logo

иқтисод

НОҲИЯИ НОСИРИ ХУСРАВ. ФАРДО АЗ ИМРӮЗ БЕҲТАР ХОҲАД ШУД

17, 2 дарсад афзоиш ёфтани ҳаҷми истеҳсоли маҳсулот дар ноҳия яке аз натиҷаҳои хуб дар нимсолаи аввали соли 2019 маҳсуб меёбад. Корхонаҳои саноатӣ ангуштшумор бошанд ҳам, тавонистанд дар ин давра аз ҳисоби коркарди пахта, истеҳсоли нон ва маҳсулоти нонӣ, гӯшт ва орд ба маблағи 7 миллиону 558, 3 ҳазор сомонӣ маҳсулот тавлид намоянд. Аз чунин нишондиҳандаҳои мусбат бармеояд, ки мақомоти иҷроияи маҳаллии ҳокимияти давлатии ноҳия ва масъулони ташкилоту идораҳо баҳри пешрафти соҳаҳои афзалиятнок фаъолияти пурсамар анҷом медиҳанд.

Сохтмон ободкорист
Симои шаҳраку деҳоти ноҳияи Носири Хусрав бо қомат афрохтани биноҳои хуштарҳу замонавӣ рӯз ба рӯз  зеботар шуда истодааст. Ба гул-гулшукуфии ноҳия иқдоми пешгирифтаи Сарвари давлат муҳтарам Эмомалӣ Раҳмон оид ба Солҳои рушди деҳот, сайёҳӣ ва ҳунарҳои мардумӣ эълон доштани солҳои 2019-2021 ва иҷрои корҳои омодагӣ барои истиқболи сазовори Ҷашни 30 - солагии Истиқлолияти давлатӣ такон мебахшанд.
Бо мақсади иҷрои Амри Президенти Ҷумҳурии Тоҷикистон аз 22 майи соли 2018 дар ноҳия дар доираи татбиқи нақшаи чорабиниҳо таъмир ва сохтмони 44 иншоот, бунёди муассисаҳои томактабӣ ва марказҳои савдою  хизматрасонӣ, муассисаҳои фарҳангию тандурустӣ, навсозии роҳҳои маҳаллӣ, таъмири хати барқ, об ва амсоли инҳо дар назар аст. Сохтмончиёни ноҳия аз ҳисоби ҳамаи манбаъҳои маблағгузорӣ, аз ҷумла буҷетӣ, соҳибкорони маҳаллӣ, фондҳои асосӣ ва маркази татбиқи лоиҳаи идоракунии захираҳои обии водии Фарғона, дар маҷмӯъ, бо харҷи 4 миллиону 230 ҳазор сомонӣ ба андозаи 1000 метри мураббаъ хонаҳои истиқоматӣ сохта ба истифода доданд. Айни замон дар назди шуъбаи сохтмони асосӣ бунёди 3 иншоот дар нақша аст - майдони варзиш барои 3000 ҷойи нишаст, хонаи истиқоматии 12 - ҳуҷрадор барои хизматчиёни давлатӣ ва беморхонаи марказӣ. Маблағи умумии сохтмони майдони варзиш 8 миллион сомонӣ буда, дар соли 2019 ҳамагӣ 100 ҳазор сомонӣ маблағ ҷудо гардидааст ва, аллакай, корҳои бетонӣ дар таҳкурсии бино ба анҷом расиданд. Дар сохтмони хонаи истиқоматӣ барои хизматчиёни давлатӣ бошад, корҳо босуръат давом доранд. Соли 2019 танҳо аз ҳисоби буҷети маҳаллии ноҳия барои идомаи сохтмони бинои мазкур 1 миллион сомонӣ ҷудо гардида, давоми шаш моҳи соли ҷорӣ 313 ҳазор сомонӣ аз худ карда шудааст. Барои ба анҷом расондани корҳои лоиҳакашӣ дар беморхонаи марказӣ 30 ҳазор сомонӣ маблағ ҷудо гардид.

Беҳсозии инфрасохтори сайёҳӣ
Ноҳия бо табиати зебо ва Чилучорчашмаи машҳури худ миёни мардуми ҷумҳурӣ ва берун аз он овозадор аст. Маҳз чунин мавзеъҳои сайёҳӣ дар минтақаҳои кӯҳистон асоси ғанӣ гардондани буҷети маҳаллӣ маҳсуб мешаванд. Тибқи иттилои шуъбаи рушди иҷтимоӣ ва робита бо ҷомеаи дастгоҳи раиси ноҳия, дар панҷ моҳи соли равон ба ноҳия 2 ҳазору 417 нафар сайёҳи дохилию хориҷӣ ташриф овард. Шумораи сайёҳон сол ба сол зиёд шуда, зарурати ҳарчи беҳтар сохтани инфрасохтори сайёҳӣ ба миён омадааст. Таъсиси марказҳои иттилоотӣ, таҳия ва насби харитаҳои сайёҳӣ дар даромадгоҳи ноҳия, ташкили ишораҳои сарироҳӣ, таъсиси мағозаи фурӯши армуғон, ҳифзи мавзеъҳои таърихӣ ва бо сертификати ҳуқуқи истифодаи замин таъмин намудани онҳо, ҳамчунин, омода кардани лавҳаҳои матбуотӣ бо се забон дар  назди ёдгориҳои таърихиву фарҳангию мавзеъҳои сайёҳӣ ва таъсиси ширкатҳои сайёҳӣ, аз зумраи корҳоеанд, ки масъулони соҳа барои амалисозии онҳо тадбирҳо андешида истодаанд.

Истифодаи замин
Азбаски иқлими ноҳия барои зиёд кардани заминҳои кишоварзӣ ва боғот мусоид аст, муроҷиати бештари шаҳрвандон низ ба гирифтани қитъаи замин рабт дорад. Дар ноҳия 81109 гектар замин, аз ҷумла 6722 гектар замини корами обӣ, мавҷуд аст. Кормандони кумитаи идораи замини ноҳия дар нимсолаи аввал якҷо бо мутахассисон ва заминсозони ҷамоатҳои деҳот барои истифодаи мақсадноки замин кишти зироатҳои хоҷагии қишлоқ, аз ҷумла кишти картошка ва кишти такрорӣ, ғайр аз ин,  боғҳои солҳои пеш ва нав бунёдшударо санҷида, 155 ҳолати вайронкунии қонунгузории заминро ошкор карданд. 109 қонуншикан барои бе ҳуҷҷат истифода бурдан, босамар истифода набурдани замин ва илова кардани қитъаи замин ба хоҷагиҳои деҳқонӣ ҷазои мувофиқ гирифт. Ба гуфтаи Эмомалӣ Самадзода, раиси кумитаи идораи замини ноҳия, ба гардиши кишоварзӣ даровардани заминҳое, ки аз сабаби корношоям будани пойгоҳҳои обкашӣ бекор хобидаанд, ба зиёд шудани маҳсулоти кишоварзӣ ва содироти он ба хориҷи кишвар мусоидат мекунад. Алҳол дар ноҳия 463 гектар замин аз гардиши кишоварзӣ берун аст. 
Оҳистамоҳ ВАФОБЕК, “Ҷумҳурият”


Баёни ақида (0)    Санаи нашр: 30.07.2019    №: 145    Мутолиа карданд: 238
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед