logo

ҳуқуқ

КОРРУПСИЯ. ДАР СОҲАҲОИ МАОРИФ ВА ТАНДУРУСТӢ БЕШТАР БА ОН ДАСТ ЗАДААНД

Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар самти муқовимат бо коррупсия, назорати истифодаи мақсадноки маблағҳои буҷетӣ, пешгирӣ ва ошкор намудани ҷинояту ҳуқуқвайронкуниҳои коррупсионӣ, риояи ҳуқуқу озодиҳои инсон ва шаҳрванд дар нимсолаи аввали соли ҷорӣ як қатор корҳои муҳимро ба сомон расондааст.
Бино ба иттилои Сулаймон Султонзода, директори агентӣ, воҳидҳои ҳифзи ҳуқуқи ин ниҳод дар шаш моҳи аввали соли равон 1370 ҷинояти коррупсионӣ, иқтисодии хусусияти коррупсионидошта ва ҷиноятҳои ба андоз алоқамандро ошкор намудаанд, ки 375 адади он ба гурӯҳи ҷиноятҳои вазнин шомиланд. Муфаттишони агентӣ дар ин давра 525 парвандаи ҷиноятиро ба пешбурд қабул намуда, тафтиши пешакии 373 адади онро нисбат ба 466 нафар ба анҷом расонданд. Аз шумораи умумии парвандаҳои ҷиноятии ба анҷом расондашуда 306 парванда нисбат ба 383 айбдоршаванда бо тасдиқи фикри айбдорӣ барои баррасӣ ба судҳо ирсол карда шуд.
Дар нимсолаи аввали соли равон ҷиҳати пешгирии ҷиноятҳо ва ҳуқуқвайронкунии коррупсионӣ аз ҷониби кормандони агентӣ 823 ҳуқуқвайронкунии маъмурии хусусияти коррупсионидошта ошкор ва нисбат ба шахсони ба қонуншиканиҳо роҳдода ба маблағи 867 ҳазор сомонӣ ҷарима татбиқ гардид. Ҳамзамон, ҷиҳати бартараф намудани омилҳои коррупсионӣ ва шароитҳои ба онҳо мусоидаткунанда аз ҷониби кормандони агентӣ 952 пешниҳод ирсол гардида, бо натиҷаи баррасии онҳо нисбат ба 257 нафар огоҳӣ, 244 сарзаниш, 287 танбеҳ татбиқ гардида, 111 нафари дигар аз вазифаҳои ишғолнамуда озод карда шуд.
Ҷиноятҳои коррупсионӣ, асосан, дар соҳаҳои маориф ва илм 85, тандурустӣ ва ҳифзи иҷтимоии аҳолӣ 53, ҳамчунин, нақлиёт, кишоварзӣ, меҳнат, муҳоҷират ва шуғли аҳолӣ, саноат ва технологияҳои нав, молия, инчунин, дар сохторҳои Кумитаи давлатии идораи замин ва геодезӣ 53, Кумитаи меъморӣ ва сохтмон, ШСХК «Барқи тоҷик», соҳаи бонкӣ 139, субъектҳои хоҷагидори ғайридавлатӣ 257 ва соҳибкорони инфиродӣ 265 ҳолат сабт шудааст.
Масъулони агентӣ сабаби асосии зиёд будани омилҳои коррупсиониро дар вазоратҳои маориф ва илм ва тандурустӣ ва ҳифзи иҷтимоии аҳолӣ ба он рабт доданд, ки ин ду соҳа беш аз 2,5 миллион аҳолии кишварро фаро гирифтаанд. Танҳо дар соҳаи маориф 300 ҳазор омӯзгор фаъолият мекунад. Яъне маҳз аз сабаби васеъ будани ин соҳаҳо ва зиёд будани теъдоди кормандон омилҳои коррупсионӣ низ зиёд ошкор шудаанд.
Дар натиҷаи чораҷӯии кормандони агентӣ 63 ҳолати риоя нагардидани талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон»  ошкор ва нисбат ба қонуншиканон чораҳои дахлдор андешида шуд.
Ҷиҳати иҷрои талаботи моддаи 9 - и Қонуни Ҷумҳурии Тоҷикистон «Дар бораи мубориза бар зидди коррупсия», ки хизмати якҷоя ва таъмини хешовандони наздик ба мансабҳои давлатӣ ё ба мансабҳои ба онҳо баробаркардашударо манъ намудааст, 67 ҳолати вайрон кардани талаботи қонуни мазкур ошкор шуда, барои бартараф кардан чораҷӯӣ гардид.
- Агентӣ дар ин давра 630 лоиҳаи санадҳои меъёрии ҳуқуқиро аз экспертизаи давлатии зиддикоррупсионӣ гузаронда, дар 58 лоиҳа омилҳои бавуҷудоварандаи  коррупсияро ошкор намудааст, - гуфт Сулаймон Султонзода.  
Лашкар ШАРИФЗОДА, «Ҷумҳурият»


Баёни ақида (0)    Санаи нашр: 05.08.2019    №: 150    Мутолиа карданд: 403

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР


Дар сомонаҳои дигари Тоҷикистон хонед