logo

иҷтимоиёт

«ГАНҶИНА» БА ҒАМХОРИВУ ДАСТГИРӢ НИЁЗ ДОРАД

Матлаби Абдулқодири Раҳим бо номи «Ганҷина». Гавҳари санъати миллӣ бояд эҳё гардад» - ро дар рӯзномаи «Ҷумҳурият» (1 августи соли 2019) мутолиа кардам. Муаллиф барҳақ таъкид доштааст, ки гурӯҳи ҳунарии фолклорӣ- этнографӣ дар муаррифии миллат ва ҳифзу пойдории анъанаҳои нек саҳми назаррас гузоштаву мегузорад.
Таъсиси «Ганҷина» низ ба ин хотир буд. Гурӯҳи ҳунарӣ зуд маҳбубият пайдо карду бисёр сурудҳои мардумиро эҳё намуд. Ба он ҳунарпешагон, мутахассисону донандагони соҳа тариқи озмун қабул гардиданд. Онҳо беҳтарин сурудҳоро пешкаши ҳаводорон карданд. Мутаассифона, бо аз кор рафтани чанд тан аз ҳунарпешагони асили гурӯҳ «Ганҷина» ба тадриҷ коста шуд. Маъмурияти  Филармонияи давлатии Тоҷикистон ба номи А. Ҷӯраев пас аз он гурӯҳи рақсиро ҷудо кард. Инчунин, шумораи ҳунарпешагонашро кам намуд.
Мавриди ёдоварист, ки аз иҷрои суруди фолклорӣ на ҳар овозхон баромада метавонад, зеро он талаботи хоси худро дорад.
Ман ҳамчун коргардон баъдҳо низ се барномаи ҳунариро дар ин гурӯҳ омода намудам. Бо ин барномаҳо ду бор ба Ҳолланд ва як бор ба Бағдод сафари ҳунарӣ доштем. Бисёр хуш пазируфтанд ва эътироф карданд, ки фолклори миллати тоҷик бисёр ғаниву рангин мебошад.
Барҳақ, мо дар ин маврид ҳанӯз ҳам ганҷҳои нокушуда дорем. Зарур аст, ки сурудҳои фолклориро бо асолату тарзи иҷрояшон эҳё ва ҳифз намоем. Он, бешак, як ҷузъи таърихи санъати миллати мо ва бозгӯи ҳаёти мардумамон дар ҳолатҳои шодиву ғаманд. Намояндагону мутахассисони бисёр миллатҳо бо дидани барномаҳои ҳунарии мо на танҳо ба он мафтун гардиданд, балки орзу карданд, ки чунин ганҷро молик бошанд.
Агар муносибат ба сурудҳои фолклорӣ чунин сарду бепарвоёна идома биёбад, ба яқин, мо низ дигар роҳ ба сӯи ганҷҳоямон бурда наметавонем. Албатта, ин гуна муносибат махсусан дар раванди ҷаҳонишавӣ бештар таъсири манфӣ расонда метавонад. Аз ин рӯ, агар сурудҳои фолклориро эҳёву ҳифз нанамоем, моро миллат ва таърих ҳеҷ гоҳ намебахшад. Шояд чунин пиндоранд, ки Вазорати фарҳанги ҷумҳурӣ ба хотири иҷрои ин мақсади нек ва ҳам фаъолияти дурусту пурраи «Ганҷина» тасмим гирифта метавонаду тадбирҳои заруриро меандешад. Мутаассифона, алҳол вазорат чунин иқтидору неруро надорад.
«Ганҷина» муносибат ва дилсӯзии махсусро хостор аст, бешак, бо эҳсоси масъулияту ҷавобгарӣ дар назди миллату таърих.
Аз мутахассисону донандагони соҳа, ки алҳол дар қайди ҳаётанд, чаро истифода  намебаранд? Синну соли ин гурӯҳ, ки бисёр каманд, ба ҷое расидааст. Агар фаразан ҳам баъдҳо барои эҳёи «Ганҷина» биандешанду тадбирҳоро роҳандозӣ кардан бихоҳанд, дер мекунанд ва ин гуна мутахассисону донандагону ҳунарпешагонро пайдо намуда наметавонанд.
Гурӯҳи ҳунарии фолклорӣ - этнографии «Ганҷина» ҳолиё бо ном вуҷуд дорад. Фаъолияташ назаррас нест. Барномаҳои ҳунарии фолклориро аз мардум гирифта, такмил дода ва ба худи онҳо пешкаш карда наметавонанд.
Ҷойи тааҷҷубу афсӯсу нигаронӣ аст, вақте ки бархе аз масъулон сурудҳои фолклориро мегӯянд куҳна шудаанд. Гӯиё намедонанд, ки қимати сурудҳои фолклорӣ бештар дар куҳна гардидани он аст. Яъне, аз умри ин сурудҳо ҳар қадар зиёдтар бигузарад, ҳамон қадар қимат пайдо мекунанд. Онҳо қадимӣ будани миллат ва фарҳангу расму оин ва анъанаву суннатҳояшро бозгӯ месозанд.
Санаи эҷоди суруди фолклории «Магаме» соли 1945 мебошад. Чаро мо ба таҳқиқи ин суруд машғул нашудем? Магар ин ҳақиқат ва тарзи эҷоду иҷрои он барои ҳама маълум аст? Не. Дар ин хусус ва ҳам дигар сурудҳои мардумӣ зарур аст, ки мутахассисон таҳқиқ бибаранд, асарҳо таълиф бинамоянд.
Агар мехоҳем, ки «Ганҷина» ганҷинаи миллати соҳибтамаддунамон бошад, бояд пеш аз ҳама аз маҳорати худододии ҳунармандони маъруфи фолклорсаро  фарох истифода барем ва дар баробари ин аз ҳисоби ҷавонони ҳама шаҳру ноҳияҳои кишвар истеъдодҳои навро ҷустуҷӯ ва интихоб бикунем. Ҳамчунин, аз шунидани суханҳои ҳақ набояд биранҷем. Баръакс, зарур аст, ки онро ба хотири рушди фарҳанги миллӣ бипазирем ва дар ин самт барои таъриху миллат тадбирандешӣ бинамоем.
Раҳмондӯсти ҚУРБОНИЁН, Ҳунарпешаи халқии Тоҷикистон


Баёни ақида (0)    Санаи нашр: 22.08.2019    №: 160-161    Мутолиа карданд: 605

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед