logo

иҷтимоиёт

ПАРДОХТҲОИ ҒАЙРИНАҚДӢ - ОМИЛИ ИНКИШОФИ МОЛИЯВӢ

Ҳукумати Ҷумҳурии Тоҷикистон ба рушди низоми кортҳои пардохт таваҷҷуҳи махсус зоҳир намуда, ҷиҳати татбиқи низоми ҳисоббаробаркуниҳои ғайринақдӣ (харидуфурӯш) дар марказҳои савдову хизматрасонӣ як қатор чораҳоро амалӣ месозад.
Тибқи иттилои Бонки миллӣ, дар шашмоҳаи аввали соли ҷорӣ шумораи банкоматҳо 698 ва терминалҳои электронӣ ба  4903 адад расид. Дар нуқтаҳои пешниҳоди пули нақд 1642 ва дар муассисаҳои савдову хизматрасонии кишвар 3261 терминали электронӣ дар хизмати мизоҷонанд.
-  Амалиётҳои ғайринақдӣ яке аз масъалаҳои асосӣ буда, Бонки миллӣ барои иҷрои дастуру супоришҳои Сарвари давлат муҳтарам Эмомалӣ Раҳмон ва Қарори Ҳукумати Ҷумҳурии Тоҷикистон «Оид ба тадбирҳои вусъат додани ҳисоббаробаркунии ғайринақдӣ тавассути кортҳои пардохтии бонкӣ» тадбирҳои зарурӣ андешида истодааст, - гуфт Ҷамшед Нурмуҳаммадзода, раиси Бонки миллӣ, зимни натиҷагирӣ аз фаъолияти ин ниҳод дар нимсолаи аввал.
Тибқи қарори мазкур ва тағйиру иловаҳо ба моддаи 615 - и Кодекси ҳуқуқвайронкунии маъмурии Ҷумҳурии Тоҷикистон, шурӯъ аз 1 январи соли 2017 насби POS-терминалҳои электронӣ барои ҳисоббаробаркунӣ дар тамоми муассисаҳои савдою хизматрасонӣ, ки масоҳати толори фурӯшашон зиёда аз 40 метри мураббаъро ташкил медиҳад, ҳатмӣ гардид. Мақсад аз ин иқдом танҳо насби POS-терминалҳо набуда, балки зиёд намудани амалиётҳои молиявӣ тавассути кортҳо аст.
Ҷамшед Нурмуҳаммадзода иброз дошт, ки айни замон “Амонатбонк”, «Спитамен бонк», «Душанбе сити», “Алиф сармоя”, “Ҳумо” ва дигар ташкилотҳои қарзии кишвар дар асоси Қонуни Ҷумҳурии Тоҷикистон “Дар бораи фаъолияти бонкӣ” бо мақсади зиёд намудани ҳисоббаробаркуниҳои ғайринақдӣ хизматрасониҳоро тавассути технологияҳои муосири пардохт, ба монанди бонкдории мобилӣ, интернетбонкинг ва интиқоли маблағҳои электронӣ, ҷорӣ намудаанд. Татбиқи технологияҳои интиқоли маблағҳои электронӣ тамоюли нав дар низоми бонкӣ буда, ташкилотҳои қарзӣ чунин усули пардохтҳои ғайринақдиро аз соли 2018 ба муштариёни худ пешниҳод менамоянд. 
Тибқи маълумоти оморӣ, айни замон теъдоди умумии ҳамёнҳои электронии ташкилотҳои қарзӣ 401 619 ададро  ташкил медиҳад. То 1 июл тавассути ҳамёнҳои электронӣ ба маблағи 24 миллион сомонӣ 486 ҳазор пардохти ғайринақдӣ анҷом дода шуд, ки ба андешаи мутахассисон, натиҷаи хуб аст.
То 1 июл теъдоди умумии кортҳои пардохтии аз ҷониби бонкҳои ватанӣ ба муомилот баровардашуда ба беш аз 2 миллиону 418 ҳазору 900 расид, ки назар ба ҳамин давраи соли гузашта 38, 5 дарсад зиёд мебошад. Шумораи дорандагони кортҳои пардохтӣ дар муқоиса ба соли гузашта 24, 4 дарсад зиёд гардида, 2 миллиону 132 ҳазор нафарро ташкил дод. Мутаассифона, дорандагони кортҳои пардохт, ки аслан, дар доираи лоиҳаи «музди кор» хизматрасонӣ  мешаванд, кортҳои худро, аксаран, барои гирифтани пули нақд истифода мебаранд. Ҳол он ки дар баъзе марказҳои савдову хизматрасонӣ молу маҳсулотро метавон ба воситаи корт харид кард.
Тавре Бонки миллӣ иттилоъ медиҳад, дар нимсолаи аввали соли равон дар муассисаҳои савдою хизматрасонӣ тавассути воситаҳои электронии пардохт ба маблағи 367, 8 миллион сомонӣ 17, 1 миллион амалиёти ғайринақдӣ гузаронда шуд.  Бо вуҷуди нисбат ба ҳамин давраи соли гузашта 1,8 банди фоизӣ зиёд шудани амалиётҳои ғайринақдӣ, натиҷа назар ба кишварҳои ҳамсоя ҳанӯз ҳам кам мебошад.
- Бонки миллӣ барои ворид намудани тағйироти зарурӣ ба Кодекси андоз ҷиҳати пешбинии имтиёзи иловагии андозӣ ба марказҳои хизматрасонӣ ва нуқтаҳои савдо пешниҳод манзур дошт, ки ҳоло дар баррасии вазорату идораҳои дахлдор қарор дорад, - иброз дошт раиси Бонки миллӣ. - Ин меъёри иловагӣ барои ташкилотҳои хизматрасон мебошад. Яъне, тибқи ин пешниҳод бояд аз ташкилотҳои ба воситаи пардохтҳои ғайринақдӣ фаъолиятбаранда андози паст ситонда  шавад.
Яке аз афзалиятҳои пардохтҳои ғайринақдӣ осонии истифодаи онҳост. Зеро воситаҳои муосири ҳисоббаробаркуниҳо вақти муштарӣ ва фурӯшандаро сарфа менамоянд. Инчунин, таҳлилу таҳқиқоти институтҳои бонуфузи байналмилалӣ нишон медиҳанд, ки дар сурати истифодаи оммавии кортҳои пардохт ҳангоми харидуфурӯш шаффофияти иқтисодиёт таъмин гашта, воридоти андоз ба буҷет аз соҳаҳои савдову хизматрасонӣ меафзояд.
Ш. ҚУРБОН, “Ҷумҳурият”


Баёни ақида (0)    Санаи нашр: 02.08.2019    №: 148 -149    Мутолиа карданд: 266

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед