logo

иҷтимоиёт

ТВ «БАДАХШОН» ДАР МОҲВОРАҲОИ AL VAH 1 ВА NSS 12

Дар доираи омодагиҳо ба Ҷашни 30-солагии Истиқлолияти давлатӣ, дар шаҳру деҳоти Вилояти Мухтори Кӯҳистони Бадахшон корҳои  созандагиву ободонӣ вусъати тоза гирифтаанд. Маркази интиқоли мавҷҳои радио ва телевизиони ҶСК “Телерадиоком” дар ВМКБ низ  дар самти беҳтар намудани сатҳи сифати намоишҳои телевизионӣ, фарогирии бештари аҳолӣ ба барномаҳои шабакаҳои  ҷумҳуриявӣ ва маҳаллӣ корҳои назаррасро анҷом   медиҳад. Дар ин бора директори Маркази интиқоли мавҷҳои радио ва телевизионии вилоят Наврӯзбек Ниёзмамадов чунин иттилоъ дод:
- Зимни сафари кориашон ба Вилояти Мухтори Кӯҳистони Бадахшон Президенти кишвар муҳтарам Эмомалӣ Раҳмон ҷиҳати нокифоя будани миқдори фарогирии аҳолии вилоят бо телевизиони маҳаллӣ изҳори нигаронӣ намуда, ба масъулин супориш доданд, ки дар ин самт чораҷӯӣ намоянд. Бояд гуфт, ки он вақт пахши телевизиони «Бадахшон» дар ҳақиқат ҳатто 20 дарсади аҳолии вилоятро дар бар намегирифт. Бо мақсади иҷро намудани супориши Пешвои миллат ва васеъ гардондани доираи ҳудуди пахши телевизиони маҳаллӣ Ҷамъияти саҳомии кушодаи «Телерадиоком» нақша-чорабиниҳои махсус таҳия намуд. Дар доираи ин чорабиниҳо аз  тарафи Маркази интиқоли мавҷҳои радио ва телевизионии вилоят дар ҳамкорӣ бо ширкати «Вавилон» пахши телевизиони маҳаллӣ дар ҳудуди Ҷамоати деҳоти Поршневи ноҳияи Шуғнон таъмин гардид. Ҳамчунин, дар рӯзҳои наздик бо дастрас гардидани таҷҳизоти техникӣ қисми деҳаҳои Бунӣ ва Ёмҷ низ бо телевизиони маҳаллӣ фаро гирифта мешаванд. Ҳамин тариқ, фарогирии аҳолии вилоят бо пахши телевизиони «Бадахшон» ба зиёда аз 30 дарсад расонда шуд.
Бо дастури Президенти кишвар муҳтарам Эмомалӣ Раҳмон доир ба роҳандозӣ намудани намоиши телевизиони «Бадахшон» тариқи моҳвора аз ҷониби ҶСК «Телерадиоком» таҷҳизоти зарурии техникӣ харид ва насб шудааст. Ба ин мақсад аз пойтахти ҷумҳурӣ ба вилоят мутахассисон равона гардида, дар насби таҷҳизот ба мутахассисони маҳаллӣ кумак расонданд. Моҳи апрел мо телевизиони «Бадахшон»-ро дар реҷаи тестӣ ба моҳвора баровардем ва он дар давоми қариб як рӯз тариқи моҳвора нишон дода шуд. Аз 27 июл пахши доимии ТВ “Бадахшон” дар як лифофа бо барномаҳои телевизионии  “Душанбе.НD”, “Хатлон”, “Футбол”, “ТМТ.Шаҳнавоз” ва “Кӯлоб” тариқи маҳвораҳои AL Vah 1 ва NSS 12 оғоз гардид. Бо ҳамин, фарогирии он дар ҳудуди вилоят бо назардошти деҳаҳое, ки қувваи барқ  надоранд, аз 70 дарсад ҳам гузашт.           
Масъалаи дигаре, ки дар доираи нақшаи чорабиниҳо бахшида ба 30-солагии Истиқлолияти давлатӣ ба он таваҷҷуҳи хоса равона мегардад, ин ба тариқи рақамӣ гузаштани пахши телевизиони ҷумҳурӣ мебошад. Мувофиқи супориши Ҳукумати Ҷумҳурии Тоҷикистон дар ин давра бояд  90 дарсади шаҳру деҳоти вилоят бо пахши телевизиони рақамӣ таъмин гарданд. Дар доираи чораҷӯиҳо барои амалӣ намудани супориши мазкур Маркази интиқоли мавҷҳои радио ва телевизионии вилоят дар давоми семоҳаи аввали соли ҷорӣ дар марказҳои ноҳияҳои Ванҷ ва Рӯшон фиристандаҳои рақамиро насб намуд. Ин имкон дод, ки 18 ҳазор сокини ноҳияи Ванҷ ва 8 ҳазор сокини ноҳияи Рӯшон бо телевизиони рақамӣ таъмин гарданд. Ҳамчунин, тибқи нақша, то охири соли ҷорӣ дар ҳамаи марказҳои ноҳияҳои вилоят фиристандаҳои телевизиони рақамӣ насб карда мешаванд, ки ин, дар навбати худ, дастрасии сокинони вилоятро ба  тамошои  шабакаҳои телевизионии кишвар беҳтар месозад.
Дар баробари ин, дар соҳа мушкилот низ ҷой  доранд. Яке яз мушкилиҳои асосӣ дар ин самт ҳолати ногувори хоначаҳои техникӣ барои фиристандаҳо мебошад. Дар вилоят, дар маҷмӯъ, 177 хоначаи техникӣ мавҷуд аст, ки зиёда аз 90 дарсадашон айни ҳол дар ҳолати садамавӣ қарор дорад. Ин, дар навбати худ, барои фарогирии аҳолӣ бо телевизиони рақамӣ монеа эҷод мекунад. Хоначаҳои техникӣ аслан дар тавозуни ҷамоатҳои деҳот қарор доранд, барои ҳамин масъулини ҷамоатҳо ва мақомоти маҳаллии ҳокимияти давлатии ноҳияҳо бояд барои барқарор ва таъмир кардани онҳо чораҷӯӣ намоянд.
Ҳоло сокинони  баъзе деҳаҳои дурдаст бо вуҷуди дар онҳо насб будани фиристандаҳои телевизионӣ ҷиҳати набудани барқ аз тамошои барномаҳои телевизионӣ маҳруманд. Масалан, ба ҳолати имрӯза дар вилоят 16 деҳа – 9 деҳа дар ноҳияи Мурғоб ва 7 деҳа дар водии Бартанг маҳз аз сабаби набудани барқ ба шабакаҳои телевизионӣ дастрасӣ надоранд.
Агар   дар  миқёси  вилоят  барои  пахши  босифати  барномаҳои  телевизион  ва радио  релйефи  хоси  Бадахшон  монеа  эҷод  карда бошад, барои ин  кор дар  шаҳри  Хоруғ  чизе халал  намерасонад. Вале, бо  каме вазидани  боду  боридани  борону  барф  канда – канда пахш  гардидани  намоишҳои телевизиониро дар Хоруғ ҳам мушоҳида мекунем.
Имрӯз дар деҳоти вилоят  мавҷуд набудани имкониятҳои техникӣ барои гӯш кардани барномаҳои радио  монеа эҷод мекунад. Бо мурури замон канда, корношоям шудани  симҳои радио, тариқи таҷҳизоти муосир пахш нашудани барномаҳои он боис гаштаанд, ки дар деҳот умуман радиошунавонӣ аз байн  рафтааст. Вале, мушкил он аст, ки дар шаҳри Хоруғ ҳам кам касон ба   барномаҳои радио таваҷҷуҳ доранд. Бисёре аз мардуми кишвар ба  тамошои телевизиони Россия, як қисмати ноҳияҳои сарҳадӣ ба шабакаҳои телевизиони Ӯзбекистон ва Қирғизистону Афғонистон  завқи бештар зоҳир мекунанд.
Радио  ва телевизион бояд воситаҳои асосии ташвиқгари сиёсати давлату ҳукумат бошанд. Мақсад аз сарфи маблағҳои зиёд барои фаъолияти шабакаҳои телевизион ва радиои давлатӣ ҳифз ва таъмини фазои ягонаи иттилоотии кишвар, таблиғи сиёсати  иқтисодӣ, иҷтимоии давлат, ҳифзи  арзишҳо ва музаффариятҳои миллӣ, таъмини суботи ҷомеа мебошад.
Раҳмони  ГУЛЗОР, “Ҷумҳурият”


Баёни ақида (0)    Санаи нашр: 18.08.2019    №: 158    Мутолиа карданд: 1385

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед