logo

фарҳанг

"ДУРАХШАНДАГОН" ВА НАҚШИ ОН ДАР КАМОЛОТИ КАДРҲОИ БАЛАНДИХТИСОС

Барои тайёр намудани кадрҳои баландихтисоси ба талаботи муосир ҷавобгӯ аз ҷониби Ҳукумати Ҷумҳурии Тоҷикистон дар назди Вазорати маориф ва илм Муассисаи давлатии «Маркази барномаҳои байналмилалӣ» таъсис ёфтааст. Тавассути бурсияҳои ҳукуматӣ, ҳамасола ҷавонони зиёд барои таҳсил ба беҳтарин муассисаҳои олии кишварҳои хориҷӣ сафарбар мегарданд.
Яке аз самтҳои асосии фаъолияти марказ ин татбиқи Стипендияи байналмилалии Президенти Ҷумҳурии Тоҷикистон “Дурахшандагон” мебошад. Он ҷиҳати тайёр намудани  мутахассисони баландихтисос дар кишварҳои хориҷӣ таъсис дода шудааст. Стипендияи мазкур аз ҷониби Фонди махсуси Президенти Ҷумҳурии Тоҷикистон маблағгузорӣ мегардад. Бо дастгирӣ ва ғамхориҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи маблағҳои фонди зикргардида ҳамасола теъдоди муайяни хонандагони лаёқатманди кишварамон ба муассисаҳои таҳсилоти олӣ ва илмии давлатҳои хориҷӣ фиристода мешаванд.
Баъди хатми муассисаҳои таҳсилоти олӣ ҷавонон тибқи банди сеюми Низомномаи Стипендияи байналмилалии «Дурахшандагон», ки бо Фармони Президенти Ҷумҳурии Тоҷикистон аз 2 августи соли 2008, № 502 таъсис дода шудааст ва моддаи 24 Қонуни Ҷумҳурии Тоҷикистон “Дар бораи маориф” аз 22 июли соли 2013 ва талаботи қарордоди баимзорасида, уҳдадор мегарданд, ки пас аз хатм ба ҷумҳурӣ баргашта, аз рӯи ихтисос дар муассисаҳои давлатӣ на кам аз 5 сол фаъолият намоянд.
Ҳамзамон, тибқи талаботи низомномаи мазкур номгӯи ихтисосҳое, ки тавассути стипендия маблағгузорӣ мешаванд, дар асоси дархост ва талаботи муассисаҳои дахлдори давлатӣ тартиб дода мешаванд. Бинобар ин, Маркази барномаҳои байналмилалӣ дар ҳамкорӣ бо Вазорати маориф ва илм, Комиссияи ҷумҳуриявӣ оид ба интихоб ва тайёр намудани кадрҳо дар муассисаҳои таҳсилоти олӣ ва илмии давлатҳои хориҷӣ ва дигар вазорату идораҳои дахлдор ҳар як хатмкунандаро бо ҷойи кор таъмин менамояд. Дар ин росто, як нуктаи дигарро бояд зикр кард, ки мувофиқи банди 4 ва сархати 13 - и    Низомномаи тартиби гузарондани озмун барои ишғоли мансабҳои холии маъмурии хизмати давлатӣ, ки бо Фармони Президенти Ҷумҳурии Тоҷикистон аз 10 марти соли 2016 таҳти  № 647 тасдиқ шудааст, мутахассисони ҷавоне, ки тибқи квотаҳои давлатӣ ва ё роҳхати мақомоти давлатӣ мактабҳои олиро хатм кардаанд, ҳангоми маротибаи аввал таъйин ба мансабҳои категорияи ҳафтум бе озмун  сурат мегирад.
Дар солҳои таҳсили 2014 - 2018 аз ҳисоби Стипендияи байналмилалии «Дурахшандагон» 103 нафар муассисаҳои таҳсилоти олӣ ва илмии хориҷиро аз рӯи ихтисосҳои табиӣ - техникӣ (69 нафар), гуманитарӣ ва тиббӣ (34 нафар) хатм намуд. Миёни онҳо тахассуси соҳаҳои энергетика, кишоварзӣ, ҳолатҳои фавқулода, сайёҳӣ, сохтмони пулу роҳ ва нақбҳо, стандартизатсия, ҳавонавардӣ, бонкдорӣ, ки барои рушди иқтисодиёти миллӣ зарур ҳастанд, ҷо доранд.
Бештари хатмкардагон дар вазорату кумита ва идораҳои давлатӣ барои рушди иқтисодиёти кишвар саҳми худро гузошта истодаанд.
Ҳамзамон, баҳри рушди соҳаи фарҳанг бо дастуру супориши Пешвои миллат муҳтарам Эмомалӣ Раҳмон аз 4 апрели соли 2016 аз рӯи ихтисоси вокал Шорух Юнусов дар Консерваторияи Милан ба номи Ҷузепе Вердеи Ҷумҳурии Италия аз ҳисоби Стипендияи “Дурахшандагон” ба таҳсил фаро гирифта шуд. Боиси ифтихор аст, ки Ш. Юнусов якумин донишҷӯи ин муассисаи бонуфуз аз минтақаи Осиёи Марказӣ мебошад.
Инчунин, аз ҳисоби стипендияи мазкур Субҳон Одинаев, Имом Мираҳмади Шарофиддин ва Ризо Баҳромзод зинаи магистратураро дар соҳаи физикаи ядроӣ хатм намуда, дар Академияи илмҳои Ҷумҳурии Тоҷикистон фаъолият намуда истодаанд.
Ф. ПИРАКОВ, муовини директори маркази барномаҳои байналмилалӣ


Баёни ақида (0)    Санаи нашр: 30.07.2019    №: 145    Мутолиа карданд: 231

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед