logo

иҷтимоиёт

ИДГАРДАК. БИЁЕД БИАНДЕШЕМ!

Ҳодисае, ки рӯзи Иди Қурбон дар ноҳияи Вахш рух дод, ҳеҷ касро бетараф гузошта наметавонад. Хоҳарон Мавзунаи 8 - сола ва Фотимаи 6 - сола ҳини идгардак аз деҳаи Заҳматобод ба Меҳнатобод равон шуданд, ки дар байни онҳо рӯди Вахш ҷорист. Онҳо ба мақсади кӯтоҳ кардани роҳ на аз тариқи пул, балки аз болои лӯла, ки ду соҳилро бо ҳам мепайвандад, гузаштанӣ шуда, дасту по гум карданд ва ба об афтоданд.
Валиҷон Каримзода, хонандаи муассисаи таҳсилоти миёнаи умумии № 21- и ноҳияи Вахш, ки барои об омада буд, ин ҳодисаро дида, саросемавор ба ҳамдеҳагонаш занг зад. Ӯ худ он қадар шиновариро наметавонист. Духтарчаҳо дасту по зада дар ҳолати ғарқшавӣ буданд. Чӣ бояд кард? То омадани ёрӣ, аллакай дер мешуд. Валиҷон бо иродаи қавӣ худро ба об партофт ва он лаҳзаҳо дар байни маргу зиндагӣ ба тарафи духтарчаҳо ҳаракат дошт ва нигоҳашро аз онҳо намеканд. Тарсу ҳаросро аз худ дур кард. Дар сар фақат як андеша дошт: онҳоро бояд аз марг наҷот дод. Валиҷон духтарчаҳои бемадор ва аз ҳушрафтаро бо чи мушкилоте ба соҳил баровард ва зуд ба онҳо ёрии аввалия расонд, ки оби хӯрдаашонро қай карда, ба ҳуш омаданд. Албатта, ин амали Валиҷон Каримзода шоистаи таҳсин ва намунаи ибрат аст. Вале, зуҳури чунин ҳодиса бояд барои ҳамагон сабақ бошад. Саволе ба миён меояд, ки Мавзунаву Фотимаро чӣ водор кард, ки чунин роҳи пурхатарро ихтиёр кунанд? Магар ҳирсу тамаи ҳарчи бештар ҷамъ кардани шириниву хӯрданиҳо нест? Ҳар яки мо шоҳиди он мегардем, ки кӯдакон зимни идгардак бо як шӯру шааф хона ба хона мегарданду байни худ мусобиқа мекунанд, ки кадоме бештар «ҳадя»  ҷамъ мекунад. Онҳо ҳангоми гузаштан аз кӯчаву роҳҳои мошингузар хатар эҷод мекунанд.  Аксари волидон дар ин рӯзҳо аз фарзандони хурдсоли худ дар хавотиранд, ки мабодо ба онҳо ҳодисае рух надиҳад ва роҳгум назананд. Баъзе  модарон  ё  хоҳарони калонсол аз ноилоҷӣ маҷбур мешаванд, ки ин хурдсолони «якрав» - ро ҳамроҳӣ намоянд.
Бояд зикр кард, ки ҳанӯз соли 2017 Шӯрои уламои Тоҷикистон даъват карда буд, ки аз идгардак худдорӣ намоянд, зеро кӯдакон оилаҳои камбизоатро дар ҳолати ногувор мегузоранд.
Файзулло Баротзода, директори Маркази исломшиносӣ дар назди Президенти Ҷумҳурии Тоҷикистон, иброз дошт, ки масъалаи идгардаки кӯдакон, идгардаки алоҳидаи занон ва мардон, ки дар байни мардуми мо маъмул шудааст, ба аҳком ва омӯзаҳои шаръию динӣ ҳеҷ решапайванде надорад. Тибқи урф ва истислоҳ бояд танзими ин масъалаҳо роҳандозӣ шавад.
Ба  ҳар ҳол мо вазифадорем, ки фарзандонамонро ба роҳи дуруст тарбия намуда, онҳоро аз одатҳои мағшуш, чун тамаъварзию ҳарисӣ, боздорем.
Бояд ёдрас шуд, ки дар аксари мавзеъҳои шаҳру навоҳии кишвар чунин лӯлаҳои гуногунқутри об ба мушоҳида мерасанд, ки аз болои наҳру каналҳо мегузаранд. Сокинон онҳоро чун пул истифода бурда ба ҳаёти худ хатар эҷод мекунанд. Чунин ҳодисаҳо кам рух надодаанд ва ҳатто ба фавти одамон мунҷар шудаанд. Аз ин рӯ, масъулони шаҳру навоҳиро мебояд, ки дар ҳамкорӣ бо кормандони зерсохторҳои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон чунин гузаргоҳҳоро масдуд намоянд, то дигар чунин ҳодисаҳо ба вуқӯъ наафтанд.
Мунаввари САФАР,
«Ҷумҳурият»


Баёни ақида (0)    Санаи нашр: 18.08.2019    №: 158    Мутолиа карданд: 645

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед