logo

туризм

ДУШАНБЕ. АВВАЛИН БОР ФОРУМ ВА НАМОИШГОҲИ САЙЁҲӢ БАРГУЗОР МЕШАВАД

Дар шаҳри Душанбе таҳти сарпарастии президенти Федератсияи футболи Тоҷикистон Рустами Эмомалӣ аз 8 то 10 августи соли 2019 нахустин форум ва Намоишгоҳи байналмилалии сайёҳии «Тоҷикистон – 2019» баргузор мегардад.
Дар он намояндагони Ҳукумати Ҷумҳурии Тоҷикистон, мақомоти соҳавии кишварҳои ҳамшарик, ташкилотҳои байналмилалӣ, аз ҷумла Созмони ҷаҳонии сайёҳӣ, ширкатҳои сайёҳии ватанию хориҷӣ, меҳмонхонаҳо, осоишгоҳҳо, истироҳатгоҳҳо ва коршиносони дохилию байналмилалӣ ширкат меварзанд. Айни ҳол иштироки худро дар чорабинӣ намояндагони 25 кишвар тасдиқ намуданд. Дар назар аст, ки зимни чорабинӣ байни ширкатҳои сайёҳии ватанӣ ва хориҷӣ 30 созишнома ба имзо расад.
Ҳадафи чорабиниҳо муаррифии имкониятҳои сайёҳии Тоҷикистон, баимзорасонии созишномаҳо ва ҷалби сармоя ба рушди инфрасохтори соҳа мебошад.
Ҳамоиш дар чор панел дар мавзӯъҳои алоҳида ҷараён мегирад. Аз ҷумла, дар панели якум – «Ҷалби сармоя ба инфрасохтори сайёҳӣ, сайёҳӣ – омили муҳими густариши робитаҳо» масъалаҳои кушода будани дарҳои Тоҷикистон барои сармоягузороне, ки ба соҳаи сайёҳӣ ва инфрасохтори он таваҷҷуҳ доранд. Ҳамчунин, беҳтар кардани инфрасохтор ва хизматрасонии соҳа, ҳамкории минтақавӣ, татбиқи лоиҳаҳои инфрасохторӣ дар деҳот ва мавзеъҳои ҷолиби сайёҳӣ, имтиёзҳои андозию гумрукии соҳаи сайёҳӣ дар Тоҷикистон баррасӣ мегарданд.
Мавзӯи панели дуюм - «Сайёҳии экологӣ, кӯҳнавардӣ ва фарҳангию - таърихӣ» буда, дар он мусоидат ба рушди бемайлони сайёҳии экологӣ, кӯҳнавардӣ ва фарҳангию таърихӣ, имкониятҳо барои густариши сайёҳии экологӣ ва таърихию фарҳангӣ, мушкилоти ҷойдошта дар рушди сайёҳии экологӣ, иқтидорҳои сайёҳии кӯҳнавардӣ, гуногунии биологии табиат ва иқлими Тоҷикистон, рушди инфрасохтори саёҳати кӯҳӣ ва экологӣ матраҳ хоҳанд шуд.
Панели сеюм ба мавзӯи «Сайёҳии табобатӣ, солимгардонӣ ва рекреатсионӣ» бахшида мешавад. Дар он масъалаҳои истифодаи самараноки обҳои минералӣ ва шифобахш, гиёҳҳо ва иқтидорҳои табобатии мамлакат, муаррифии саёҳати табобатӣ ва нишондодҳои осоишгоҳҳои кишвар, роҳҳои ҷалби бештари сайёҳони хориҷӣ ба саёҳати муолиҷавӣ дар кишвар, сарчашмаҳои тиббӣ-табобатӣ дар Тоҷикистон  мавриди баррасию омӯзиш қарор дода мешаванд.
Мавзӯи панели чорум - «Рушди ҳунарҳои мардумӣ ва пайомадҳои иқтисодии он» мебошад ва дар он масоили дастгириҳои давлатӣ дар самти рушди ҳунармандӣ ва ҳунарҳои мардумӣ, армуғонҳои сайёҳӣ омили муаррифии фарҳанг ва тамаддун, ҳунармандӣ омили ба шуғл фаро гирифтани аҳолии деҳот ва дарёфти бозорҳои байналмилалӣ барои фурӯши маҳсулоти ҳунармандӣ баррасӣ хоҳанд гардид.
Дар доираи форум дар боғи фарҳангию фароғатии ба номи «Куруши Кабир» - и шаҳри Душанбе Намоишгоҳи имкониятҳои сайёҳӣ ва армуғонҳои Тоҷикистон ва кишварҳои хориҷӣ баргузор мегардад.
Ҳамчунин, барои иштирокчиёни форум ва намоишгоҳ аз мавзеъҳои ҷолиби сайёҳии Тоҷикистон инфо-тур ташкил карда мешавад.
Баргузории чорабинӣ ба рушди суръатноки сайёҳӣ дар кишвар мусоидат карда, ҳамкориҳоро бо кишварҳои хориҷӣ ва ташкилотҳои марбутаи байналмилалӣ тавсеа мебахшанд. Ин ҳам дар ҳолест, ки таваҷҷуҳи сармоягузорон ва ширкатҳои байналмилалӣ ба бахши сайёҳӣ дар Тоҷикистон дар ҳоли афзоиш аст. 
Ш. ҚУРБОН, «Ҷумҳурият»


Баёни ақида (0)    Санаи нашр: 01.08.2019    №: 146 - 147    Мутолиа карданд: 279

19.11.2019


Тасдиқи Тартиби кори шабакаи иттилоотӣ-телекоммуникатсионии интернет аз рӯи технологияи Wi-Fi

Мулоқоти Ҷамолиддин Нуралиев бо Ҷон Гинкел

Тақвияти ҳамкориҳои иқтисодӣ матраҳ гардид

Туҳфаи Рустами Эмомалӣ барои сокинони шаҳри Хоруғ

Панкратион. Паҳлавони тоҷик чемпиони ҷаҳон шуд

18.11.2019


Таҷлили Рӯзи Президент дар шаҳри Хоруғ

Ҷаласаи вазирони корҳои хориҷии Осиёи Марказӣ дар Тошканд

Масъалаи сармоягузории хориҷӣ ба низоми бонкии Тоҷикистон матраҳ гардид

Путин БРИКС - ро кафили суботи ҷаҳон номид

Чаро ИМА ва Корея машқҳои муштаракро мавқуф гузоштанд?

ХДУ ва СРУ дар вилояти Киев "яке аз сарони ДИ" - ро боздоштанд

Туркия 23 террористро ба Қирғизистон истирдод мекунад

Ҷаҳон дар як сатр

Ҷоми ҷаҳон дар Бразилия монд

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд


Дар сомонаҳои дигари Тоҷикистон хонед