logo

иқтисод

ВМКБ. ЧАРО КОРХОНАЕ, КИ ДУСАД КОРГАР ДОШТ, АЗ КОР МОНД?

КВД «Матбааи вилоят» дар ВМКБ  солҳои 80 – ум  200 коргар дошту  яке аз корхонаҳои бузурги минтақа маҳсуб меёфт. Аммо чанд вақт боз ҳатто музди меҳнати кормандонро ҳам пардохта наметавонад.  Ҳоло ба ҷуз 2 – 3 навбатдор (аз ҳисоби  коркунони маъмурияти корхона) дар сехҳо касе нест. Дастгоҳҳо низ кунҷе бекор хобидаанд.

Амдин Қосимшоев, сардори муассиса,  гуфт, ки айни замон дар корхона ягон дастгоҳи чопкунии фаъол мавҷуд нест.
- Онҳо корношояманду таъмир ҳам намешаванд. Се сол пеш бо супориши Президенти мамлакат Вазорати фарҳанг барои корхонаи мо як дастгоҳи ноширӣ тақдим намуд. Вале он барои чопи рӯзнома мувофиқ  наомад ва як сол боз тамоман кор намекунад, - гуфт ӯ.
Бо чунин аҳвол қариб даҳ сол аст, ки барои нашри рӯзномаҳои шаҳрию ноҳиявии вилоят имконият нест ва роҳбарони нашрияҳо саргардон шуда,  рӯзномаҳоро дар матбааҳои шаҳри Душанбе ба чоп мерасонанд. Нашрияи мақомоти иҷроияи ҳокимияти давлатии ноҳияи Мурғоб – «Сари Кол» дар шаҳри Оши Ҷумҳурии Қирғизистон ба нашр мерасад.
Ба гуфтаи Назрулло Хайруллоев, муовини сармуҳаррири рӯзномаи  “Бадахшон”, аз кор мондани корхонаи мазкур барои нашри рӯзномаҳои вилоят монеаи ҷиддӣ эҷод намудааст.
- Мо маҷбурем, ки рӯзномаро саҳифабандӣ карда, тариқи интернет ба матбааҳои шаҳри Душанбе ирсол намоем. Ҳатто наметавонем, ки сифати нусхаи аввалинро дида, ба чопаш иҷозат диҳем. Бо ин сабаб баъзан сифати ҳуруфу аксҳо ба талабот ҷавобгӯ нест. Аммо мо имкони ислоҳ надорем, рӯзнома ба дасти мо  баъди ду рӯз мерасад.  Дар ин ҳол, албатта, бархе аз хабарҳои дар рӯзнома нашршуда  моҳияти худро гум мекунанд.  Барои мисол, рӯзномаи “Бадахшон” рӯзи чоршанбе дар  маҷмааи табъу нашри «Шарқи озод» - и Дастгоҳи иҷроияи Президенти Ҷумҳурии Тоҷикистон дар шаҳри  Душанбе ба нашр расида, рӯзи дигар бо мошинҳои мусофиркаш ба шаҳри Хоруғ фиристода мешавад. Рӯзи ҷумъа масъулони КФВД “Почтаи тоҷик дар ВМКБ” онро  ба ноҳияҳо мебаранд ва баъди як рӯз  ба идораи почтаи онҳо мерасад. Аз ин ҷо ба маркази ҷамоату деҳаҳо расидани рӯзнома боз вақти муайянро талаб мекунад. Акнун қазоват кунед, ки ин рӯзнома аз лиҳози иттилоотӣ ва фаврият чӣ арзише дошта метавонад. Бинобар ин,  зарур аст, ки барои фаъолгардонии матбааи вилоят чора андешида шавад. 
Таҳлилҳо нишон медиҳанд, ки танҳо як рӯзномаи вилоятӣ, ки бо теъдоди 3100 нусха нашр мешавад, соле ба матбаа барои чоп беш  аз 120 ҳазор сомонӣ  пардохт менамояд. Ба ин нашри  рӯзномаҳои шаҳриву ноҳиявиро зам намоем,  даромади матбаа хеле бештар хоҳад шуд. Ҳамчунин, агар чопи қисмати рӯзномаҳои ҷумҳуриявӣ барои муштариён аз ВМКБ дар ин муассиса ба роҳ монда шавад, даромади корхона меафзояд. Ҳам ҷойҳои нави корӣ таъсис меёбанду ҳам  истеҳсолот ривоҷ мегирад. Аммо боиси таассуф аст, ки ин маблағ аз ҳудуди вилоят ва ҳатто ҷумҳурӣ мебарояд. 
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 16.07.2019    №: 134    Мутолиа карданд: 490
26.11.2020


ВОХӮРИИ РУСТАМИ ЭМОМАЛӢ БО СЕРГЕЙ СОБЯНИН

НОҲИЯИ ТЕМУРМАЛИК. ТАРБИЯИ ИҶТИМОӢ ТАРБИЯИ МИЛЛАТ АСТ

СУҒД. ИТТИФОҚИ КОРГОҲҲОИ САНОАТИ САБУК ТАЪСИС ЁФТ

ДИЕГО МАРАДОНА . НОБИҒАИ ФУТБОЛ БА ДУНЁИ УЛВӢ ПАЙВАСТ

ДАР АФҒОНИСТОН АЗ ДУ ТАРКИШИ САХТ 17 НАФАР ҲАЛОК ГАШТ

ҶАҲОН ДАР ЯК САТР

25.11.2020


«ШАХСИЯТИ БУЗУРГИ ТАЪРИХСОЗ»

СУДИ ОЛИИ ИҚТИСОДӢ. ҲАМОИШИ ИДОНА БА ИФТИХОРИ ҶАШНИ МИЛЛӢ

ПАРЧАМИ ДАВЛАТӢ РАМЗИ БАХТУ САОДАТ

КФО. "ИСТИҚЛОЛ" 13 ЗИНА БОЛО РАФТ

ДАР ТОҶИКИСТОН ТЕЪДОДИ ШИФОЁБӢ АЗ COVID НАЗАР БА ГИРИФТОРӢ БЕШТАР ШУД

ҶАҲОН ДАР ЯК САТР

23.11.2020


НОҲИЯИ ФИРДАВСӢ. МУҚОВИМАТ БО КОРРУПСИЯРО ТАҲКИМ МЕБАХШАНД

ПУТИН АЗ МАНСУБИЯТИ КӮҲИСТОНИ ҚАРИЯБОҒ СУХАН КАРД

ҶАҲОН ДАР ЯК САТР

ЭРЛИНГ ҲОЛАНД "GOLDEN BOY" ШУД

ПАХТА. ИҶРОИ 97 ДАРСАДИ ДУРНАМО

НОҲИЯИ БОБОҶОН ҒАФУРОВ. НАҚШАИ ИСТЕҲСОЛИ ПАХТА БАРЗИЁД ИҶРО ШУД

БУҶЕТИ ДАВЛАТӢ – 2021. 27 МИЛЛИАРДУ 645,8 МИЛЛИОН СОМОНӢ ПЕШБИНӢ ГАРДИД

КӮЛОБ. ХӮРОК БАРОИ ДАРМОН АСТ, НА ЗИЁН

СУҒД. ДОРУҲОИ ПАСТСИФАТРО НОБУД КАРДАНД

АФШУРАИ АНОР АНГЕЗАИ COVID - РО ТО 80 ДАРСАД МАҲВ МЕКУНАД

«ТОҶИКИСТОН – 2020». ФОРУМИ БАЙНАЛМИЛАЛИИ САЙЁҲӢ

19.11.2020


ВАҲДАТ. ШАҲР ШУКУФТАН ДОРАД

16 – НОЯБР. ИН РӮЗРО ДАР СУДИ ОЛИИ ИҚТИСОДӢ БОТАНТАНА ҶАШН ГИРИФТАНД

НУРОБОД. 30-СОЛАГИИ ИСТИҚЛОЛИЯТРО САЗОВОР ИСТИҚБОЛ МЕГИРЕМ

18.11.2020


НОҲИЯИ СПИТАМЕН. НАҚШАИ ИСТЕҲСОЛИ ПАХТА 100,1 ДАРСАД ИҶРО ГАРДИД

ҶАЙҲУН. САРВАЗИР БА ДАСТРАНҶИ КИШОВАРЗОН БАҲОИ БАЛАНД ДОД

КӮЛОБ. БУНЁДИ МАЙДОНЧАИ ВАРЗИШ

ТАШРИФИ САРМОЯГУЗОРОНИ КОРЕЯ БА МОИ «КӮЛОБ»

ХИЗМАТИ ҲАРБӢ. НАҚШАИ ДАЪВАТИ ТИРАМОҲӢ ПЕШ АЗ МУҲЛАТ ИҶРО ШУД

ҶОИЗАИ НАВБАТИИ СИНАМОГАРОНИ ТОҶИК

ДЗЮДО

КИШВАРҲОИ ОСИЁ ОИД БА КАЛОНТАРИН ДАР ҶАҲОН МИНТАҚАИ ТИҶОРАТИ ОЗОД ПАЙМОН БАСТАНД

ҶАҲОН ДАР ЯК САТР


Дар сомонаҳои дигари Тоҷикистон хонед