logo

фарҳанг

"ГАНҶИНА" - МУАРРИФГАРИ ГАНҶҲОИ МИЛЛАТ

Пас аз мутолиаи мақолаи ««Ганҷина». Гавҳари санъати миллӣ бояд эҳё гардад» («Ҷумҳурият», 1 августи соли 2019), зарур шумурдам, андешаҳоямро перомуни он иброз намоям. Муаллиф Абдулқодири Раҳим, хабарнигори ин рӯзнома, масъалаеро мавриди баррасӣ қарор додааст, ки воқеан, рӯзмарра ба шумор  меравад. Аз ин рӯ, ҳалли он бояд ногузир бошад. Ҳар миллат бо таъсиси гурӯҳҳои ҳунарии фолклорӣ – этнографӣ на танҳо анъанаҳои нек, беҳтарин расму оинҳояшро ҳифз мекунаду пойдор нигоҳ медорад, балки ҳамзамон, бо пешниҳоди барномаҳои ҷолибу диданӣ худро, фарҳанги волояшро муаррифӣ мекунад.
Пештар ин гуна гурӯҳҳо дар хоҷагиҳои чанд шаҳру ноҳияҳо таъсис ёфта буданд, фаъолияти чашмрас доштанд ва дар озмунҳои байналмилалӣ ширкат меварзиданду беҳтарин ҷойҳоро соҳиб мегардиданд. Баъдҳо пароканда шуданд.
«Ганҷина» - ро бо эҳсоси холигии ин фазо Ҳукумати вақти кишвар ва Вазорати фарҳанги ҷумҳурӣ таъсис доданд ва он мақоми ҷумҳуриявиро касб кард. Бо дидани барномаҳои ин гурӯҳ аксар мардум низ дарёфтанд, ки чи гавҳарҳои фарҳанги қимат ниҳон будаанд.
Ҳанӯз аз хотирам нарафта, ки кормандон ё худ ҳунарпешагонро ба тариқи озмуни ҷиддӣ устодони санъат пазируфтанд. Ҳунарпешагоне чун Раҳмондӯсти Қурбониён, Муродбек Насриддинов, Олим Бобоев, Субҳон Саидов, Гавҳар Мирҷумъаева, Ҳаётой Муъминова ва дигарон бо пешниҳоди беҳтарин сурудҳои фолклорӣ бори дигар собит сохтанд, ки эҳёи сурудҳои фолклорӣ ғановати фарҳанги миллии моро бозгӯ мекунанд. Вазифаи ҳунарпешаи асил дарёфти ин дурдонаҳо ба шумор мерафт. Яъне, мо аз халқ мегирифтем ва дар ҳамон сурат ва ё беҳтар аз он боз ба мардум пешниҳод менамудем.
Ҳунарпешаи ин гурӯҳ мебоист, ки расму оинҳои мардумӣ, вожаҳои иртиботдошта ба сурудҳоро медонист. Масалан, вақте ӯ вожаҳои «чахдег», «чахчӯб» - ро намедонист, чӣ гуна бо ҳаракатҳои саҳнавӣ ва истифодаи ин мафҳумҳо сурудро дар мавриди муносиб иҷро мекард. Ва ё намадмолӣ. Ҳунарпеша ҳамзамон бо сурудан ба тамошобин бояд ҳунари намадмолиро бо тамоми нозукиҳояш нишон медод.
Ҳамин тавр, мо аз миёни мардум ин гуна сурудҳоро меҷустем. Дар хусуси такмилу иҷроиши он маслиҳат мепурсидем.
Ин гурӯҳ аз дигар гурӯҳҳои ҳунарӣ тафовут дошту дорад. Ҳунарпешаи гурӯҳҳои дигар сурудҳоро агар аз китобҳои нашршудаву дастрас меҷӯяд, ҳунарпешаи «Ганҷина» ин гуна дурдонаҳоро чун ғаввос аз баҳр бо чи ранҷу машаққатҳо ҷустуҷӯ мекунад. Кори ин гурӯҳ мисли кори театр аст. Дар иҷрои сурудҳо ҳаракатҳои мувофиқу пурмаънои саҳнавӣ зарур мебошанд ва низ таҷҳизот. Либосҳои зиёд лозим мешуд ва табдили онҳо. Бо барномаҳои рангину ҷолиб чи дар дохил ва чи берун аз кишвар сафарҳои зиёди ҳунарӣ доштем. Бурдани таҷҳизот ҳеҷ осон набуд. Ҷойи зиёдро ишғол мекард.
Ин сурудҳои фолклориро дар кишварҳои хориҷӣ бо мароқи зиёд гӯш мекарданд ва аз ҳунарнамоиҳои гурӯҳ ба ваҷд меомаданд.
Борҳо дар саҳифаҳои рӯзномаҳову маҷаллаҳои хориҷӣ оид ба дастовардҳоямон навиштаанду бо суратҳо ба нашр расондаанд. Ба ин васила фарҳанги миллати мутамаддинамон муаррифии бештару беҳтар мегардид.
«Ганҷина» - ро бояд эҳё кард. Ҳанӯз ҳам дер нашудааст. Оре, ҳоло ки ҳунарпешагон, донандагони сурудҳои фолклорӣ ва расму оинҳои мардумӣ дар қайди ҳаётанд ва барои равнақи кор саҳми зиёду дурусту чашмрас гирифта метавонанд.
Бисёр сурудҳову барномаҳои ҷолиб аз миёни мардум бояд ҷамъ оварда шаванд.
 «Ганҷина» - ро бояд ба нафаре бовар кард, ки пеш аз ҳама содиқ бошад, сурудҳои фолклориро бисёр хуб донад ва ба расму оинҳои мардумӣ ошноӣ дошта бошад. Барои пешрафти кори «Ганҷина»  бояд ба он мақоми давлатӣ дода шавад.
 Бояд дарк кунем, ки фаъолияти «Ганҷина» дар раванди ногувори ҷаҳонишавӣ ба манфиати миллат ва фарҳанги асили он мебошад. «Ганҷина», дар ҳақиқат, дар боло бурдани завқи мусиқифаҳмии мардум таъсири нек гузошта метавонад.
Ва ниҳоят хуб мебуд, агар «Ганҷина» - ро ба номи аввалин сарвари он, ҳунарпешаи маҳбубу шинохтаи ҷумҳурӣ, устоди равоншод Зафар Нозимов мегузоштанд. Ба ин васила, рӯҳи ин устоди мусиқӣ ва дӯстдорони ҳунари асил шод мегардид.
Чилахон ХОЛОВ, Ҳунарпешаи шоистаи Тоҷикистон


Баёни ақида (0)    Санаи нашр: 13.08.2019    №: 155    Мутолиа карданд: 1082

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД


Дар сомонаҳои дигари Тоҷикистон хонед