logo

иқтисод

ВАЗОРАТ ТАЛОШ ДОРАД...

Матлаби «Дунёи нав». Ҳоли табоҳи корхонае, ки 500 коргар дошт», ки 21 июни соли 2019 дар  рӯзномаи «Ҷумҳурият», № 117 (23 720) ба чоп расидааст, дар Вазорати саноат ва технологияҳои нави Ҷумҳурии Тоҷикистон мавриди баррасӣ қарор гирифт.
29 марти соли 2017 бо Қарори Ҳукумати Ҷумҳурии Тоҷикистон Барномаи рушди саноати сабук дар Ҷумҳурии Тоҷикистон барои давраи то соли 2022 тасдиқ шуд. Мақсад аз қабули барнома, бунёди корхонаҳои нав, татбиқи технологияҳои инноватсионӣ дар истеҳсолот, роҳандозии истеҳсоли маҳсулоти нав, ташкили сарчашмаҳои нави андозбандӣ, муҳайё намудани ҷойҳои корӣ, бакорандозии корхонаҳои аз фаъолият бозмонда, тақвияти истеҳсоли маҳсулоти рақобатпазири воридотивазкунанда ва ба содирот нигарондашуда ва зиёд намудани ҳаҷми истеҳсоли маҳсулот мебошад.
Фаъолияти истеҳсолии ҶДММ "Дунёи нав АСК» бо иштироки Асосгузори сулҳу ваҳдати миллӣ - Пешвои миллат, Президенти  Ҷумҳурии Тоҷикистон муҳтарам Эмомалӣ Раҳмон дар доираи ҳамин барнома оғоз гардид. Бинои корхона аз 8 ошёна иборат буда, пурра бо дастгоҳу таҷҳизоти дӯзандагии истеҳсоли ширкатҳои маъруфи ҷаҳонӣ муҷаҳҳаз гардонда шудааст. Корхона давоми соли 2016 ба маблағи 13,1 ҳазор сомонӣ ва соли 2017 ба маблағи 116 ҳазор сомонӣ маҳсулоти дӯзандагӣ истеҳсол намудааст.
Дар ҷумҳурӣ аз ҷониби мақоми ваколатдор рӯйхати корхонаҳои аз фаъолият бозмонда тартиб дода шудааст. Бинобар сабаби фаъолият надоштан дар соли 2018 корхонаи «Дунёи нав АСК» низ ба ин рӯйхат дохил гардидааст.
Ҳоло Вазорати саноат ва технологияҳои нав дар ҳамкорӣ бо дафтари Созмони Милали Муттаҳид дар  Ҷумҳурии Тоҷикистон бо мақсади рушди саноат лоиҳаи Навсозӣ ва баланд бардоштани рақобатпазирӣ дар бахши қолинбофӣ ва сӯзанидӯзӣ дар кишварро роҳандозӣ намудааст. Бо мақсади ворид намудани корхона ҳамчун иштирокчии лоиҳаи болозикр дар асоси муроҷиати ҶДММ «Дунёи нав АСК» бо масъулини корхона гуфтушунид анҷом дода шуд ва айни ҳол аз ҷониби гурӯҳи кории лоиҳа, тибқи тартиби муқарраргардида, барои шомил намудани корхона ҳамчун иштирокчии лоиҳа чораандешӣ шуда истодааст.
ҶДММ «Дунёи нав АСК» корхонаи хусусӣ буда, тибқи қонунгузории Ҷумҳурии Тоҷикистон, муайян кардани самтҳои асосии фаъолияти ҷамъият ба салоҳияти махсуси маҷлиси умумии иштирокчиёни ҷамъият вогузор шудааст. Бинобар ин, таъмини раванди фаъолияти муназзами корхона аз кордониву ташаббускории роҳбари он вобаста мебошад.
Тибқи иттилои масъулини корхона, ҳоло дар ин ҷо барои кормандони ташкилоти амонатии қарзии «Имон Интернешнл»  либоси ягона ва барои кормандони Агентии хоҷагии ҷангали назди Ҳукумати Ҷумҳурии Тоҷикистон либоси кории махсус медӯзанд. Моҳҳои январ – июни соли 2019 «Дунёи нав АСК» ба маблағи 86 ҳазор сомонӣ маҳсулоти дӯзандагӣ истеҳсол намудааст, ки, албатта, назар ба имкониятҳо хеле кам аст.
Тибқи маълумот, шумораи хонандагони муассисаҳои таълимии ноҳияи Фирдавсии шаҳри Душанбе беш аз 50 ҳазор нафарро ташкил медиҳад. Аз ҷониби мақомоти иҷроияи ҳокимияти давлатӣ, вазорату идораҳо ва ташкилоту муассисаҳо дар доираи эҳтиёҷоти худ пешниҳоди фармоиш ба корхонаҳои дӯзандагӣ яке аз омили муҳими  фаъолияти мунтазами корхонаҳо, воридоти маблағҳои иловагӣ ба Буҷети давлатӣ ва тақвияти раванди воридотивазкунӣ ба шумор меравад, аз ҷумла барои «Дунёи нав».
Вазорати саноат ва технологияҳои нави Ҷумҳурии Тоҷикистон  талош дорад, ки барои иҷрои ҳадафҳои миллии стратегӣ чораҳои зарурӣ андешида, баҳри рушди соҳаи саноат, ба кор даровардани корхонаҳои аз фаъолият бозмонда аз имкониятҳои мавҷуда истифода бурда, барои бештар ҷалб намудани фармоишоти давлатӣ ба корхонаҳои саноатӣ бо вазорату идораҳои дахлдор ва мақомоти иҷроияи ҳокимияти давлатӣ ҳамкориро бештар тақвият диҳад.
Заробиддин ФАЙЗУЛЛОЗОДА, вазири саноат ва технологияҳои нави Ҷумҳурии Тоҷикистон


Баёни ақида (0)    Санаи нашр: 15.08.2019    №: 156    Мутолиа карданд: 835
07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД


Дар сомонаҳои дигари Тоҷикистон хонед