logo

ҳуқуқ

ҲУҚУҚИ ИНСОН. ТАТБИҚИ БАРНОМАЕ, КИ МАЪРИФАТИ ҲУҚУҚИИ АҲОЛИРО ТАҲКИМ МЕБАХШАД

Бояд гуфт, ки ташаккули давлати демократӣ, ҳуқуқбунёд ва ҷомеаи шаҳрвандӣ маданияти баланди ҳуқуқиро талаб менамояд ва аз сатҳи донишу маърифати ҳуқуқии шаҳрвандон вобастагии зиёд дорад. Масъалаи мазкур мавриди таваҷҷуҳи махсуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар ин самт пайваста дастуру супоришҳои дахлдор медиҳанд. Аз ҷумла, зимни ироаи Паём ба Маҷлиси Олӣ 22 декабри соли 2016 таъкид намуданд: «Бо мақсади баланд бардоштани маърифати ҳуқуқии аҳолӣ вазоратҳои адлия, маориф ва илм, Ваколатдор оид ба ҳуқуқи инсон, Академияи илмҳо, мақомоти иҷроияи ҳокимияти давлатии вилоятҳо ва шаҳру ноҳияҳо, муассисаҳои таҳсилоти олии касбӣ ва тамоми мақомоти давлатиро зарур аст, ки корҳои фаҳмондадиҳиро дар байни аҳолӣ густариш диҳанд».

Бинобар ин, ҷаҳати амалигардонии принсипҳо, мақсаду вазифаҳои марҳилаи дуюми Барномаи умумиҷаҳонии таълим дар соҳаи ҳуқуқи инсон барои солҳои 2010 – 2014 Ваколатдор оид ба ҳуқуқи инсон  «Барномаи таълим дар соҳаи ҳуқуқи инсон барои солҳои 2013 – 2020» - ро таҳия ва амалӣ намуда истодааст, ки бо Қарори Ҳукумати Ҷумҳурии Тоҷикистон аз 3 декабри соли 2012, №678 тасдиқ шудааст.
Барнома ба тавсеа ва такмили марҳилавии низоми иттилоотӣ, маърифатӣ ва таълимӣ дар соҳаи ҳуқуқи инсон, гузаштан ба сатҳи сифатан нави тайёр кардани кадрҳо мутобиқи талаботи қонунгузории миллӣ ва стандартҳои байналмилалӣ равона гаштааст.
Мақсади асосии татбиқи барнома ин мусоидат ба баланд бардоштани маданияти ҳуқуқи инсон, риояи ҳуқуқу озодиҳои инсон ва шаҳрванд, ҳамкории байни мақомоти давлатӣ оид ба ҳифзи ҳуқуқу озодиҳои инсон ва шаҳрванд, ҷорӣ намудани омӯзиши фанни  ҳуқуқи инсон дар низоми маориф, барномаҳои таълимии судяҳо ва низоми хизмати давлатӣ мебошад.
Татбиқи барнома аз се марҳила иборат буда, марҳилаи якум солҳои 2013 – 2014, дуюм солҳои 2015 – 2018 ва сеюм солҳои 2019 – 2020 - ро дар бар мегирад. Пас аз ба итмом расидани марҳилаҳои якуму дуюми барнома моҳи марти соли ҷорӣ нақшаи чорабиниҳо барои марҳилаи сеюм тасдиқ гардида, амалӣ шуда истодааст.
Ҷиҳати татбиқ ва ҳамоҳангсозии умумии фаъолияти иҷрокунандагони  барнома дар назди Ваколатдор оид ба ҳуқуқи инсон аз ҳисоби намояндагони вазорату идораҳо, муассисаҳои таълимӣ ва дигар ташкилотҳои дахлдор Шӯрои ҳамоҳангсози байниидоравӣ таъсис ёфт.
Бо мақсади таҳия ва тасдиқи барномаҳои мақсаднок, дастурҳои методӣ оид ба иҷрои самтҳои асосии барнома ва барои амалисозии дигар чорабиниҳои пешбинишуда бо қарори шӯро шаш гурӯҳи корӣ дар самтҳои таълими хизматчиёни давлатӣ, кормандони мақомоти ҳифзи ҳуқуқ ва муассисаҳои системаи иҷрои ҷазои ҷиноятӣ, хизматчиёни ҳарбӣ, таълими судяҳо ва кормандони мақомоти судӣ, дар муассисаҳои миёнаи махсус ва олӣ, таълим дар муассисаҳои таълимии миёнаи умумӣ таъсис дода шудааст.
Дар доираи татбиқи барнома дар ҳамкорӣ бо намояндагии САҲА дар Душанбе «Мактаби ҳуқуқи инсон» таъсис дода шудааст, ки дар заминаи он бо мақсади омода намудани тренерон дар соҳаи ҳуқуқи инсон барои 15 нафар намояндагони вазорату идораҳои дахлдор як қатор тренингҳои омӯзишӣ гузаронда шуд.
Баъди ба анҷом расидани марҳилаи дуюми амалисозии барнома нақшаи чорабиниҳо оид ба иҷрои марҳилаи сеюм таҳия ва тасдиқ гардид, ки дар он баргузории як қатор тренингҳо, семинарҳои омӯзишӣ, ҷорӣ намудани курси таълимӣ оид ба ҳуқуқи инсон барои омӯзгорони фанни “Ҳуқуқи инсон”, инчунин, таҳия, тарҷума ва нашри маводи иттилоотӣ дар назар аст. Аз ин рӯ, метавон гуфт, ки татбиқи барномаи таълим дар соҳаи ҳуқуқи инсон ҷиҳати баланд бардоштани маърифати ҳуқуқии шаҳрвандон ва  бунёди ҷомеаи демократӣ, ҳуқуқбунёд ва дунявӣ мусоидат хоҳад кард.
С. РАҲИМОВ, корманди мақомоти
Ваколатдор оид ба ҳуқуқи
инсон дар Ҷумҳурии Тоҷикистон


Баёни ақида (0)    Санаи нашр: 18.07.2019    №: 136    Мутолиа карданд: 221

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР


Дар сомонаҳои дигари Тоҷикистон хонед