logo

иҷтимоиёт

ҚАИҚРОНӢ. БО ЯК ГУЛ БАҲОР НАМЕШАВАД!

Дар давраи шӯравӣ қаиқронӣ аз намудҳои маъмули варзиши кишвар ба ҳисоб рафта, шуҳрати зиёд дошт. Бахусус, ҳамагон аз дастовардҳои Иброҳим Ҳасанов (чемпиони СССР) ва шогирдони ӯ бародарон Юрий (чемпиони олимпӣ ва ҳашткаратаи ҷаҳон) ва Михаил Лобановҳо (чемпиони дукаратаи ҷаҳон) меболиданд. Аммо, мутаассифона, имрӯз дар арсаи ҷаҳонӣ танҳо Шаҳриёр Даминов майдондорӣ мекунаду халос, ки воқеан, ҷойи нигаронист.
БО ЯК ГУЛ БАҲОР НАМЕШАВАД
Дар ҳақиқат ҳам дар даврони соҳибистиқлолӣ ягона қаиқроне, ки ба сатҳи ҷаҳонӣ расид, Шаҳриёр Даминов аст. Ӯ соли 2015 унвони чемпиони Осиёро ба даст оварда,  баъдан дар ин мусобиқаи қоравӣ соҳиби медалҳои нуқраю биринҷӣ гардид. Соли равон бошад,  бо ғалаба дар мусобиқаи Ҷоми ҷаҳон парчами  Тоҷикистонро дар шаҳри Бҳопали Ҳиндустон парафшон намуд. Имрӯз    чашми умеди ҳама танҳо ба як нафар – ба Шаҳриёр Даминов аст. Аз ин бармеояд, ки масъулони ин идораҳо мақоли «Бо як гул баҳор намешавад» - ро фаромӯш сохтаанд.

ВАРЗИШГАРОН БО ҚАИҚ ТАЪМИНАНД
Соли 2016 таҳти сарпарастии Бонки миллии Тоҷикистон 40 қаиқ, инчунин, аз ҳисоби буҷети ҳукумати вилояти Суғд  ва Федератсияи қаиқронии кишвар 30 заврақ харида шуд. Ғайр аз ин, варзишгарони ноҳияи Вахш низ ду қаиқ гирифтанд.
- Чанде пеш бошад, бо ёрии молиявии Федератсияи байналмилалии қаиқронӣ ба маблағи 13 ҳазор евро 5 қаиқи дигар харидем, - гуфт Нодир Сафаров, котиби генералии Федератсияи қаиқронии Тоҷикистон.
Ҳамзамон, ӯ афзуд, ки имсол барои варзишгарони ноҳияи Муъминобод низ боз чор заврақи замонавӣ хоҳанд харид.

НА МАБЛАҒ ҲАСТ, НА САРПАРАСТИ ДОИМӢ
Тавре аз гуфтаҳои боло бармеояд, варзишгарон аз ҷиҳати таъминот бо лавозимоти зарурӣ  мушкиле надоранд. Пас чаро дар панҷ - даҳ соли охир танҳо як нафар қаиқрони сатҳи ҷаҳонӣ тарбия ёфтаасту халос? Чӣ душворӣ гиребонгири федератсия мебошад?
- Чун солҳои пеш набудани маблағ ва сарпарасти доимӣ аз мушкили рақами яки федератсия боқӣ мондааст, - вазъиятро тавзеҳ медиҳад Нодир Сафаров. - Соли гузашта Бонки миллӣ қаиқронҳоро дар Бозиҳои Осиё сарпарастӣ намуд. Имсол бошад, барои ба мусобиқоти байналмилалӣ фиристодани варзишгарон сарпараст надорем. Зеро ҳарчанд Федератсияи қаиқронӣ ёрии молиявӣ расонад ҳам, он кофӣ нест.

АНДЕШАҲОИ КОРШИНОСОН ДОИР БА РОҲҲОИ РУШДИ ИН НАМУДИ ВАРЗИШ
Бино ба гуфтаи коршиноси булғорӣ Аднан Алиев, ки дар шаҳри Душанбе давоми як ҳафта машғулиятҳои назариявию техникӣ гузаронд, дар кишвар барои рушди қаиқронӣ тамоми шароитҳо муҳайёанд. Зеро сарзамини мо аз кӯлу дарёҳо бой аст, ки барои машқу тамрин мувофиқанд. Ҳамзамон,  истеъдодҳо низ ҳастанд. Аз ин лиҳоз, ҷавонони лаёқатмандро ҳам барои машқ ва ҳам иштирок дар мусобиқот мебоист, ки бештар ба хориҷа фиристод. Инчунин, дар сурати ҳалли ду мушкил: таъсиси пойгоҳи замонавии тамрин ва омода намудани мутахассиси сатҳи байналмилалӣ Тоҷикистон метавонад боз ба кишварҳои пешрафта дар намуди қаиқронӣ табдил ёбад.
Ба тақвияти фикрҳои ӯ коршиноси ватанӣ Сайфиддин Хуррамов афзуд, ки дар кишвар кӯл, обанбор ва дарёҳо зиёд буда, бо ҷалби сармоя дар онҳо метавон базаҳои замонавии қаиқронӣ сохт. Аз ҷумла,  барои тамрини варзишгарони хориҷӣ. Аз ин ҳисоб ҳам ба Буҷети давлатӣ ва ҳам ба буҷети федератсия маблағ ворид мешавад. Дар баробари ин, таъсиси базаҳо ба рушди сайёҳӣ низ мусоидат мекунад.
Нодир Сафаров хотиррасон шуд, ки замони шӯравӣ дастаи мунтахаби Иттиҳоди Шӯравӣ машқҳои худро дар шаҳри Сарбанд (ҳоло Леваканд)  мегузаронд. Мутаассифона, ҳоло ин ҷо аз он шароити таърифӣ ному нишон намондааст ва воқеан ҳам, набудани базаи қаиқронӣ бо инфрасохтори зарурӣ аз мушкили умда маҳсуб меёбад. Барои ҳалли ин масъала, бешак, вақт ва маблағи калон мебояд. Ба ҳар ҳол бояд кӯшид, ки қаиқронҳо солҳои наздик соҳиби базаи замонавӣ гарданд. Роҳи ҳаллашро пойгоҳи лижаронии Сафеддара нишон дод. То чи андоза аз он сохторҳои дахлдор кор гирифта метавонанд, вақт нишон хоҳад дод. Лек як чиз яқин аст, ки дастовардҳои як варзишгарро сипари  мушкилоти дар боло номбурда кардани онҳо норавост. 
Маҳмуд БАҲРОМ, «Ҷумҳурият»


Баёни ақида (0)    Санаи нашр: 11.07.2019    №: 131    Мутолиа карданд: 271
06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД


Дар сомонаҳои дигари Тоҷикистон хонед