logo

иқтисод

“ПОМИР ЭНЕРЖИ”. ҚАРЗДОРӢ КОҲИШ ЁФТ

Истеҳсоли барқ дар шабакаҳои ширкати “Помир энержи” ба 104 миллиону 402 ҳазор киловатт - соат расид, ки дар қиёс бо ҳамин давраи соли сипаригашта нуҳ дарсад зиёд мебошад. Фурӯши барқ ҳам нисбат ба ҳамин давраи порсола 10 дарсад зиёд шуд.
Зимни суҳбат Далер Ҷумъаев, директори генералии ширкат, аз он изҳори қаноатмандӣ кард, ки ҷамъоварии маблағи истифодаи барқ нисбат ба солҳои пешӣ хеле беҳтар шуда, қарздорӣ аз ҳисоби аҳолӣ коҳиш ёфтааст. Агар дар ибтидои сол 750 хоҷагии вилоят дар рӯйхати қарздорон қарор дошта бошад, аз рӯи ҷамъбасти натиҷаҳои нимсола теъдоди онҳо 350 адад кам шуд. Хоҷагиҳое, ки аз ҳаққи истифодаи барқ қарздоранд, асосан сокинони шаҳри Хоруғанд ва бо онҳо пайваста кор бурда мешавад.  Роҳбари ширкат аз он изҳори нигаронӣ намуд, ки айни замон муассисаҳои буҷетӣ, бахусус сохторҳои Вазорати корҳои дохилӣ, Қӯшунҳои сарҳадӣ, беморхонаи вилоятӣ ва идораи обу ташноби шаҳри Хоруғ, қарзҳои гарон доранд ва ин қарздорӣ асосан аз ҳисоби солҳои пеш боқӣ мондааст. Маблағи умумии қарз аз истифодаи барқ дар вилоят ҳанӯз аз 8 миллион сомонӣ зиёдтар аст. Пардохт нагардидани ин маблағ барои хариди таҷҳизот, таъмиру навсозии иншооти энергетикӣ ва омода кардани онҳо ба мавсими нави гармидиҳӣ монеа эҷод мекунад.
Бо вуҷуди сарду сербарф омадани зимистон ва камоб гардидани рӯдхонаҳое, ки сарчашмаи асосии тавлиди барқ дар шабакаҳои барқӣ мебошанд, таъминоти аҳолӣ бо неруи барқ тамоми сол дар ҳолати муътадил нигоҳ дошта шуд. Навсозии хатҳои интиқоли барқ, таъминоти як қисмати идораву муассисаҳои иҷтимоӣ бо гармкунакҳои каммасраф ва боз дигар омилҳо ба камшавии талафоти барқи тавлидшуда ва ҳарчи беҳтар таъмин кардани муштариён бо барқи хушсифат дар давраи тирамоҳу зимистон мусоидат намуданд.
Директори генералии ширкат дар робита ба бунёди Неругоҳи барқи обии «Себзор», таъмиру навсозии иншооти энергетикии вилоят ва расидан ба истиқлолияти комили энергетикӣ иттилоъ дод, ки айни замон дар мавзеи бунёди неругоҳ корҳои омодагӣ барои сохтмони иншооти асосӣ идома доранд. Якҷо бо оғози корҳои асосии сохтмонӣ дар неругоҳ, ҳамчунин, навсозии хати баландшиддати барқ аз ҷои сохтмон то маркази вилоят шурӯъ мешавад. Бо навсозию ивазкунии хатҳои интиқоли барқ ва зеристгоҳҳои нав талафоти неруи барқ дар ноқилҳо хеле коҳиш хоҳад ёфт ва бо боварии комил гуфтан мумкин аст, ки дар се соли оянда мушкилоти вобаста ба таъминоти барқ дар фасли зимистон дар деҳоти дурдасти вилоят низ  комилан аз байн бардошта мешавад. 
Далер Ҷумъаев гуфт, ки дар чаҳорчӯбаи барномаи муштараки Ҳукумати Тоҷикистон, шарикони рушд ва ширкати «Помир энержи» дар деҳоти дурдаст, ки ба қувваи барқи бо об тавлидшаванда дастрасӣ надоранд, 40 неругоҳи барқии офтобӣ бунёд мегардад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 27.08.2019    №: 164    Мутолиа карданд: 262

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед