logo

барқияҳо

Барқияҳои шодбош ба унвони Президенти мамлакат

Барқияҳои шодбош ба унвони Президенти мамлакат

Сарони давлатҳо, роҳбарони созмонҳои байналмилалӣ, ходимони ҷамъиятию давлатии  мамлакатҳои хориҷӣ ва шахсони алоҳида  Президенти Ҷумҳурии Тоҷикистон Эмомалӣ Раҳмонро ба муносибати 17 - солагии  истиқлолияти Ҷумҳурии Тоҷикистон табрик намуданд.
Аз ҷумла, дар барқияи Президенти Федератсияи Русия Дмитрий Медведев гуфта мешавад:
«Эмомалӣ Шарифовичи мӯҳтарам, лутфан табрики самимонаи маро ба шарафи  иди миллии  Ҷумҳурии Тоҷикистон - Рӯзи истиқлолият бипазиред.
Муносибатҳои мамлакатҳоямон дар давоми солҳои охир  хусусияти шарокати ҳақиқии  стратегиро касб намудаанд. Ин муносибатҳо муттасил густариш ёфта, бо самтҳои нави ҳамкорӣ ва барномаҳои ҷадид ғанитар мегарданд. Натиҷаҳои  бузурги бадаст овардаамон, пеш аз ҳама  дар соҳаҳои тиҷоратию иқтисодӣ, илмию техникӣ ва ҳарбию сиёсӣ, дурустии роҳи интихобнамудаи  моро нишон медиҳанд.
Аминам, ки  мулоқоти чанд рӯз пеш дар Душанбе баргузоргардидаи мо ба  ҷараёни рушди ҳамкории дуҷониба   нерӯи тоза бахшида, ба  манфиати халқҳо ва мамлакатҳоямон хизмат хоҳад кард. Ҳамкории самарабахши Русия ва Тоҷикистон дар арсаи байналмилалӣ, аз ҷумла бо назардошти натиҷаҳои мулоқоти сарони давлатҳои аъзои СҲШ, барои таҳкими амният ва суботи вазъияти Осиёи Марказӣ ва ҷаҳон нақши муҳим хоҳад бозид.
Ба Шумо, Эмомалӣ Шарифовичи мӯҳтарам сиҳатии комил, барори кор ва ба халқи Тоҷикистон сулҳу осоиш  ва  рӯзгори фараҳмандона орзу менамоям».
Дар барқияи Президенти ИМА Ҷорҷ Буш чунин омадааст:
«Мӯҳтарам, ҷаноби Президент, аз номи халқи Амрико Шуморо ба муносибати иди миллии мамлакататон - Рӯзи истиқлолияти Ҷумҳурии Тоҷикистон самимона табрик менамоям. Тоҷикистон аз рӯзҳои аввали эълони истиқлолияташ баъди барҳам хӯрдани Иттиҳоди Шӯравӣ дар давоми 17  соли гузашта душвориҳои вазнинро паси сар карда, роҳи  пешрафти иқтисодӣ ва  шукуфоиро пеш гирифт.
Иёлоти Муттаҳида мустақилият ва  истиқлолияти миллии Ҷумҳурии Тоҷикистонро дастгирӣ намуда, барои амалӣ гардидани орзую омоли халқи тоҷик дар роҳи пешрафти иқтисодиёт ва демократия кӯмаки худро дареғ нахоҳад дошт.
Иёлоти Муттаҳида ба  ҳамкории ҳамаҷонибаи мамлакатҳоямон дар масъалаи барқарор сохтани сулҳу иқтисодиёти Афғонистон ва мусоидат ба амнияту ҳамкории мамлакатҳои Осиёи Марказӣ  баҳои баланд медиҳад».
Раиси Ҷумҳурии Мардумии Чин Ху Тсзинтао дар барқияи худ менависад:
«Шумо ва дар симои Шумо мардуми ба мо дӯсти  Тоҷикистонро ба муносибати 17- солагии  Рӯзи эълони истиқлолияти Ҷумҳурии Тоҷикистон аз номи Ҳукумат ва халқи Чин  ва шахсан аз номи худ самимона табрик намуда, нисбати Шумо орзуҳои беҳтарини худро иброз медорам.
Таҳти роҳбарии Шумо дар Тоҷикистон сулҳу созгорӣ  дар амал татбиқ гашта, муносибати байни миллатҳо торафт беҳтар мегардад, суботи вазъияти ҷомеа густариш ёфта, иқтисодиёти мамлакат тараққӣ карда ва шароити  зиндагии мардум  беҳтар мешавад. Мо ҳамчун мамлакати ҳамсоя, дӯст ва  вафодор аз дастовардҳои халқи тоҷик дар соҳаҳои гуногуни иқтисодиёти ҷумҳурӣ аз таҳти дил шод мегардем.
Муносибатҳои  Тоҷикистону Чин  дар давоми 16  соли  муносибатҳои  дипломатии мамлакатҳоямон  сол ба сол  вусъати тоза пайдо мекунанд.  Мову Шумо равобити доимӣ дорем, дар натиҷа боварию эътимодӣ сиёсии  мо ба ҳамдигар торафт мустаҳкамтар мегардад. Тоҷикистону Чин ҳамдигарро дар масъалаҳои муҳим ва ҳассос ҳамаҷониба дастгирӣ карда, ҳамкории  самарабахшро дар соҳаҳои савдо, иқтисодиёт, нақлиёт ва алоқа  густариш дода, онҳоро ба манфиатҳои ҳар ду мамлакат ва халқҳои онҳо ҳамоҳанг месозанд.
Чанд рӯз пеш сафари нахустини давлатии ман ба мамлакати Шумо анҷом ёфт. Мову Шумо дар ҷараёни мулоқоти дӯстонаю самимона дар бобати густариш додани муносибатҳои дуҷониба ва ҳалли масъалаҳои минтақавию байналмилалии мавриди  назарамон тавофуқи комил ба даст овардем.
Ман тайёрам, ки ҳамроҳи Шумо барои амалӣ сохтани натиҷаҳои  ин сафар мувофиқи  мазмуну мундариҷаи  Аҳдномаи ҳусни ҳамҷаворӣ, дӯстӣ ва ҳамкории Ҷумҳурии Тоҷикистон ва Ҷумҳурии Мардумии Чин барои равнақу ривоҷи ҳамкории мутақобилан муфид  чи дар доираи  Созмони  ҳамкории Шанхай ва чи  созмонҳои дигари байналмилалӣ бо мақсади бемайлон  густариш  додани  муносибатҳои дуҷонибаамон кӯшиш ба харҷ диҳам .
Ба Шумо, ҷаноби Президент, саломатӣ, барори кор ва ба  халқи  ба мо дӯсти тоҷик сулҳу осоиш ва шукуфоӣ орзу менамоям.
Дар барқияи Президенти Ҷумҳурии Ҳиндустон хонум Пратибха Фатил гуфта мешавад:
«Бо камоли фараҳмандӣ ҷаноби аълоҳазрат ва халқи Тоҷикистонро аз номи Ҳукумат ва мардуми Ҳиндустон ва шахсан аз номи худ ба муносибати иди миллии мамлакататон самимона табрик менамоям. Заминаи муносибатҳои  самимонаю дӯстонаи моро  мероси умумии  таърихӣ ва фарҳангии  ниёгонамон ташкил медиҳанд. Мо қарор додаем, ки муносибатҳои дуҷонибаамонро бо роҳи равнақу ривоҷи ҳамкорӣ ба манфиати халқҳои мамлакатҳоямон вусъат бахшем. Аз ин фурсати мусоид истифода бурда ба ҷаноби аълоҳазрат саломатию хушбахтӣ ва ба халқи бо мо дӯсти Тоҷикистон рӯзгори фараҳмандона орзу менамоям. Ҷаноби аълоҳазрат эҳтироми олии  самимонаи маро қабул намоед».
Ба унвони  Президенти  ҷумҳурӣ  Эмомалӣ  Раҳмон инчунин аз номи Президенти Ҷумҳурии Федероли Олмон, Хорст Келлер, Президенти Ҷумҳурии Куриё Ли Мунг Пак, Президенти Ҷумҳурии Белорус Александр Лукашенко, Президенти Ҷумҳурии Қазоқистон Нурсултон Назарбоев, Президенти Ҷумҳурии Австрия  Хайнс Фишер, Президенти Ҷумҳурии Лаҳистон  Лех Качински, Президенти Ҷумҳурии Хорватия  Стипе Месича, Президенти Ҷумҳурии Индонезия доктор Сусило Бамбанг Юдхойоно, Президенти Ҷумҳурии Булғористон Георгий Пирванов, Имоми  исмоилиёни ҷаҳон Оғохони  чорум, Президенти Ҷумҳурии Ӯзбекистон Ислом Каримов, Президенти Туркманистон Қурбонгулӣ Бердимуҳаммадов, Шоҳи Белгия  Алберти  сеюм, Шоҳи Ҷопон Акихито, Президенти Украина Виктор Юшенко, Муншии умумии СММ  Пан Ги Мун,  иҷрокунандаи вазифаи Президенти Ҷумҳурии Исломии Покистон Муҳаммадамини Сумро ва дигарон барқияҳои шодбош расиданд.


Баёни ақида (0)    Санаи нашр:    №:    Мутолиа карданд: 2671
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед