logo

маориф

ТАҲСИЛОТИ ФОСИЛАВӢ. ЧАНД ПАҲЛУИ ЯК ПРОБЛЕМА

Яке аз шаклҳои муосири таҳсилот, ки дар ҷаҳони муосир аҳамияти вижа касб карда истодааст, таҳсилоти фосилавӣ мебошад. Ин тарзи таҳсил на танҳо барои дохилшавӣ ба донишгоҳҳои хориҷӣ, балки дар дохили Тоҷикистон низ татбиқи васеъ бояд дошта бошад.

Чун 93 дарсади ҳудуди кишвари моро кӯҳҳо ташкил мекунанд ва дар фаслҳои тирамоҳу зимистон метавон аз усули таҳсилоти фосилавӣ кор гирифт. Донишҷӯ тавассути интернет имтиҳону санҷишҳоро супорад ва вақту маблағро сарфа намояд. Ҳарчи бештар ба таълим фаро гирифтани аҳолии деҳоти дурдастро низ бо ин шакли муосири таълим таъмин намудан мумкин аст.
Мутахассисон бар он назаранд, ки таҳсилоти фосилавӣ шакли нав мебошад, ки ҳамаи сифатҳои шаклҳои мавҷударо ба ҳам мепайвандад. Ба ақидаи олими рус В. А.  Чистяков, рушди технологияҳои иттилоотии ҷаҳонӣ, такмили мунтазами сохтори онҳо ва сифати хизматрасонӣ дар замони ҳозира имкон медиҳанд, ки ҳамкории самарабахши байни субъектҳои раванди таълим бештар имконпазир гардад.
Бо назардошти рушди илму маориф ва низоми таҳсилот Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин масъала диққати махсус зоҳир намуда, иброз доштанд, ки дар шароити имрӯза раванди таълиму тадрисро бе истифодаи васеи воситаҳои техникӣ ва технологияҳои муосир тасаввур кардан ғайриимкон аст. Имрӯзҳо вақти он расидааст, ки ба усули анъанавии таҳсили ғоибона хотима бахшида, таҳсилоти фосилавӣ ба роҳ монда шавад. Дар баробари ин, самаранок ба роҳ мондани таҳсилоти салоҳиятнок ва давра ба давра ҷорӣ намудани он дар ҳамаи зинаҳои таълим талаби замон мебошад.
Баъзе муассисаҳои таълимӣ дар ин самт ба дастовардҳои муайян ноил шудаанд. Барномаи ягонаи идоракунии раванди таҳсилоти фосилавӣ дар муассисаҳои таҳсилоти олии касбии Ҷумҳурии Тоҷикистон тибқи талаботи Вазорати маориф ва илм оид ба татбиқи шакли таҳсилоти фосилавӣ, ҳамчунин, нишондиҳандаҳои дигари танзимкунандаи раванди таълим ва назорати сатҳи сифати таҳсилот омода ва мавриди истифодаи муассисаҳои таҳсилоти олии касбии кишвар қарор гирифтаанд.
Ин низом дар Донишгоҳи миллии Тоҷикистон, Донишгоҳи давлатии тиҷоратии Тоҷикистон, Донишгоҳи техникии Тоҷикистон ба номи академик Муҳаммад Осимӣ, Донишкадаи технология ва менеҷменти инноватсионӣ дар шаҳри Кӯлоб бомуваффақият ҷараён дорад. Аммо ҷараёни татбиқи шакли таҳсилоти фосилавӣ дар умум ба мушкилиҳо рӯ ба рӯ гардида, дар ин самт ташаббускорӣ байни мактабҳои олӣ ва миёна кам ба мушоҳида мерасад.
Дар ин самт мушкилоти  робита бо омӯзгор ва донишҷӯён, дар ҳама ҷо дастрас набудани шабакаи интернет, таҷрибаи ками истифода аз технологияҳои информатсионӣ аз мушкилоти асосӣ маҳсуб меёбанд.
Мақсади асосии амалигардонӣ ва рушди таҳсилоти фосилавӣ ба шаҳрвандон дар ҳама гӯшаю канори кишвар ва хориҷ аз он пешниҳод намудани шароити таълими пешрафта, баланд бардоштани дараҷаи таҳсилот аз ҳисоби истифодаи  иқтидори илмӣ ва таълимии донишгоҳҳо, академияҳо, донишкадаҳо, марказҳои такмили ихтисос ва азнавтайёркунии мутахассисон мебошад. Таҳсилоти фосилавӣ ба тамоми шахсон, новобаста аз маҳали ҷойгиршавии онҳо, барои гирифтани таҳсили босифат ва дар айни замон нисбат ба таҳсилоти анъанавӣ бо хароҷоти нисбатан кам имкон фароҳам меорад.
Дар заминаи афзалиятҳои ёдшуда, низоми таҳсилоти фосилавӣ дар Тоҷикистон зарур ва талаби замон аст.
Азамат ДАВЛАТОВ, ассистенти кафедраи ҳуқуқи
Донишгоҳи давлатии тиҷорати Тоҷикистон


Баёни ақида (0)    Санаи нашр: 15.07.2019    №: 133    Мутолиа карданд: 709

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст

Меркел бо Си Ҷинпин натоиҷи конфронси Берлин оид ба Либияро баррасӣ намуд

Солеҳ ва Трамп масъалаи аз Ироқ баровардани сипоҳи хориҷиро мавриди муҳокима қарор доданд

Котиби давлатии ИМА бори аввал ба Минск меояд

Ба сокинони Ухани бинобар хурӯҷи коронавирус тарки шаҳрро манъ карданд

Ҷаҳон дар як сатр

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад


Дар сомонаҳои дигари Тоҷикистон хонед