logo

фарҳанг

"МАРДИ РОҲ" - И НОСИР САИД ҒОЛИБИ ФЕСТИВАЛИ ТЕЛЕВИЗИОНИИ ФИЛМҲОИ МУСТАНАД

Чанде пеш дар «Кохи Суруш» - и пойтахт маросими ботантанаи ҷамъбасти Фестивали телевизионии филмҳои мустанади «Симо», ки ба Солҳои рушди деҳот, сайёҳӣ ва ҳунарҳои мардумӣ бахшида шудааст, баргузор гардид. Дар он ҳунармандони маъруфи кишвар, шахсиятҳои муътабари соҳаҳои илму фарҳанг ва телевизиону синамо, коршиносони соҳа ширкат доштанд.
Аксари онҳо баргузории чунин ҷашнвораву озмунҳоро аз шарофати сулҳу суботи кишвар медонанд. Аз ҷумла, Носир Раҳмон, директори Киностудияи «Тоҷикфилм»,  мақсад аз баргузории фестивалро агар аз як ҷиҳат, ба рушди деҳот ва сайёҳӣ аҳамияти ҷиддӣ додан ва арҷгузорӣ ба ҳунарҳои мардумӣ дониста бошад, аз ҷониби дигар зикр намуд, ки «Он дар татбиқи амалии тадбирҳои андешидаи Ҳукумати Ҷумҳурии Тоҷикистон вобаста ба рушди соҳа саҳм гузоштан аст». Киношинос Тиллои Некқадам изҳори умедворӣ намуд, ки фестивал дар рафти амалӣ намудани Барномаи давлатии рушди кино барои солҳои 2018 – 2022 низ мусоидат хоҳад кард. Набӣ Набизода, директори Муассисаи давлатии телевизиони «Синамо», дарёфти истеъдодҳои нав ва мусоидат намудан ба рушди минбаъдаи синаморо аз мақсадҳои дигари фестивал арзёбӣ намуд.
Ҷашнвораи мазкур бори дувум аст, ки  бо ташаббуси Телевизиони «Синамо» гузаронда мешавад. Дар рафти он 48 филми ҳуҷҷатӣ манзури ҳайати ҳакамон гардонда шуд. Ҳакамон аз ин миқдор 22 филм ва барномаҳои телевизионии ба он монандро барои ширкат дар фестивал – озмун пешбарӣ намуданд. Дар асоси қарори қабулнамудаи ҳайати ҳакамон 14 нафар барои офаридани филмҳои баландмазмун ва саҳми арзанда дар рушди кинематографияи тоҷик бо ҷоизаҳои таъсисдодаи Телевизиони «Синамо» қадр шуданд.
Ёдовар мешавем, ки имсол ба ҳайати ҳакамони ҷашнвора беҳтарин коршиносони соҳа ҷалб гардида буданд. Коргардони шинохта Носир Раҳмон  аъзои ҳакамонро роҳбарӣ намуда, ба аъзои он  ректори  ДДФСТ Хайриддин Усмонзода, Ҳунарпешаи халқии Тоҷикистон Давлат Убайдуллоев, адиб ва филмноманавис Абдурофеъ Рабизода, журналист ва киношинос Тиллои Некқадам шомил буданд. Онҳо аз рӯи номинатсияҳои беҳтарин филмнома, коргардон, наворбардор, танзим ва кори дизайнерӣ намунаҳои хосро ҷудо намуда, филми хуб дар бораи муҳити зистро муайян сохтанд. Ҳамчунин, барандагони ҷоизаҳои таваҷҷуҳи ҳайати ҳакамон ва тамошобинон, бозёфти ҷашнвора муайян шуданд.  
Дар номинатсияи беҳтарин филм бахшида ба Солҳои рушди деҳот, сайёҳӣ ва ҳунарҳои мардумӣ Дилбар Наҷмиддин (Телевизиони “Тоҷикистон”) барои филми “Саёҳати Рашт” ва Шарафи  Кароматулло (Телевизиони “Ҷаҳоннамо”) барои  филми “Истаравшан”  ғолиб дониста шуданд. Дар номинатсияи таваҷҷуҳи  ҳакамон бошад, ҷоиза насиби Фурқати Низом (Телевизиони  “Сафина”) барои  филми “Омадани аввалин қатора” гашт. Ҳамин гуна ҷоизаро Зиёвуддин Сафаров (Телевизиони “Баҳористон”) барои филми “Сарчашма” соҳиб шуд. Номинатсияи  таваҷҷуҳи  тамошобинро бошад, Толиб Раҳматуллоев (Киностудияи “Тоҷикфилм”)  барои филми “Ҳадяи осмонӣ” соҳибӣ кард. Ҳамин гуна ҷоиза насиби Саидҷаъфар Сафарзода (Телевизиони  “Хатлон”) барои филми “Бадахшон” гашт.
Бозёфтҳои ҷашнвора Ҳошим Раҳимов (Телевизиони “Суғд”) бо филми “Кулол” ва Далери Эмомалӣ (Киностудияи “Суғдсинамо” ба номи Комил Ёрматов) бо филми “Умар - ако” – яш муайян гардиданд. Беҳтарин асар оид ба ҳифзи муҳити зист филми Рустами Ғойиб (Телевизиони “Синамо”)  “Кӯҳнавард” дониста шуд. Неъматулло Неъматов (Телевизиони “Синамо”)  барои филми “Достони асп” дар номинатсияи беҳтарин танзим ва кори дизайнерӣ муваффақ гашт.
Наворбардори беҳтарин Меҳрубон Маликов барои филми “Ганҷ” интихоб шуда бошад, Давлат Сафар барои “Достони асп” – аш филмноманависи баргузида гашт.
Беҳтарин кори коргардонӣ асари Худойдод Орифӣ (Телевизиони “Сафина”) “Исмоили Сомонӣ” муайян гашта бошад, мустанади Носир Саид “Марди роҳ” соҳиби ҷоизаи асосии ҷашнвора шуд. 
Муҳаммадуллоҳи ТАБАРӢ,
«Ҷумҳурият»


Баёни ақида (0)    Санаи нашр: 22.08.2019    №: 160-161    Мутолиа карданд: 568

22.10.2019


Иштироки ҳайати Тоҷикистон дар Форуми ҳамкориҳои Чин – Осиёи Марказӣ

Вохӯрии Сироҷиддин Муҳриддин бо Ҳейти Мяемеэс

Тоҷикистон дар раддабандии «AFAR» ҷойи аввалро гирифт

Дар Исфара машварати омӯзишӣ баргузор мешавад

9 ноябр - бозии дӯстонаи мунтахаби Тоҷикистону Малайзия

Амалиёти Туркия дар Сурия боиси тарки манзил кардани 70 ҳазор кӯдак шуд

Дар Қазоқистон ба собиқ Президент Назарбоев ваколатҳои бештар доданд

ВКХ Туркия: «Мо амалиётро идома медиҳем, агар террористон нараванд»

Омодашавии ИМА барои аз Афғонистон пурра баровардани артиш

Громов: «Имтиёзҳои андозбандиву гумрукӣ метавонанд “Газпром”- ро ба Тоҷикистон ҳавасманд кунанд

Ҷаҳон дар як сатр

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид


Дар сомонаҳои дигари Тоҷикистон хонед