logo

иҷтимоиёт

ШУҒНОН. МУШКИЛОТИ КӮЧАКИ РОҲИ КАЛОН

Аз он рӯзи даҳшатбори фуромадани сел ва бар асари он  хароб гардидани хонаву дар, боғу роғ, роҳу ҷӯйборҳои деҳоти хушманзари Барсем, Шитобоғ, Колхозободу Бердибекободи  ноҳияи Шуғнони ВМКБ 4 сол сипарӣ мегардад.

Дар ин давра барои  бартараф кардани оқибатҳои офати табиӣ корҳои зиёде анҷом дода  шуданд. Таваҷҷуҳи саривақтии Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон ба корҳои бартарафсозии оқибатҳои офат, бунёди манзилу барқарорсозии каналу ҷӯйборҳои бар асари сел  осебдида, роҳу кӯпрукҳо ба он мусоидат намуд, ки дар давоми 2 - 3   моҳи баъди ҳодиса аҳолии зарардида соҳиби хонаву дар, оби  ошомиданиву полизӣ, роҳ ва шароитҳои созгори  зиндагӣ гардиданд. Дар давоми 3 моҳ барои аҳолии аз селу обхезӣ  зарардида шаҳраки замонавӣ бо манзилҳои истиқоматӣ барои 82  хоҷагӣ, биноҳои мактаби замонавӣ барои 340 ҷой, маркази саломатӣ, нуқтаҳои фурӯши маҳсулоти ниёзи мардум, коргоҳҳои шағалу  блокбарорӣ, хатҳои обгузар ва дигар иншооти муҳим бунёд ёфтанд ва бо исрори сокинон ба хотири арҷгузорӣ ба ғамхориву заҳматҳои шабонарӯзии Пешвои миллат муҳтарам Эмомалӣ Раҳмон дар ҳаққи зарардидагон деҳаи навбунёд Раҳмонобод ном гирифт.
Дар асари офати табиӣ қариб 4 километри шоҳроҳи Хоруғ - Мурғоб низ зери обу сел хароб гардид. Бо дастури Пешвои  миллат ин қитъаи роҳ ҳам дар давоми як моҳ аз рӯи лоиҳаи муваққатӣ сохта ба истифода  дода шуд. Мутаассифона, як қисмати ин роҳ, ки аз киштзори  деҳаи Колхозобод мегузарад ва дар ибтидо масъулон онро  “муваққатӣ” унвон карда буданд, рӯи таъмир надида бошад ҳам,  ҳамоно роҳи ягонаи мошингузар аз ин мавзеъ боқӣ мондааст. Ин  ҳол барои хоҷагиҳои дар шафати роҳ қарордошта ҳам хатар эҷод  мекунаду ҳам хонаву боғу роғи онҳоро чангу ғубори аз паси  нақлиёт хеста зер намудааст. Воситаҳои нақлиёт ҳам дар чуқурчаву сангҳои аз зери хоку шағал сарбароварда шикаставу абгор  мегарданд. Қисмати дигари ин роҳ, ки доманакӯҳро убур мекунад,  дар фасли зимистон ҳангоми тармафуроиҳо ва баҳору тирамоҳ  дар асари боришоти борон хеле хатарнок  мебошад. Дар фасли зимистон мошинҳои зиёди боркаш дар ин  қисмати роҳ банд шуда, ҳам худашон зери хатари тарма  мемонанду ҳам роҳи дигар мошинҳоро банд мекунанд. Соли гузашта дар ин ҷо бо маблағи зиёд аз болои  рӯдхонаи Шорвдара пули мошингузар сохта, баҳори имсол  таҳкурсиҳои онро мустаҳкам карданд. Мутахассисе нагуфт, ки беҳтараш аз рӯи  шароиту  имконияти  мавҷуда  ин қисмати роҳро  поёнтар - дар ҷои бехавф сохта, ба роҳи пештара пайвастан беҳтар  аст. Охир, барои  роҳи муваққатӣ ин қадар хароҷот чӣ зарурат дорад?  Шояд масъулони соҳа ҳамаи бурду бохт ва  эътимоднокии ин қитъаи роҳро ҳисобу китоб карда, лоиҳаи  сохтмони онро аз рӯи тарҳи  дигар пешниҳод намоянд?
Гулаёз Рамазонов, сардори Муассисаи давлатии «Идораи хоҷагии роҳҳои автомобилгард» - и ВМКБ, гуфт, ки барои барқарорсозии  пурраи ин қитъаи роҳ ба Вазорати нақлиёти ҷумҳурӣ пешниҳод  ирсол гардида, омӯзиши чанд лоиҳа идома дорад. Бо дастгирии молиявӣ  пайдо кардани яке  аз  ин  лоиҳаҳо корҳои барқароркунии қитъа низ оғоз меёбанд. Мутаассифона, идораи  хоҷагии роҳҳои мошингарди вилоят имконият надорад, ки ин қитъаи хароҷотталаби роҳро бо  маблағҳои худӣ таъмир намояд. Зеро ба муассисаҳои нигаҳдории  роҳҳо аз буҷет барои таъмири роҳҳо дар як сол маблағи хеле кам ҷудо мегардад ва он  барои корҳои ҷорӣ ҳам нокифоя аст.
Шояд чунин ҳам бошад, вале ҳолдонҳо бар онанд, ки муассисаҳои роҳсозӣ имконияти пурра доранд, ки дасти кам  чуқуриҳои онро бо шағал пур намоянд. Хосса, дар ҳоле ки онҳо ҳамасола техникаҳои нави роҳсозӣ гирифта  истодаанд. Ин роҳ бошад, шоҳроҳ аст, на пайроҳа!
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 01.08.2019    №: 146 - 147    Мутолиа карданд: 406
27.10.2020


СУҒД. 73 КОРХОНАВУ КОРГОҲИ НАВ БА ФАЪОЛИЯТ ШУРӮЪ КАРД

ТАҒЙИРОТ ДАР ФАЪОЛИЯТИ ЖУРНАЛИСТӢ

ПАРВОЗҲОИ МУСТАҚИМ МИЁНИ ТОҶИКИСТОНУ ӮЗБЕКИСТОН БАРҚАРОР МЕШАВАНД

ҶАҲОН ДАР ЯК САТР

"СИПАР" – ҚАҲРАМОНИ ЛИГАИ КАСБИИ ФУТЗАЛ

26.10.2020


Дар Қирғизистон интихоботи парламентиро мавқуф гузоштанд

Кремл шарти ҷалби Туркияро ба музокироти Қарябоғ гуфт

Ҷавоби Путин ба рақибоне, ки интизори фанои Россия ҳастанд

Табиби олмонӣ барои табобати беморони SARS-CoV-2 ба Тоҷикистон омад

ҶАҲОН ДАР ЯК САТР

СПИТАМЕН. БУНЁДИ МАРКАЗИ ХИЗМАТРАСОНӢ ВА ЧОЙХОНАИ “РОҲАТ”

94 ҲАЗОРУ 262,2 ТОННА ПАХТА ҶАМЪОВАРӢ ШУД

ХУҶАНД. БОЗ ЯК ШУЪБАИ ТАБОБАТӢ ДАР ХИЗМАТИ МАРДУМ

22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД


Дар сомонаҳои дигари Тоҷикистон хонед