logo

иҷтимоиёт

ТАЪТИЛИ ТОБИСТОНА. “ШИРКЕНТ” ДАРҲОИ ХУДРО БОЗ НАМУД

Фароғатгоҳи тобистонаи «Ширкент» - и КВД «Ширкати алюминийи  тоҷик» ба фаъолияти басти аввал оғоз бахшид. Мутасаддиёни лагер наврасону кӯдаконро дар фазои тантанавӣ бо ташкили як чорабинии хушу хотирмон,  шеъру таронахонӣ ва рақсу бозиҳои дилхушкунанда пазироӣ намуданд.

Музаффар Мадалиев, раиси кумитаи иттифоқи касабаи КВД “Ширкати алюминийи  тоҷик», иброз дошт, ки дар лагери “Ширкент” бо ибтикори муштараки Вазорати маориф ва илми ҷумҳурӣ ва Созмони байналмилалии “ЮНИСЕФ” пеш аз оғози мавсими истироҳат семинари ҷумҳуриявӣ баргузор гардид, ки дар он аз тамоми гӯшаю канори кишвар намояндаҳои мақомоти марбута ва сарварони лагерҳо ширкат варзиданд.
-  Зимни вохӯрӣ мутахассисони вазорату идораҳои дахлдор ва шахсони мутасаддӣ даъват шуданд, ки рафти корҳои омодагӣ, ташкили корҳои тарбиявӣ, хизматрасонии тиббӣ, риояи талаботи санитарӣ - гигиенӣ ва бехатариро таҳти назорати ҷиддӣ қарор диҳанд.  Ҳамчунин, таъкид гашт, ки роҳбарон ба масъалаҳои ҷобаҷогузорӣ ва таъмини лагерҳои истироҳатӣ бо омӯзгорони пуртаҷриба,  мураббиҳо, мутахассисони тиб, ошпазҳо, омӯзгорони фанни тарбияи ҷисмонӣ ва варзиш таваҷҷуҳи бештар намоянд, - гуфт М. Мадалиев.
Истироҳатгоҳ  дар 3 баст 900 мактаббачаро ба истироҳату солимгардонӣ фаро мегирад.  Давомнокии ҳар як баст 14 рӯз аст.
КВД «Ширкати алюминийи тоҷик» яке аз сарпарастони хонаи кӯдакони ятими шаҳри Турсунзода мебошад. Ҳамасола ширкат дар мавсими истироҳат то 100 нафар кӯдаки ятимро ба таври ройгон барои истироҳат равон мекунад.
Алҳол дар лагери «Ширкент» аз ҷониби кормандони бахшҳои зерсохтории корхона кабудизоркунӣ, таъмир, ободонӣ, таъмини хизматрасонии маишӣ ва коммуналӣ, муҷаҳҳазгардонӣ, таъмини истироҳатгоҳ бо кормандони педагогӣ ва корҳои дигар ба анҷом расонда шудаанд. Барои истироҳати бофароғати кӯдакон ва таъмини амнияти онҳо кормандони ҳифзи ҳуқуқ ва хадамоти амнияти ширкатро ҷалб кардаанд.
Истироҳатгоҳ  дар яке аз гӯшаҳои зебоманзари шаҳри Турсунзода, ки  боду ҳавои тоза дорад, ҷойгир аст. Он дорои панҷ бинои дуошёна буда, ҳар як бино 80 ҷойи хоб, китобхона, бунгоҳи тиббӣ, мошини ёрии таъҷилӣ,  духтур ва ду ҳамшираи тиб дорад. Ошхонаи фароғатгоҳ барои қабули 200 нафар дар як вақт пешбинӣ шудааст. Хӯрок дар истироҳатгоҳ  мувофиқи меъёрҳои  муқарраргардида омода карда мешавад. Кӯдакон дар як рӯз 3 маротиба хӯроки гарм ва 2 маротиба хӯроки сабуки иловагӣ  истеъмол мекунанд. Сифати хӯрок мунтазам аз ҷониби табибон  назорат карда мешавад.       
- Кормандони истироҳатгоҳ талош доранд, ки тамоми чораҳоро андешанд, то  мавсими  истироҳату солимгардонии кӯдакону наврасон хушу гуворо гузарад, - гуфт М. Мадалиев.   
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 16.07.2019    №: 134    Мутолиа карданд: 145

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед