logo

ҳуқуқ

ХИЗМАТИ ҲАРБӢ. БА ДАЪВАТИ ҶАВОНОН НАБОЯД МАВСИМӢ МУНОСИБАТ КАРД!

Комиссияи даъвати назди мақомоти иҷроияи ҳокимияти давлатии Вилояти Мухтори Кӯҳистони Бадахшон фаъолияти  сохторҳои  марбутаи  вилоят, шаҳру ноҳияҳо, мақомоти худидоракунии шаҳраку деҳоти  вилоятро оид ба иҷрои Фармони Президенти Ҷумҳурии Тоҷикистон «Дар бораи ба хизмати ҳарбӣ даъват намудани шаҳрвандони соли таваллуди 1992 - 2001» дар мавсими даъвати баҳории соли  равон муҳокима  ва  баҳогузорӣ намуд.
Хушдилзода Ҳамроз, комиссари ҳарбии вилоят, қайд кард, ки ВМКБ  дар даҳ рӯзи аввали маъракаи даъвати баҳорӣ аз иҷрои нақшаи даъват сарбаландона баромад. Ин дар ҳолест, ки фаъолияти комиссияҳои  даъвати баъзе ноҳияҳо, ҷамоатҳои деҳот дар ташкил ва гузарондани даъвати баҳории шаҳрвандон ба хизмати ҳарбӣ қонеъкунанда ба роҳ монда нашуда буд. Чунончӣ, ҷамоатҳои деҳоти ба номи Назаршо Додхудоев ва Пастхуфи ноҳияи Рӯшон, Сежд ва ба номи Мирсаид Миршакари ноҳияи Роштқалъа, ба  номи М. Абдуллоеви ноҳия Ванҷ, Птуп ва Аскар Замирови ноҳияи Ишкошим, Сучон, Ғарибшоҳ Шаҳбозов ва Вери ноҳияи Шуғнон дар  маъракаи баҳории даъват аз уҳдаи иҷрои нақша набаромаданд.
Алишер Мирзонаботов, муовини аввали раиси вилоят, ҳамзамон, раиси комиссия,  кори комиссариатҳои ҳарбии шаҳру навоҳии вилоят, баъзе раисони ҷамоатҳои деҳотро  дар ин  самт  ғайриқаноатбахш арзёбӣ карда, афзуд, ки даъват ба сафи Қувваҳои мусаллаҳ маъракаи муҳими сиёсӣ буда, дар иҷрои он бояд ҳар як шахс масъулияти баланд нишон диҳад. “Қатъи назар аз он ки нақшаи даъват бо дастгирии бевоситаи Ситоди байниидоравӣ ва таъмини амният дар вилоят босифат  ва  пеш  аз  муҳлат  иҷро гардид, вале фаъолияти сусти бархе аз аъзои комиссияи даъватӣ, аз ҷумла раисони ҷамоатҳо, дафтари комиссариатҳои ҳарбӣ боис шуд, ки дар иҷрои нақшаи даъват ба баъзе мушкилиҳо мувоҷеҳ  шавем”.
Зикр гардид, ки раисони ҷамоатҳо, комиссияи даъватӣ ва комиссариатҳои ҳарбӣ бояд пешакӣ рӯйхати дурусти шаҳрвандони қобили даъватро тартиб дода, барои табобат чораҷӯӣ менамуданд. Сафарбаркунии баъзе шаҳрвандон бо сабаби беморӣ аз як сол ба соли дигар гузаронда шуда, сипас, онҳо  аз қайди комиссариатҳои ҳарбӣ бароварда мешаванд. Ҳол он ки табобати бисёре аз онҳо имконпазир буд ва аз ҳисобашон нақша сари вақт иҷро мегардид. Дар даъвати баҳорӣ, ҳамчунин, ба мушоҳида расид, ки даъватшудагони бемор ба хизмат сафарбар гардида, баъди чанд муддат бо нуқси ҷисмонӣ аз қисми ҳарбӣ ҷавоб дода шуданд.
Шарифзода Маҳмадамин, прокурори ҳарбии гарнизони шаҳри Хоруғ, зикр кард, ки санҷиши прокурорӣ дар фаъолияти баъзе комиссариатҳои ҳарбӣ сохтакориро дар мавриди додани билети ҳарбӣ ошкор намуда, аз рӯи ин аъмол  парвандаҳои ҷиноятӣ боз шуда, шахсони гунаҳкор баъди тафтишоти пурра ба ҷавобгарии ҷиноятӣ кашида мешаванд.
Ба комиссияи даъватии вилоят супориш дода шуд, ки минбаъд барои пеш бурдани корҳои тарғиботиву ташвиқотӣ байни даъватшудагон, таҳлили дурусти захира, аз рӯйхат баровардани шаҳрвандоне, ки берун аз қаламрави вилоят зиндагӣ мекунанд, ҷиддитар муносибат намоянд. Минбаъд, дар сурати ошкор гардидани камбудӣ дар фаъолияти онҳо нисбаташон чораҳои маъмурӣ андешида мешавад.
Раҳмони  ГУЛЗОР,  “Ҷумҳурият”


Баёни ақида (0)    Санаи нашр: 22.08.2019    №: 160-161    Мутолиа карданд: 945

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед