logo

сиёсат

КОРХОНАИ "СИЁМА" ДАР ПОЙТАХТ ФАЪОЛ ШУД

27 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси шаҳри Душанбе Рустами Эмомалӣ дар ноҳияи Исмоили Сомонии пойтахт корхонаи истеҳсоли обҳои ташнагишикан ва маҳсулоти машруботии "Сиёма"- ро мавриди баҳрабардорӣ қарор доданд ва бо хати истеҳсолӣ ва имкониятҳои он аз наздик шинос шуданд.

Корхонаи мазкур дар доираи дастуру ҳидоятҳои Роҳбари давлат аз ҷониби ҶДММ "Авесто Гурӯҳ" бунёд ёфта, имконият дорад, ки дар як сол ба ҳисоби як басти корӣ 33 миллион литр обро истеҳолу ба харидорон пешниҳод намояд. Иншооти мазкур бо муосиртарин хатҳои истеҳсолӣ таъмин гардида, сифати ҳамаҷонибаи маҳсулоти омодашударо дастгоҳҳои насбшуда таъмин хоҳанд кард. Ба иттилои масъулон, технологияи насбшудаи корхонаи мазкур истеҳсоли ширкати маъруфи "Сидел"- и Фаронса буда,  он дар асоси стандартҳои муосири байналмилалӣ фаъолият мекунад. Муҷаҳҳазсозии корхонаи истеҳсоли обҳои ташнагишикан ва маҳсулоти машруботии  "Сиёма" - ро мутахассисони Фаронса, Италия, Лаҳистон, Чехия, Россия, Сербия, Мексика, Аргентина ва Испания анҷом дода, технологияи «Сидел» пурра ба таври  автоматӣ фаъолият менамояд.
Тавре ба Сарвари давлат иттилоъ доданд, дар корхона диққати аввалиндараҷа ба сифати маҳсулоти истеҳсолгардида зоҳир гашта, хати истеҳсолӣ бо филтри тозакунии чорзинагӣ таъмин мебошад. Аз ҷумла, барои таъмини сифати хуб ва мутобиқсозии он ба талаботи ҷории байналмилалӣ  об аз филтрҳои кварсӣ, карбонӣ, керамикӣ ва ионикунӣ гузаронда мешавад. Дар ин баробар ҷиҳати таъмини бехатарии маҳсулот ва ҳифзи саломатии истеъмолкунанда низоми азоникунанда низ дар корхонаи тозабунёд истифода бурда мешавад, ки тадбирҳо сифати ҳамаҷонибаи маҳсулотро таъмин хоҳад кард.
Истеҳсоли обҳои газнок, бегаз ва обҳои хуштаъм дар зарфҳои пластикӣ ва шишагии гуногунҳаҷм ба роҳ монда шуда, намуди зоҳирӣ ва сифати он ҷавобгӯ ба талаботи стандартҳои дохилӣ ва хориҷӣ мебошад. Ба фаъолият оғоз намудани корхонаи мазкур имкон медиҳад, ки минбаъд дар ин ҷо на танҳо маҳсулоти воридотивазкунанда, балки ба содирот нигарондашуда низ истеҳсол карда шавад, зеро ин корхона аз рӯи стандартҳои эътирофгардидаи ҷаҳонӣ фаъолияти худро роҳандозӣ кардааст.
Ба иттилои масъулон, ҳангоми васлу насби хати истеҳсолӣ дар асоси қарордодҳои баимзорасидаи ширкатҳои “Авесто Гурӯҳ” ва “Сидел” - и Фаронса мутахассисони маҳаллӣ аз курси омӯзишӣ гузашта, тартиби истифодабарии технологияро пурра аз худ намуда, феълан мустақиман идораи фаъолияти хати истеҳсолиро амалӣ месозанд.
Хати технологии истеҳсоли маҳсулоти машруботӣ бошад, аз давлатҳои Аврупо, бахусус аз ширкатҳои машҳури “Altec”- и Чехия ва “STM”- и Лаҳистон, инчунин, аз “ЗавКом Инжиниринг”- и Федератсияи Россия фармоиш дода шуда, пурра васлу насб карда шудааст. Бо мақсади пешниҳоди маҳсулоти аълосифат озмоишгоҳи муосир бо   таҷҳизоти замонавӣ, бахусус муайянкунандаи зичии дараҷаи машрубот, аз ширкати австриягӣ  таъмин гардидааст, ки айни замон дар ҳудуди Осиёи Марказӣ қиёс надорад.  Машруботи дар ин корхона истеҳсолшаванда асосан барои содирот пешбинӣ шудааст.
Айни замон  дар корхонаи нав 100 нафар соҳиби ҷойи кор гардида,  ҳангоми пурра ба кор даромадани корхона 160 мутахассиси маҳаллӣ бо ҷойи кори доимӣ ва маоши хуб таъмин мегардад. Ҳамчунин, 25 мутахассиси хориҷӣ барои омода кардани кадрҳои маҳаллӣ ба кор ҷалб гардид. Ба иттилои масъулон, барои боз ҳам беҳтару хубтар кардани шароити корӣ барои кормандони корхона ҳуҷраҳои кории барҳаво бунёд ёфта, онҳо бо сарулибоси махсуси корӣ ва хӯрок таъмин мебошанд.
 Ҳудуди корхона 1,4 гектар заминро дар бар гирифта, масоҳати бинои сохташуда 7500 метри мураббаъро ташкил медиҳад. Бинои  мазкур бо санъати муосири меъморӣ бунёд ёфта, дар сохтмони он  зиёда аз 100 нафар мутахассиси соҳибтаҷрибаи маҳаллӣ соҳиби ҷойи кори доимӣ гашт.
Аснои шиносоӣ Роҳбари давлат ба сатҳу сифати корҳои анҷомёфта  баҳои баланд дода, барои фаъолияти пурсамар ва истеҳсоли маҳсулоти рақобатпазир ба масъулони корхона дастуру ҳидоятҳои муфид доданд.
Санги асоси мазкурро Пешвои муаззами миллат 19 - уми марти соли 2018 гузошта буданд ва то ин дам иншоот бо сатҳу сифати баланд сохта ба истифода дода шуд. 
Об барои коркард ва истеҳсоли маҳсулоти ниҳоӣ аз дарёи Сиёма,  ки 55 километр дуртар аз пойтахти мамлакат қарор дорад, дастрас мешавад. Ин об дар озмуни байналмилалии обҳои ошомиданӣ, ки соли 2001 дар ИМА баргузор гардида буд, ба даҳгонаи обҳои беҳтарини ҷаҳон шомил карда шуд. Тибқи тадқиқоти олимони соҳа, оби Сиёма ба организми зинда таъсири мусбат расонда, барои тавоноии тан, бахусус кори мушакҳо, рӯда, ҳазмкунии таом ва барои тозакунии организм басо фоидаовар арзёбӣ шудааст. Он аз қабати пиряхҳо сарчашма гирифта, барои кашондани об корхона бо нақлиёти муосири соҳавӣ, ки таркиб ва хусусиятҳои онро ҳамаҷониба нигоҳ медорад, таъмин мебошад. Барои таъминоти корхона бо об ва тақсимоти минбаъдаи он дар нуқтаҳои фурӯш воситаҳои нақлиёти махсуси калонҳаҷм бо ғунҷоиши 25 тонна ва миёнаҳаҷми 4 - тоннагӣ бо насби тамғаи “Сиёма” харид шудаанд. Дар назар аст, ки дар муҳлати наздиктарин шумораи нақлиёти боркаш то 200 адад расонда шавад.
Тоҷикистон дар ҷаҳон аз лиҳози захираҳои оби тозаи ошомиданӣ яке аз ҷойҳои аввалро ишғол карда, оид ба ҳалли масъалаҳои марбут ба об ба нафъи аҳли башар кишвари ташаббускори эътирофшуда маҳсуб меёбад.
Бо қабул гардидани ташаббуси чоруми Сарвари давлати Тоҷикистон ҳоло дар миқёси сайёра Даҳсолаи нави байналмилалии амал “Об барои рушди устувор, солҳои 2018 - 2028” татбиқ шуда истодааст, ки дар доираи он то имрӯз пешниҳодҳои асосноку созанда ба миён гузошта шудаанд ва Тоҷикистон имрӯз ба яке аз марказҳои сиёсии баррасии масъалаҳои муҳими об дар сатҳи ҷаҳонӣ табдил ёфтааст.
Оби истеҳсолшавандаи «Сиёма» аз нигоҳи иқтисодӣ ва иҷтимоӣ манфиатовар буда, муаррифгари кишвари маҳбубамон дар арсаи байналмилалӣ шуда, содироти минбаъдаи он метавонад манфиати хуби иқтисодӣ оварад. Ҳамзамон, фаъолияти корхона ба амалигардии "Барномаи давлатии мусоидат ба содирот ва воридотивазкунии Ҷумҳурии Тоҷикистон барои солҳои 2016 - 2020"  мусоидат хоҳад кард.
Ҳукумати мамлакат мақсад гузоштааст, ки тавассути таъсиси корхонаҳои нави саноатӣ коркарди ҳарчи бештари ашёи хоми ватаниро ба роҳ монда, ба ин васила Тоҷикистонро аз кишвари аграриву саноатӣ ба мамлакати саноативу аграрӣ ва содироткунандаи маҳсулоти тайёр табдил диҳад.
Танҳо дар нимсолаи якуми соли 2019 дар шаҳри Душанбе ҳаҷми истеҳсоли маҳсулоти саноатӣ 1,3 миллиард сомониро ташкил кардааст, ки назар ба ҳамин давраи соли гузашта 25 фоиз зиёд буда, тайи солҳои 2016 - 2018 ҳаҷми он қариб ду баробар афзудааст.
Шумораи корхонаҳои саноатӣ дар шаш моҳи соли ҷорӣ ба 462 адад расидааст, ки нисбат ба ҳамин давраи соли гузашта 20 корхона зиёд мебошад.
Бино ба таъкиди Сарвари давлат муҳтарам Эмомалӣ Раҳмон, дар арафаи Ҷашни 28 - солагии Истиқлолияти давлатии Тоҷикистони маҳбубамон дар шаҳри Душанбе ба фаъолият оғоз намудани коргоҳу корхонаҳои нави истеҳсоливу хизматрасонӣ нишонаи пешрафти босуботи иқтисоди миллӣ, қадамҳои устувори мо ба самти рушди дарозмуддати кишвар ва ободии пойтахти маҳбубамон мебошанд.


Баёни ақида (0)    Санаи нашр: 27.08.2019    №: 164    Мутолиа карданд: 238

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ


Дар сомонаҳои дигари Тоҷикистон хонед