logo

иқтисод

НОҲИЯИ СПИТАМЕН. ОЯНДАРО АЗ ИМРӮЗ МЕСОЗЕМ!

То оғози солҳои хониши 2019 – 2020 дар ноҳияи Спитамени вилояти Суғд ду бинои нави муассисаи таҳсилоти миёнаи умумӣ мутобиқ ба талаботи замони муосир ва муҷаҳҳаз бо таҷҳизоту аёнияти дарсӣ мавриди баҳрабардорӣ қарор мегирад. 
Бинои сеошёнаи муассисаи таҳсилоти миёнаи умумии № 33 дар деҳаи навбунёди Андарсойи деҳоти ба номи Турсун Ӯлҷабоеви ноҳия бо дастгирии Ҷумҳурии Ӯзбекистон бунёд шуда истодааст. Дар ин иншоот 95 дарсади корҳои сохтмонӣ ба анҷом расида, рангубор, сафолакпӯшии назди муассиса ва сабзкорӣ боқӣ мондааст. Сохтмони муассиса моҳи августи соли гузашта дар масоҳати 2 гектар оғоз шуда буд.
Ниёз Ашӯров, корфармои иншоот, гуфт, ки муассиса аз 28 синфхона иборат буда, барои 1260 хонанда дар ду баст пешбинӣ шудааст. Барои гузарондани дарсҳои таълими меҳнат ва омӯзондани касбҳои гуногун дар таълимгоҳ синфхонаҳои алоҳидаи фаннӣ, аз қабили синфхонаҳои лингафонӣ, химия, физика – нуҷум ва биология ташкил шуда, инчунин, дар ин ҷо машғулиятҳои дӯзандагӣ, қаннодӣ ва омодасозии ҳар гуна таомҳо гузаронда мешаванд. Ҳамзамон, ду синфхонаи алоҳида барои гузарондани дарсҳои компютерӣ пешбинӣ шуда, барои роҳбарияту омӯзгорони таълимгоҳ утоқҳои алоҳидаи корӣ бунёд гардидааст. Муассиса дорои маҷлисгоҳ бо 380 ҷойи нишаст, ошхона ва толори варзишӣ мебошад.
Дар корҳои сохтмонӣ 97 кас ба кор ҷалб гардиданд, ки аз он 28 нафарашро сокинони маҳаллӣ ташкил медиҳанд. Мактаб бо системаи гармидиҳӣ пайваст мебошад, ҳамзамон, барои таъмини об чоҳи амудӣ канда шудааст.
Дилрабо Раҳимӣ, муовини раиси ноҳия, иброз дошт, ки сохтмони бинои иловагии муассисаи таҳсилоти миёнаи умумии № 12 бошад, аз ҳисоби буҷети вилоят моҳи майи соли 2018 оғоз ёфта, аз се ошёна, 16 синфхона, озмоишгоҳу утоқҳои фаннӣ, ошхона ва толори варзишӣ иборат буда, барои 640 хонанда дар ду баст пешбинӣ гардидааст. Феълан 85 дарсади корҳои сохтмонӣ ба итмом расидааст. Дар ин иншоот 53 нафар ба кор ҷалб шудаанд.
То Ҷашни 30 - солагии Истиқлолияти давлатии Ҷумҳурии Тоҷикистон дар ноҳия 14 синфхонаи иловагӣ дар назди муассисаҳои таҳсилоти миёнаи умумии № 16, 30 ва боғча барои 60 кӯдак бунёд хоҳад шуд.
Маҳмуд ҶӮРАЕВ, «Ҷумҳурият»


Баёни ақида (0)    Санаи нашр: 20.08.2019    №: 159    Мутолиа карданд: 1131

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед