logo

иҷтимоиёт

ҶАЗО. НАФСИ БАД БАЛОИ ҶОН

Таъмин намудани аҳолӣ бо маҳсулоти хушсифат масъалаи муҳими рӯз ба ҳисоб меравад. Мутаассифона, солҳои охир бархе соҳибкорону тоҷирон бо ҳар роҳу восита ба бозорҳои истеъмолии кишвар маҳсулоти пастсифатро ворид карда, аз зиёни азими ба саломатии сокинони кишвар расондаашон намеандешанд. Аз ин рӯ, пас аз эродҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вохӯрӣ бо намояндагони соҳаи тандурустии кишвар (1 сентябри соли гузашта) назорати риояи қоидаҳои санитарию гигиении кишвар ва ҷавобгарии шахсоне, ки боиси ба бемориҳои гуногун мубтало гардидани одамон ё марги инсон шудаанд, сахттар гардид.
Тавре Султонмурод Бекмуродзода, сардори Хадамоти назорати давлатии тандурустӣ ва ҳифзи иҷтимоии аҳолии кишвар, гуфт, омӯзиши вазъи эпидемиологии бемориҳои сироятӣ дар ҷумҳурӣ дар ним соли аввали соли равон нишон медиҳад, ки бемориҳои вараҷа, сурхча ва ниҳоят хавфнок (таби хунин, вабо ва тоун) мушоҳида нашудаанд. Инчунин, шумораи гирифторони бемориҳои домана, исҳоли хунин, бемориҳои шадиди рӯда, зардпарвини вирусии намуди “В”, зардпарвини вирусии “С”, осеббинӣ аз газидани ҳайвонҳо, зуком, брутселлёз, илтиҳоби шуш, бемориҳои шадиди роҳҳои нафас ва сил нисбат ба ҳамин давраи соли гузашта камтар шудааст.
Дар иншооти зериназоратӣ 14794 санҷиши санитарию эпидемиологӣ гузаронда, 6810 фарди масъул барои риоя накардани талаботи санитарию эпидемиологӣ ҷазои маъмурӣ гирифт. Инчунин, фаъолияти 938 иншоот бо сабаби ҷавобгӯ набудан ба талаботи санитарию гигиенӣ муваққатан аз фаъолият боздошта, ба мақомоти ҳифзи ҳуқуқ 249 мавод, аз ҷумла 73 мавод барои оғоз намудани парвандаи ҷиноятӣ, пешниҳод гардидааст.
Саид Давлатзода, сардори Сарраёсати назорати давлатии санитариву эпидемиологӣ, гуфт, ки зимни санҷишҳо аз дукону мағозаҳои фурӯши маҳсулоти хӯрокворӣ, бозорҳо ва нуқтаҳои савдои шаҳру ноҳияҳо, тибқи талаботи Қонуни Ҷумҳурии Тоҷикистон “Дар бораи бехатарии маҳсулоти хӯрокворӣ”, ба миқдори 157228 кило (ба маблағи зиёда аз 1,5 миллион сомонӣ) маҳсулоти хӯроквории ба талабот номувофиқ, муҳлатгузашта ва шубҳанок аз муомилот гирифта шуд. Инчунин, бо талоши назоратчиён 1316 бозичаи пастсифат ба бозор роҳ наёфт. Аз тарафи кормандони нуқтаҳои сарҳадии санитарию карантинии хадамот воридоти 457359 кило маҳсулот ба маблағи беш аз 5 миллион сомонӣ ва 1003 бозичаи кӯдакона пешгирӣ гардид.
С. Бекмуродзода иброз дошт, ки барои риоя накардани қоидаҳои зиддиэпидемикӣ дар миқёси ҷумҳурӣ нисбат ба масъулони 73 муассисаи стоматологӣ, 67 сартарошхона ва 135 "Кошонаи ҳусн" ба маблағи 60350 сомонӣ протоколи ҳуқуқвайронкунии маъмурӣ тартиб дода, фаъолияти 79 муассисаи стоматологӣ, 57 сартарошхона ва 91 "Кошонаи ҳусн" бо сабаби ҷавобгӯ набудан ба талаботи санитарию гигиенӣ муваққатан боздошта шуд.
Шаҳбоз АБРОР, “Ҷумҳурият”


Баёни ақида (0)    Санаи нашр: 05.08.2019    №: 150    Мутолиа карданд: 271

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед