logo

иҷтимоиёт

НОҲИЯИ АЙНӢ. МАРҲИЛАИ НАВИ РУШДИ ДЕҲОТ

Аз ҷониби Президенти мамлакат муҳтарам Эмомалӣ Раҳмон Солҳои рушди деҳот, сайёҳӣ ва ҳунарҳои мардумӣ эълон шудани солҳои 2019 - 2021 иқдомест, ки рушди имрӯзу ояндаи деҳотро дар кишвар  такони ҷиддӣ медиҳад. Ин иқдом дар ҳар як деҳаи ноҳияи Айнӣ ҳамовозии гарму самимиро ба бор овард. Беш аз 70 деҳаи хурду калони ноҳия симои худро комилан дигар карда истодаанд.
Беш аз 60 иншоот, аз ҷумла муассисаҳои таълимӣ, бунгоҳҳои тиббӣ, марказҳои саломатию хонаҳои фарҳанг, китобхонаю чойхона, кошонаҳои ҳусн, бозорҳо ва амсоли инҳо, ки дар хизмати аҳолианд, тадриҷан таҷдиду навсозӣ мешаванд.
Муқим Муродзода, раиси ноҳия, иброз дошт, ки ҳалли масъалаҳои иҷтимоии аҳолӣ бо роҳи беҳтар кардани инфрасохтори деҳот, фароҳам овардани шароити мусоид дар соҳаҳои тандурустию маориф, бунёди корхонаҳои истеҳсолӣ ва ба ин восита, таъсис додани ҷойҳои нави корӣ аз вазифаҳои аввалиндараҷа маҳсуб меёбанд. Ба гуфтаи раиси ноҳия, ҳоло моро лозим аст, ки ба бунёду таҷдиди роҳҳои маҳаллӣ ва рушди инфрасохтори сайёҳию ҳунармандӣ диққати бештар диҳем, сатҳи хизматрасониро баланд бардошта, барои некуаҳволии мардум дар ҳар як деҳа ва маҳали аҳолинишин талош варзем.
Дар доираи нақшаи чорабиниҳо ҷиҳати сазовор пешвоз гирифтани Ҷашни 30 - солагии Истиқлолияти давлатӣ дар ноҳия бояд наздики 500 иншооти таъйиноти гуногун сохта ба истифода дода шавад. Алҳол аҳолии ноҳия дастаҷамъона барои беҳсозии деҳаҳои худ кӯшиш карда истодаанд. Устодони муассисаҳои таълимӣ, соҳибкорон ва сокинони маҳаллаи Лангари деҳаи Урметан баҳри ободии деҳа камари ҳиммат баста, беш аз 1000 метри мураббаъ  саҳни муассисаи таълимии маҳалларо бо маблағи 18000 сомонӣ сементпӯш карданд. Роҳбари ассотсиатсияи волидону омӯзгорон Музаффар Солеҳов якҷо бо волидони хонандагон ва омӯзгорон тасмим гирифт, ки дар корҳои ободонии маҳал ва муассисаи таълимӣ саҳми арзанда гузорад. Бо талошу заҳматҳои ӯ дар як муддати кӯтоҳ таъмиру сохтмони варзишгоҳ, синфхонаҳо, ошхона ва гузарондани хати оби нӯшоӣ ба анҷом расонда шуд. Пули одамгузар ва оромгоҳи деҳаро низ обод карданд. Дар деҳаи Такфони Ҷамоати деҳоти Анзоб бо ташаббуси раиси хоҷагӣ Некмуҳаммад Саидов ва раиси маҳалла Мулломунаввар Сафаров дар як муддати кӯтоҳ корҳои соҳилмустаҳкамкунӣ, таъмири роҳи мошингарди байни деҳаҳо ва чанд иншооти ҷамъиятию таълимӣ ба анҷом расонда шуданд. Сокинони деҳаи Вотаи Ҷамоати деҳоти Урметан барои таъмири оромгоҳи деҳа ва сохтмони ошхонаи мактаб 24000 сомонӣ ҷамъ оварданд ва ҳоло корҳои таъмиру сохтмон идома доранд. Сокини ҳамин деҳа Бадалмаҳмад Раҷабов дар сохтмони бунгоҳи тиббӣ ёрии амалии худро расонд. Сохтмони бунгоҳи тиббии деҳаи Пишанзаро соҳибкорон Ниёзовҳо - аз деҳоти Анзоб ба уҳда гирифтанд. Сокинони деҳаи Ревад бошанд, пули мошингузари даромадгоҳи деҳаро аз нав сохта истодаанд.
Мӯйсафеди барӯманди деҳаи Ревад Баҳориддин Амаков дар талу теппаҳои деҳаҳои Ревад ва Ёвони Ҷамоати деҳоти Урметан дар майдони 20 гектар боғ бунёд кардааст. Ба қарибӣ бо дастгирии раиси ноҳия Муқим Муродзода дар деҳаи Вота санги асоси бунёди бунгоҳи тиббӣ гузошта шуд.
Шумораи сокинони ватандӯсту хайрхоҳ, ки дар пешрафти корҳои ободонию созандагӣ саҳм гузошта истодаанд, дар деҳоти ноҳияи Айнӣ меафзояд. Айни замон дар ноҳия ба истиқболи Ҷашни 30 - солагии Истиқлолияти давлатӣ сохтмони иншооти муҳими таъйиноташон гуногун идома дорад. Дар варзишгоҳи марказии ноҳия (дорои 6000 ҷойи нишаст) то имрӯз, аллакай, бист дарсади корҳои сохтмонӣ ба итмом расидаанд. Дар боғи Парчами давлатӣ, ки дар шафати варзишгоҳ бунёд мегардад, барои истироҳату фароғати сокинон тамоми шароит фароҳам оварда мешавад. Дар деҳаи Зерободи деҳоти Дар - Дар сохтмони мактаб барои 620 нафар хонанда ҷараён дорад. Инчунин, дар шафати роҳи байналмилалии Душанбе - Чанак бо мақсади фароҳам овардани шароити мусоид барои истироҳату фароғати  сайёҳони дохилию хориҷӣ ва рушди гардишгарӣ маҷмааи меҳмонхонаҳо қомат афрохта истодааст.
Бобоҷони НУРЗОД, сокини деҳаи Вотаи ноҳияи Айнӣ


Баёни ақида (0)    Санаи нашр: 22.07.2019    №: 138    Мутолиа карданд: 252
03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР

23.06.2020


ТОҶИКИСТОН. БОЗ 44 СИРОЯТШУДА СИҲАТ ШУД

АШТ. ОҒОЗИ МУМФАРШКУНИИ РОҲИ ШАЙДОН - ПОНҒОЗ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

ТАБИБОН НИШОНАҲОИ АСОСИИ КОРОНАВИРУСРО ДАР КӮДАКОН МУАЙЯН НАМУДАНД

ЛИГАИ НАВРАСОН ФАРДО БО ИШТИРОКИ 9 ТИМ ОҒОЗ МЕШАВАД

ИҚТИСОДИ ҶАҲОНӢ АЗ ПАНДЕМИЯ КАМАШ $126 МИЛЛИАРДРО ТАЛАФ ДОД

ҶАҲОН ДАР ЯК САТР


Дар сомонаҳои дигари Тоҷикистон хонед