logo

иқтисод

ТОҶИКИСТОНУ ӮЗБЕКИСТОН. ҲАМКОРИҲОИ ИЛМӢ ВУСЪАТ МЕЁБАНД

Ба шарофати сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев робитаи дӯстонаи ду ҳамсоякишвар паёмадҳои неку ояндадорро ба бор меоварад. Аз ҷумла, тайи солҳои охир дӯстию ҳамкориҳои муштараки олимони тоҷику ӯзбек дар бахшҳои гуногун - илми табиатшиносӣ, биологӣ, кишоварзӣ, иқтисодӣ, фарҳангӣ, саноатӣ, иҷтимоӣ ва ғайраҳо хеле тақвият меёбад, ки ин аз сиёсати хориҷии дарҳои кушоди ҳар ду кишвар дарак медиҳад.
Тавре Қурбоналӣ Партоев, доктори илмҳои кишоварзӣ, профессор, зикр намуд, соли ҷорӣ олимони Институти ботаника, физиология ва генетикаи рустании Академияи илмҳои Ҷумҳурии Тоҷикистон бо олимони Институти тиббӣ - байтории шаҳри Самарқанд, Институти илмӣ - таҳқиқотии селексия, тухмипарварӣ ва агротехнологияи Академияи илмҳои кишоварзии Ҷумҳурии Ӯзбекистон (дар шаҳри Тошканд) ва Институти илмӣ - таҳқиқотии химия ва физикаи полимерҳои Академияи илмҳои Ҷумҳурии Ӯзбекистон шартномаҳои ҳамкориҳои илмиро барои солҳои 2019 - 2023 ба имзо расонданд, ки ин нишонаи ба роҳ мондани ҳамкориҳои илмии олимони тоҷику ӯзбек ба шумор меравад.
Мавриди зикр аст, ки то соли 1992 олимони тоҷику ӯзбек ба монанди дигар ҷумҳуриҳои Иттиҳоди Шӯравӣ алоқаи зичи ҳамкориҳои илмӣ доштанд. Дар ҳамон давра шӯрои дифои рисолаҳои номзадӣ ва доктории илми биология оид ба ихтисоси «Физиология ва биохимияи рустанӣ» дар Осиёи Марказӣ ва Қазоқистон танҳо дар Ҷумҳурии Тоҷикистон, дар назди Институти физиология ва биофизикаи рустанӣ   (ҳоло Институти ботаника, физиология ва генетикаи рустании АИ ҶТ) фаъолият дошт ва олимони намоёни ҷумҳуриҳои Ӯзбекистон, Туркманистон ва Қазоқистон аъзоёни ин шӯро буданд. Дар шӯрои мазкур дар қатори дигарон унвонҷӯён, аз ҷумла нафарони зиёд аз Ҷумҳурии Ӯзбекистон ҳамон солҳо рисолаҳои номзадӣ ва доктории хешро бо ихтисоси «Физиология ва биохимияи рустанӣ» барои дарёфти унвони илмии номзадӣ ё доктори илми биология дифоъ намудаанд.
Дар солҳои соҳибистиқлолӣ кормандони Институти ботаника, физиология ва генетикаи рустании Академияи илмҳо ба рисолаҳои номзадӣ ва доктории олимони ӯзбек тақризҳои илмӣ навишта, рисолаҳои мазкурро таҳлилу дастгирӣ намуданд ва корҳои илмии онҳоро ҳамчун дастоварди илмии ояндадор барои рушди иқтисодиёт тарафдорӣ намуданд.
- Фиристодани гурӯҳи кории олимони тоҷик ба Ҷумҳурии Ӯзбекистон дар бахшҳои физиология, биохимия, генетика, биотехнология, селексияи рустаниҳо, махсусан пахта, картошка ва дигар зироатхои кишоварзӣ барои барқарор намудани ҳамкориҳои судманди илмӣ тақозои замон мебошад. Зарур аст, ки минбаъд олимони ҷумҳуриҳои ҳамсоя лоиҳаҳои муштаракро таҳия намуда, ҷиҳати иҷро гаштани онҳо кӯшиш ба харҷ диҳанд. Барои тарбияи олимони ҷавони ҷумҳуриҳои ҳамҷавор, ҳимояи рисолаҳои номзадӣ ва доктории онҳо агар шӯроҳои диссертатсионии муштарак таъсис дода шаванд, инчунин, барои рушди илмҳои гуногун ва барқарор намудани анъанаҳои пешина барпо намудани конференсияҳои илмии байналмилалӣ ба манфиати кор хоҳад буд. Дар амалӣ гаштани чорабиниҳои мазкур ва ба роҳ мондани ҳамкориҳои судманди илмии тарафайн месазад, ки Академияи илмҳои Ҷумҳурии Тоҷикистон, алалхусус шуъбаи илмҳои биология ва тиб дар соҳаҳои мазкур пешоҳанг ва ташаббускор бошанд, - мегӯяд Бахшулло Ҷумъаев, узви вобастаи АИ ҶТ, доктори илмҳои биология, профессор.
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 20.08.2019    №: 159    Мутолиа карданд: 854

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед