logo

ҳуқуқ

ҲАРАКАТ ДАР РОҲ. ТЕЪДОДИ ҚОНУНВАЙРОНКУНӢ РӮ БА АФЗОИШ АСТ

Дар шаш моҳи аввали соли ҷорӣ аз ҷониби шуъбаи Бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар шаҳри Душанбе 109620 ҳолати қоидавайронкунии ҳаракат дар роҳ ошкор шудааст, ки нисбат ба ҳамин давраи соли гузашта 2081 ҳолат зиёд аст. Аз маҷмӯи қоидавайронкуниҳо беш аз 2 миллиону 878 ҳазор сомонӣ ҷарима ситонда шудааст.

Тавре аз ШБДА РВКД дар шаҳри Душанбе ба рӯзномаи «Ҷумҳурият» иттилоъ доданд, ҷиҳати иҷрои талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва Амри Президенти Ҷумҳурии Тоҷикистон «Оид ба ошкор ва пешгирӣ намудани истифодаи ғайримақсадноки автомашинаҳои хизматии мақомоти марказӣ ва маҳаллии ҳокимияти давлатӣ» ва иштироки ронандагон дар ҳаракатҳои гурӯҳии қатораҳои тӯёна, рӯзҳои шанбе ва якшанбе чорабиниҳои мақсаднок гузаронда шуда, дар ин муддат 61 далели иштироки ронандагон дар ҳаракатҳои гурӯҳӣ ва 25 ҳолати истифодаи ғайримақсадноки автомашинаҳои корхонаву муассисаҳои давлатӣ ошкор гардид.
Ҷиҳати ба низом даровардани ҳаракати воситаҳои нақлиёти мусофирбари истифодаи умум ва дигар камбудиҳои ҷойдошта амалиётҳои мақсадноки шартии «Истгоҳ», «Пиёдароҳа», «Кироя-таксӣ», «Нелегал» ва «Микроавтобус» гузаронда шуд. Дар натиҷа аз меъёри муқарраршуда зиёд савор кардани мусофирон 10354 далел, бе иҷозатнома (литсензия) машғул шудани ронандагон ба фаъолияти мусофиркашонӣ  3078, иваз кардани хатсайр 1720, риоя накардани тартиби пушидани сарулибоси ягона 958, ҳамчунин, таваққуф ва бозистодан дар ҷойҳои муқаррарнашуда 1443 далел ошкор шуд.
Бо мақсади ба эътидол овардани вазъи экологӣ дар кӯчаю роҳҳои автомобилгарди пойтахт, ошкор ва пешгирӣ намудани ҳолатҳои аз иншооти сохтмонӣ бо чархҳои лойолуд ба роҳҳои мошингард баромадани воситаҳои нақлиёти боркаш ва махсуси сохтмонӣ, воридшавии воситаҳои нақлиёти ифлос ва бе пардаҳои ҳимоявӣ кашондани қум, шағал, хок ва дигар борҳои пошхӯранда 1198 қоидавайронкунӣ аз ҷониби ронандагони воситаҳои нақлиёти боркаш ва махсуси сохтмонӣ ошкор гардидааст.
Дар 31 корхонаву муассисаҳои нақлиётӣ низ санҷишҳои маҷмӯӣ гузаронда шуда, оид ба бартараф намудани камбудиҳои ошкоргардида ба роҳбарони корхонаҳо 21 амрнома дода шуда, барои сари вақт бартараф накардани камбудиҳо 25 роҳбари корхонаву муассисаҳои нақлиётӣ ба ҷавобгарии маъмурӣ кашида шуданд.
Дар нимсолаи аввали соли ҷорӣ дар пойтахти кишвар 110 ҳодисаи роҳу нақлиёт ба қайд гирифта шудааст, ки дар натиҷа 18 нафар ба ҳалокат расида, 107 нафар маҷрӯҳ шудаанд. Инчунин, 490 садамаи маъмурӣ низ сабт шудааст. Дар асоси таҳлили вазъи садамавӣ муайян карда шуд, ки сабабҳои асосии рух додани садамаҳо интизоми пасти пиёдагардон мебошад. Дар ин муддат 76 ҳолати пахши пиёдагардон сабт шудааст.
Бо мақсади ошкор ва пешгирӣ намудани қоидавайронкуниҳои пиёдагардон ва пурзур намудани корҳои тарғиботию ташвиқотӣ амалиёти «Пиёдагард» ва «Бачаҳо» гузаронда шуда, 22384 қоидавайронкунӣ аз тарафи пиёдагардон ошкор гардид, ки нисбат ба ҳамин давраи соли гузашта 347 ҳолат зиёд мебошад.
Масъалаи ташвишовар ин ҳодисаҳои роҳу нақлиёт бо иштироки кӯдакону наврасон мебошад. Дар ин давра, бо иштироки кӯдакону наврасон 30 садамаи нақлиётӣ содир шуда, 5 ноболиғ ба ҳалокат расида, 25 нафар ҷароҳат бардоштаанд.
Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 15.07.2019    №: 133    Мутолиа карданд: 281

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед