омадааст. Ҳоло на танҳо мактаби № 55 дар ҳолати садамавӣ қарор дорад, балки 25 муассисаи шаҳраку деҳоти ноҳия дар чунин ҳоланд.
Абдуҷаббор Абдураҳимзода, иброз дошт, ки дар доираи татбиқи нақшаи чорабиниҳо таъмиру азнавсозии муассиса бояд соли 2018 ба роҳ монда мешуд. Мутаассифона, кор давоми ду сол иҷро нагардида, муҳлати бунёди синфхонаҳои иловагӣ дар назди МТМУ № 55 то чормоҳаи аввали соли 2020 мавқуф гузошта шуд. 
- Дар муассиса хонандагони панҷ деҳа, ки аз мактаб дар масофаи нисбатан дур ҷойгиранд, дониш меомӯзанд. Новобаста аз шароити  норасоии ҷойи нишаст, хонандагон пурра ба таълим фаро гирифта шудаанд. Толибилмоне ҳастанд, ки бо донишу истеъдоди баланд дар озмун ва олимпиадаҳои фаннии сатҳи ноҳиявӣ ва ҷумҳуриявӣ ҷойҳои намоёнро ишғол мекунанд, - гуфт иҷрокунандаи вазифаи директори муассиса Ҷумъагул Қурбонова.
Ба гуфтаи ӯ, бо мақсади ҳалли мушкилот ба Вазорати маориф ва илми Ҷумҳурии Тоҷикистон, мақомоти иҷроияи маҳаллии ҳокимияти давлатӣ ва раёсати маорифи ноҳия борҳо муроҷиати хаттӣ кардаанд ва ваъда гирифтаанд, ки барои таъмиру азнавсозии муассисаи таълимӣ тадбирҳои зарурӣ андешида мешаванд. Мутаассифона, масъулон ҳанӯз ҳам ба ваъдаҳои худ вафо накарданд.
Кароматулло АТО,
 «Ҷумҳурият»


Баёни ақида (0)    Санаи нашр: 08.07.2019    №: 129    Мутолиа карданд: 1455
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед