logo

фарҳанг

"УФУҚҲОИ ДӮСТӢ". НАМОИШИ НАВИ АСАРҲОИ ЗАУР ДАХТЕ

Бахшида ба 30 - солагии Истиқлолияти давлатӣ дар Осорхонаи миллии Тоҷикистон намоиши асарҳои аксбардори шинохтаи Тоҷикистон Заур Дахте таҳти унвони  «Уфуқҳои дӯстӣ» оғоз ёфт.  Намоиши мазкур бо дастгирии Вазорати фарҳанг ва Иттифоқи суратгирони кишвар роҳандозӣ гардидааст. Дар маросими ифтитоҳ намояндагони Дастгоҳи иҷроияи Президенти Ҷумҳурии Тоҷикистон, Вазорати фарҳанг, Академияи илмҳо, корпусҳои дипломатии муқими шаҳри Душанбе, иттифоқҳои эҷодӣ ва ҳаводорони ҳунар  иштирок доштанд.
- Заур Дахте фарзанди ду халқ мебошад. Номбурда дар Доғистон ба дунё омада, 60 сол аст, ки дар Тоҷикистони офтобии мо зиндагӣ мекунад. Ӯ дар рушди фарҳангу ҳунари тоҷик саҳми назаррас дошта,  имрӯз на танҳо дар дохил, балки хориҷи кишвар низ шуҳратёр аст. Аз ин хотир, баргузории намоиш хеле меҳим мебошад, - иброз дошт мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода.
Қисмати зиёди асарҳои суратгирро дастовардҳои кишварамон дар соҳаҳои муҳими ҳаёт, аз қабили сиёсат, иқтисод ва фарҳанг, ташкил медиҳанд. Ҳамчунин, аксҳои ба маъраз гузошташуда аз ҷараёни барномаҳои муҳими фарҳангӣ, олами нотакрори кӯдакон ва, лаҳзаҳои ҷолиби ҳаёту фаъолияти тоҷикон ривоят мекунанд.
- Тамоми аксҳои гирифтаи Заур Дахте саршор аз таровати рангҳову гармианд. Аз баъзеи онҳо ҳатто наметавон чашм канд. Дар сукути ин аксҳо эҳсосу андешаҳои амиқ инъикос гардидаанд. Сукуте дар ҳаракат… Вақте суратро наворбардори кино мегирад, ин ба як амри воқеӣ табдил меёбад, - аз тамошои аксҳо ба ваҷд омада ибрози андеша менамояд Шоири халқии Тоҷикистон Зулфия Атоӣ.
Мавриди зикр аст, ки Заур Дахте, ҳамзамон, яке аз наворбардорони маъруфи кишвар мебошад. Филмҳои ба навор гирифтаи ӯ дар чандин кинофестивалҳои байналмилалӣ соҳиби ҷоиза ва диплом гардидаанд. Мавсуф дар таҳияи зиёда аз 600 филм ширкат варзидааст. Аз ҷумла, дар бораи ҳаёт ва фаъолияти эҷодии Артисти халқии СССР, балеринаи нотакрор Малика Собирова, ду филми ҷолиб офаридааст. Филми «Малика» - аш дар Кинофестивали ҷумҳуриҳои Осиёи Марказӣ сазовори ҷоизаи махсус гардида буд. Филмҳои Заур Дахте оид ба сарнавишти шоирони бузургамон Ҳофизи Шерозӣ, Абдураҳмони Ҷомӣ, Абулқосим Лоҳутӣ, Мирзо Турсунзода,  Боқӣ Раҳимзода ва Лоиқ Шералӣ ба хазинаи тиллоии кинои миллӣ ворид шудаанд.
Фаъолияти эҷодии Дахте гуногунҷабҳа аст. Вале, дар ин миён, худи эҷодкор ба суратгирӣ мақоми хосро қоил аст. Ҳамин аст, ки тайи 20 соли охир ба аксбардорӣ диққати ҷиддӣ дода, бештар дар ҳамин самт эҷод менамояд.
Хизматҳои шоистаи ӯ дар рушди фарҳанги миллии мо бо унвони фахрии Арбоби санъати Тоҷикистон қадр шудааст.  Заур Дахте, ҳамчунин, академики Академияи мусаввирии Тоҷикистон, профессори Донишгоҳи байналмилалии таълими бунёдӣ мебошад.
М. ТАБАРӢ, «Ҷумҳурият»


Баёни ақида (0)    Санаи нашр: 22.07.2019    №: 138    Мутолиа карданд: 163

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед