logo

иҷтимоиёт

ЛОИҲАИ “ХИЗМАТРАСОНИҲОИ МАҶМӮӢ БАРОИ МОДАР ВА КӮДАК” МУАРРИФӢ ШУД

Чанде пеш дар Муассисаи давлатии «Душанбе – Плаза» вобаста ба оғози расмии татбиқи лоиҳаи “Хизматрасониҳои маҷмӯӣ барои модар ва кӯдак” (гранти Бонки осиёии рушд) Вазорати тандурустӣ ва ҳифзи иҷтимоии аҳолӣ мизи мудаввар баргузор намуд, ки дар он намояндагони департаменти Осиёи Марказӣ ва ҳарбии Бонки осиёии рушд, бахши идораи лоиҳаҳои  Бонки осиёии рушд дар Ҷумҳурии Тоҷикистон,  Созмони ҷаҳонии тандурустӣ дар Тоҷикистон, гурӯҳи татбиқи лоиҳаи “Хизматрасониҳои маҷмӯӣ барои модар ва кӯдак”, шарикони рушд ва менеҷерони КАТС - и ноҳияҳои таҷрибавӣ ширкат варзиданд.
Насим Олимзода, вазири тандурустӣ ва ҳифзи иҷтимоии аҳолӣ, иброз дошт, ки таҷрибаҳо нишон медиҳанд, ҳамкориҳои дуҷонибаи Ҳукумати Ҷумҳурии Тоҷикистон  ва Бонки осиёии рушд тавассути амалигардонии лоиҳаҳои гуногун, хусусан дар соҳаи тандурустӣ  ва ҳифзи иҷтимоии аҳолӣ, ба рушди самтҳои  гуногуни соҳа  мусоидат намуда истодаанд.
- Бо мақсади самаранок ва мақсаднок истифода намудани маблағҳои инвеститсионӣ дар самти беҳтарсозии сатҳу сифати хизматрасонии тиббӣ ба модарон ва кӯдакон дар асоси Фармони Президенти Ҷумҳурии Тоҷикистон аз 31 декабри соли 2018 «Дар бораи лоиҳаи Созишномаи грантӣ байни Ҷумҳурии Тоҷикистон ва Бонки осиёии рушд» амалисозии лоиҳаи “Хизматрасониҳои маҷмӯӣ барои модар ва кӯдак” дар муассисаҳои соҳаи тандурустии ноҳияҳои таҷрибавии Рашту Файзобод ва Шамсиддин Шоҳини вилояти Хатлон оғоз гардидааст. Созишномаи грантӣ бо қарори Маҷлиси намояндагони Маҷлиси Олии Ҷумҳурии Тоҷикистон аз 6 марти соли 2019 (ратификатсия) тасдиқ гардида, аз ҷониби Вазорати адлияи Ҷумҳурии Тоҷикистон эътибори ҳуқуқӣ пайдо намудааст.
Маблағи лоиҳа 35,2 миллион доллари ИМА - ро ташкил медиҳад, ки аз ин 3,2 миллион доллар саҳми Ҳукумати Ҷумҳурии Тоҷикистон мебошад. Амалисозии лоиҳаи мазкур аз моҳи марти соли 2019 оғоз гардида, то  августи соли 2025 ба нақша гирифта шудааст, - афзуд Насим Олимзода.
Дар идома менеҷери гурӯҳи татбиқи лоиҳа Исфандиёр Маҳмудзода оид ба ҳадафҳо ва вазифаҳои лоиҳа маълумот дода, иброз дошт, ки лоиҳаи мазкур аз се марҳила иборат буда, марҳилаи якуми он “Беҳтар намудани хизматрасонии ҳамгироишудаи босифат оид ба ҳифзи саломатии модар ва кӯдак” мебошад.
Марҳилаи дуюми лоиҳа “Такмил ва таҷдиди хизматрасониҳо дар самти ҳифзи саломатии модарон ва кӯдакон” ном дошта, он аз масъалаҳои сохтмон ва таъмири беморхонаҳои марказии ноҳиявӣ ва марказҳои саломатии ноҳиявӣ, таъмин намудани беморхонаҳо ва муассисаҳои КАТС бо таҷҳизот ва мебели тиббӣ, дастгирии таъсиси низоми идоракунии таҷҳизот барои хизматрасонӣ ва такмили малакаву маҳорати мутахассисон дар иншооти ҳадафие, ки дар ноҳияҳои таҷрибавии лоиҳа ҷойгир мебошанд.
“Баланд бардоштани сатҳи дониш дар самти саломатии модару кӯдак ва рафтори ба нигоҳдории саломатӣ нигаронидашуда”, - чунин ном гирифтааст марҳилаи сеюми лоиҳаи мазкур, ки баланд бардоштани иқтидори Муассисаи давлатии «Маркази ҷумҳуриявии ташаккули тарзи ҳаёти солим» ва сохтори онро дар бар мегирад.
Мақсади лоиҳа ба беҳтар сохтани вазъи хизматрасонӣ дар самти ҳифзи саломатии модарон ва кӯдакон, таҷдиду бунёди инфрасохтори соҳаи тандурустӣ, таъмин намудан бо таҷҳизот ва мебели тиббӣ ва такмили донишҳои мутахассисони тиб дар ноҳияҳо равона карда шудааст.
Муҳаммадзоиршо ШАРИФЗОДА, «Ҷумҳурият»


Баёни ақида (0)    Санаи нашр: 22.08.2019    №: 160-161    Мутолиа карданд: 603

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед